'Olic 58

O Pilongoc to Pitfoc no Kawas to Tatiihay a Tamdaw

O nito^to'an ni Tafiti a 'olic. Mapatorod i kakridan no paradiway. O no <<Caay ko Tatastasen>> a hacong ko saparadiw.

1Kamo o mikowanay,#58.1 Kamo o mikowanay, -- ano ^ca i, kamo o kawakawas. so'linay a mo^cel ko pikowan namo haw?

O malalenay ko pisawkit namo to finawlan haw?

2Caay! Deng o tatiihay ko maharatengay namo,

paci^ci sa kamo a ciraraw a miforifor i hkal.

3O tatiihay a tamdaw i, hofoc hanho i, morarawto to ko patosokan ningra,

o misamangahay a tamdaw i, sadak saho i tiyad no ina i,

miliyasto to mo^celay a lalan.

4Matomes no tatiihay cangra, matiya o cisawarakay a 'oner,

poeten nangra ko tangila, matiya o mado'engay a ka^fefay a 'oner,

5caay pakatngil to pitipolo no mitimaay to 'oner,

caay haca pakatngil to sowal no maangangay#58.5 maangangay -- o ccay no misalisinay a dmak no cikawasay, o mi'ang'angay han no i ka'amisay..

6Kawasaw, mamana piteken Iso ko wadis nangra.

Tapangaw, mamana ngito'en Iso ko packis nonini a toforho a layon.

7Mamana matiya o mircepay a nanom no 'alo a ma'icang cangra,

mamana matiya o masakasakay a rngos a maporaric cangra.

8Mamana matiya o cori' a 'antol cangra,

mamana matiya o mahalodotay a nihofocan cangra a caay paka'araw to cidal.

9Talifahal sa cangra a matiya o 'odidal a maferfer a mapaliwasak no tata'angay a kter no Kawas.

10O lalipahak ko mo^celay a tamdaw a minengneng to nika tfoc no ciraraway a tamdaw,

o papakayra cangra i manawnaway a rmes no tatiihay a tamdaw a romakat.

11Ta sowal sa ko tamdaw, <<So'linay mapakaolahto ko mo^celay a tamdaw,

so'linay iraay ko misawkitay to hkal a Kawas,>> saan cangra.

اکنون انتخاب شده:

'Olic 58: AMIS2019

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
'Olic 58