'Olic 62
62
O Piti'er to Kawas
O 'olic ni Tafiti. Mapatorod i kakridan no paradiway ci Yitutun.
1Sapater sa kako a mitala to Kawas,
o nai Cingraan ko pa'oripay i takowanan.
2Deng Cingra o 'ongcoy ako, o pa'oripay i takowanan,
o pa'adingay Cingra i takowanan saka, caayto ko mamalowid kako.
3Tahacowa ko pikari'ang namo a ma^min to ccay a tamdaw saw?
Matiyato o sakaloyohananay a 'adipel cingra a o mamaloyohto.
4Masarocod ko faloco' namo a sapitfadan i cingraan,
maolah kamo a misamangah.
O ngoyos aca namo ko mipalmeday a somowal,
'arawhani o mi'kakay i cingraan ko faloco' namo.
5Sapater sa kako a mitala to Kawas,
deng Cingra a ccay ko pafaloco'an ako.
6Deng Cingra o 'ongcoy ako, o pa'oripay i takowanan,
Cingra ko pa'adingay i takowanan saka,
caayto ko mamatfad kako.
7O nano Kawas a ma^min ko sakamapa'orip ato sakatadamaan ako,
o pilimekan ako ato tanektekay a 'ongcoy ako Cingra.
8Kamo o finawlan ako, kararid a miti'er to Kawas,
patalahkalen i Cingraan ko i faloco'ay namo,
nawhani o piki'adingan ita Cingra.
9Matiya o fali ko tamdaw,
ano o tadamaanayto, ano o sasafaayto a tamdaw i, awaay ko ^poc.
Ano dadoyen#62.9 dadoyen -- o roma i, tingtingen. cangra i, awaay ko karetereteng nangra,
i safaayho no fali ko nika kahmaw nangra.
10Aka piti'er kamo to 'icel no miforiforay,
aka pisafaloco' to sakacidafongaw to nitakawan,
ano matongatongal ko dafong namo i, aka piti'er torira.
11Kinapinapi:nato kako a pakatngil to sowal no Kawas,
o sakowan a 'icel i, o no Mako saan.
12Ira ko caay ka falic a olah Ningra.
Tapangaw, pakaynien Iso i dmak no kahaccaccay a tamdaw ko pipakaolah i cingraan.
اکنون انتخاب شده:
'Olic 62: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019