Mlk Shwedelo
Shwedelo
Ni Malako ni wesinya kiiki kitabu, baki mutanga lungi Yoane-Malako (Byeeta mitonge 12.12). Yuu Malako ndeene yumo hamukidi ha mitonge ba Yeesu. Ila njyumo hamukidi ha baba be sumukanga na Petelo mutonge wa Yeesu kilisito. Mauya mabule mee sinya Malako we mateejya kukidila Petelo. Malako we sinya kiiki kitabu mukuboya ti wa saudile baaba basidi Bayaudi Musau ulweela. Iye hesinyeye kiiki kitabu ndeene mukulola kilao kya kalekale bidi Matayo.
Malako wa monesha ti Yeesu ni Mwaana wa Kabejya na lungi Mwaana wa Mundu. Wamonesha lungi ti Yeesu weeva kuvavubila bandu mudimo na kukwihaana tuulo mukuboya ti wabafuule. Maama mauya umabanga mu kitabu kya Malako 10.45. Haŋo, Yeesu wa jyongola biibi: Kumona miimi Mwaana wa Mundu sivava mukuboya ti bangundeele mudimo. Ila vava mukuboya ti na vubilange nengutuula mwejyo waami, nafuule bandu babule.
Malako wa yakula kukidila kubutuka kwa Yeesu na kukidila bulenge bwaaye. Ila ukiyakula mauya ma Yeesu hasiteliye mukulu wa mundu. Kusomba kibelo kya kumbala mupaka kibelo kya kumi, Malako we monesha mooso meeta Yeesu mu mukola wa Galilaya. Mukibelo kya kumi na kumi na yimo na kibelo kya kumi na mutuba, wamonesha beebya byeeta Yeesu mu kisi kya Yudea na mumukola ukata wa Yelusalemu. Kumongo, wa saula kukidila kumota kwa Yeesu haulu ha musalaba na kufukuka kwaaye. Hamukidi habitabu binaa bya Mauya ma lweela ma Yeesu Kilisito, Kitabu kya Malako ni kiki yakananga kindiidi. Munda mwa kiiki kitabu, huya ao kumo dikata dikiyakula Malako, ni kulabudibwa kwa Yeesu Kilisito.
اکنون انتخاب شده:
Mlk Shwedelo: bnx
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Forum Communautairre des Traducteurs de la bible et Alphabetisation