۱قورئنتلیلره 1
1
سالاملار و شوکورلر
1پولوسدان، کی تارینین ائرادهسی ائنن عئسا مسئحئن حوارئسی اولماغا دعوت اولونوب و قارداشیمیز سوستِنِسدن،
2تارینین کئلئساسینا کی قورئنت شهرئندهدئر، یعنی موقدّس اولماغا دعوت اولونموش، مسئح عئسادا تقدئس اولونموشلارا، و اولارین ربّی و بئزئم ربّئمئز عئسا مسئحئن آدینی هر یرده ذئکر الهینلرئن هامیسینا،
3آتامیز تاریدان و رب عئسا مسئحدن سئزه فیض و سالاماتلیق اولسون.
سئز کئملرسئز؟
4تارینین مسئح عئسادا سئزه باغیشلادیغی فیضدن اؤتری سئزئن اوچون همئشه تاریما شوکور الهیئرم. 5بو سببدن کی، مسئحده سئز هر شیده، هر سؤز و هر معرئفتده، دؤولتلی اولدوز. 6نجه کی، بئزئم شهادتئمئز مسئح حاقّیندا، سئزده تصدئق اولوندی. 7بله کی، هچ بئر عطادا اَسکئیئز اولماییب، ربّئمئز عئسا مسئحئن ظوهورونی ائشتئیاق ائنان گؤزلهیئرسئز. 8او سئزی آخیراجاق تصدئق اِلئیهجک، اله کی ربّئمئز عئسا مسئحئن گونونده تقصئرسئز اولاسیز. 9وفالیدیر تاری کی، سئزی دعوت الهیئب اونون اوغلی ربّئمئز عئسا مسئح ائنن رفاقتئز اولا.
آیریلیقلار
10ائندی ای قارداشلار، ربّئمئز عئسا مسئحئن آدی ائنن سئزه یالواریرام کی، هامیز بئر دوشونجهده اولون و آرازدا آیریلیقلار اولماسین، بلکی فئکئرده و رأیده بئر اولون. 11چونکی ای قارداشلاریم، خَلویئنئن اِو اهلئندن سئزئن بارهده منه خبر ورئلئب کی، آرازدا داعوالار وار. 12دمک ائستهدئیئم بودور کی، هر بئرئز دیئر: «من پولوسدان تَبَعئیّت اله یئرم»، «من اَپولّوسدان تَبَعئیّت اله یئرم»، «من کئفادان تَبَعئیّت اله یئرم»، «من ده مسئحدن تَبَعئیّت الهیئرم.»
13مگر مسئح بؤلونوب؟ مگر پولوس سئزئن اوچون چارمیخا چکئلدی؟ یا کی، پولوس آدی ائنن تعمئد اولوندوز؟ 14تارییا شوکور الهیئرم کی، کرئسپوس و قایوسدان باشقا، سئزلردن هچ کئمی من تعمئد ورمهدئم. 15اِله کی، هچ کس دمهسئن کی منئم آدیمدا تعمئد آلیب. 16استئفاناسین اِو اهلئنی ده تعمئد وردئم. داها خاطیرلامیرام کی، آیری بئر کسی تعمئد ورمئش اولوم. 17چونکی مسئح، منی تعمئد ورمهیه یوخ، بلکی ائنجئلئن خوش خبرئنی اعلان الهمهیه گؤندَردی؛ هم ده سؤز حئکمتی ائنن یوخ کی، اولمایا مسئحئن چارمیخی بوشا گتسئن.
مسئح، تارینین حئکمتی و قودرتی
18چونکی چارمیخ بارهده اولان کلام، هلاک اولانلار اوچون آغیلسیزلیقدیر، آمّا بئز نئجات تاپانلار اوچون تارینین قودرتیدئر. 19اونا گؤره کی، یازیلیب:
«حئکمتلیلرئن حئکمتئنی محو الئیه جهیم،
فهئملرئن ده فهمئنی بوشا چیخارداجاغام.»
20هاردادیر حئکمتلی؟ هاردادیر تؤورات موعلّئمی؟ هاردادیر بو عصرئن اَدئبلری؟ مگر تاری بو دونیانین حئکمتئنی آغیلسیزلیغا چوئرمهیئب؟! 21دونیا اؤز حئکمتئنئن واسئطهسی ائنن تارینی تانیمادیغینا گؤره، تارییا دا، اؤز حئکمتئنده بو، خوش گلدی کی، اعلان اولونان کلامین آغیلسیزلیغی ائنن ائنانانلاری قورتارسین. 22دوغرودان دا کی، یهودئلر علامتلر طلب الهیئرلر و یونانلیلار حئکمت آختاریرلار؛ 23آمّا بئز چارمیخا چکئلمئش مسئحی اعلان الهیئرئک کی، یهودئلره بودرهمه داشی، قیرییهودئلره ده عاغیلسیزلیقدیر. 24آمّا دعوت اولونانلارا، ائستر یهودی اولسون ائستر یونانلی، مسئح تارینین قودرتی و تارینین حئکمتیدئر. 25چونکی تارینین عاغیلسیزلیغی ائنسانلارین حئکمتئندن داها حئکمتلیدئر، تارینین ضعئفلئیی ده ائنسانلارین قودرتئندن داها قودرتلیدئر.
قورئنت ائمانلی لاری و دونیانین حئکمتی
26بونا گؤره قارداشلار، آلدیغیز دعوته باخین. ائنسان اؤلچوسونه گؤره، آرازدا حئکمتلی، قودرتلی و اصئلزاده چوخ یوخ ائدی. 27آمّا تاری دونیانین عاغیلسیز ساییلانلارینی سچئب کی، حئکمتلیلری اوتاندیرسین و دونیانین ضعئف ساییلانلارینی سچئب کی، گوجلولری اوتاندیرسین. 28تاری دونیانین اصئلزاده اولمایانلارینی، حقئر گؤرولَنلرئنی، حتّا هچ ساییلانلارینی سچئب کی، اهمئیّتلی ساییلانلاری هچ الهسئن. 29اله کی، هچ بئر ائنسان اونون حوضوروندا فخر اله مهسئن. 30آمّا سئز اونون سایهسئنده مسئح عئساداسیز کی، تاریدان بئزه حئکمت، صالحلئک، قودوسئیّت و فئدئیه اولوبدور. 31بونون اوچون، یازیلمیش اولدوغی کئمی «قوی فخر الهین، ربده فخر الهسئن.»
اکنون انتخاب شده:
۱قورئنتلیلره 1: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company