'Olic 63
63
Ma'ilol to Kawas
O nitilidan ni Tafiti a 'olic, yo itira cingra i kohkohan no Yuta.
1Kawasaw, o Kawas ako Kiso,
sa'icel sa kako a milongoc i Tisowanan,
matiya o makdalay a awaay ko nanom a omah kako,
tadama'ilol kako i Tisowanan.
2Na mapanengnengayto Iso kako to Fangcalay a Kaitiraan Iso,
manengnengayto ako ko tadamaanay a 'icel ato 'dil Iso.
3Nawhani ikaka no 'orip ko nika tadamaan no mida'ocay a olah Iso,
saka, o papahmek kako i Tisowanan.
4O kakansiyaen ako Kiso tangasa i tolas no 'orip ako,
pasayra kako i Tisowanan a pakamay a mitolon.
5O mamafcol a mitahka ko salo'afang ako,
o raromadiw kako a lipahak a pahmek i Tisowanan.
6Yo mati'nang kako i kafoti'an i, maharateng ako Kiso,
salafii sa kako a miharateng i Tisowanan.
7Nawhani mararid Kiso a mipadama i takowanan,
i laloma' no sapikpik Iso kako a lipahak a romadiw.
8Ketket sa ko faloco' ako a mitoor i Tisowanan,
midama ko kawanan a kamay Iso i takowanan.
9Nikawrira, oya sapipatayananay i takowanan a tamdaw i,
o tatayra a ma^min i kaitiraan no mapatayay.
10O mamapatay no fonos cangra,
o mamakaen no waco no pala ko kodih nangra.
11Nikawrira, o mamapalipahak no Kawas ko hongti.
O miktonay to sowal i ka'ayaw no Kawas i, o papahmek a ma^min i Cingraan,
nikawrira, o mamatoem ko ngoyos no misamangahay a tamdaw.
اکنون انتخاب شده:
'Olic 63: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019