Thuhil kikna Thupatna
Thupatna
Thuhil kikna Hi thubu sungah, khuangeipi duisung ngampa ah a khualhaw tawpna ahi Moab ngam sungah a tawlngak laitakin Canaan ngam lua tu in a tum mahiat in, Israel mihingte tungah Moses ii thuson teng abaan abaan in kikhum ahi hi.
Hi thubu sungah a kiciamtee a thupibel pawlkhatte a nuai a bang ahi hi. (1) Moses in a bosa kum sawmli sung a piang thuliante suut kik hi. Pathian in duisung ah amate a lampuina thu a phaw natu uh le Pathian tungah citakin, thu a nit natu uh ama in thawn hi. (2) Moses in Thupiak Sawmte en kik a, Thupiak Khatna sia ii a khiakna thupi son belin Topa tung bek ah a ki bup piak tu in thawn hi. Tua zawkciang Israel nuntakna a uk tu in a khapsa ngam ah a teen uh ciang a zui tu thukham tuatuamte en kik hi. (3) Pathian ii a mite taw a vawt thuciamna ii a khiakna Moses in mipite phawksak kik a, sep tu in a vaipuakte thaksua tu in thawn hi. (4) Pathian mite a lampui kik tu in Joshua kisee hi. Pathian ii thumaanna thu a pokna la khat sa in, Israel nam teng tungah thupha a piak zawkciang Jordan ngun nisuana sang Moab ngam sungah Moses thi hi.
Hi thubu ii a bulphupi sia Pathian in a it, a tealsa mihingte ngumin thupha pia zo a hina thu hi a; ama mite in nuntakna le a tatsat ngeingawl thupha a nga natu in hi thu phawk tawntung tu a, tuaciang ama it in a thu a nit tu ahi hi.
Hi thubu sungah a thupibel sia 6:4-6 sung hi a, Jesus ii thupiak theampo sung pan a lianbel hi a ci, “Topa na Pathian uh, na thinsung theampo, na nuntakna theampo le na thahatna theampo taw it vun,” cina kammalte ahi hi.
A kihel Thulute
Moses ii thuson a khatna 1:1—4:49
Moses ii thuson a niina 5:1—26:19
a. Thupiak Sawmte 5:1—10:22
b. Thukhamte, zui tu ngeinate le kidop tu thute 7 11:1—26:19
Canaan ngam tum natu zia hilnate 27:1—28:68
Thuciamna kithaksua 29:1—30:20
Moses ii kammal khak belte 31:1—33:29
Moses ii thina 34:1-12
اکنون انتخاب شده:
Thuhil kikna Thupatna: SCB2
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Siyin Chin Bible © Bible Society of Myanmar, 2016