Thuhil kikna 1
1
Thupatna
1Hi thubu sung a thute sia Israel mite Jordan ngun nisuana sang duisung ah a om laitak Moses ii amate tungah a pau kammalte ahi hi. Amate sia Suph khua nai Jordan Kuam sung a langkhat ah Paran khua, a langkhat ah Tophel, Laban, Hazeroth le Dizahab khuate kilaklaw ah om hi. 2(Sinai Mual pan Kadesh Barnea sia Edom mualtung ngam paina lam zui leang ni sawm le ni khat kipai hi.) 3Egypt pan a pusua zawk a kum sawmli kum, a tha sawm le khatna a ni khat ni in Topa ii amate tungah son a, a sawl theampo Moses in mipite tungah son hi. 4Hi thu a son sia Topa in Heshbon khua a uk, Amor Kumpi Sihon, Ashtaroth le Edrei khua teng a uk Bashan Kumpipa Og, a zaw zawkciang ahi hi. #Mi 21:21-35 5Jordan ngun nisuana Moab ngam sungah a om uh sungin Moses in Pathian ii thukhamte le hilciannate sonthiang tu in kipan hi.
Ama in, 6“Sinai Mual ah ih om lai, Topa ih Pathian in eite tungah, ‘Hi mual ah khuangei ma om zo nu hi. 7Ngiabuk phelin kikhiin vun. Amor mualtung ngam le a kiimkot ngamkuamte theampo — Jordan Kuam, mualtung ngam le a lei niamnate, thangsang ngamkuam le Mediterranean tuipi vaal dongin pai tavun. Canaan ngam le Lebanon Mualte langkhat kalh in Euphrates Ngun lian dong pai tavun. 8Hi ngam theampo sia Keima Topa in na taanghpupite Abraham, Isaac le Jacob te le a suan a paalte tungah piak tu in ka kamciam ahi hi. Tuasia pai in la tavun’ hong ci hi,” ci hi.
Moses in Thukhente Khan
(Pusuana 18:13-27)
9Moses in mipite tungah, “Sinai Mual ah ih om lai in note kong son zo a, ‘Note lam kong pui tu vaipuak sia kei atu in haksa lei hi. Kei nguak in ka seam zo buatu hi. 10Topa na Pathian in note van ah aksi za in hong tamsak hi. 11Na taanghpupite ii Pathian Topa in hong kamciam bangin note a tulkhatvei in hong khangsak hen a, hong nuamsasak tahen! 12Ahizong kei nguak in no thu kisik ngawlnate thukhen tu in vaipuak lian sia bangbang pua zo thong tu khi ziam? 13Na nam uh sim pan a pil a ciim, thu he, a son a hawm ngeite pawl khat teal vun a, note hong uk tu in amate ka koi tu hi,’ kong ci hi. 14Hi sia sep tu in a pha khat hi, ci in na lung uh kim hi. 15Tua ahiciang na nam uh pan na tealsa a pil a ciim le a hawm a son ngei lampuite in kong uksak hi. Pawlkhat in mihing tulkhat, pawlkhat in zakhat, pawlkhat in sawmnga le pawlkhat in sawm uk tu in vaipuak ka pia hi. Minamte sung pan a dang lampuite zongh panmun ka pia hi.
16“Tualai in amate tungah, ‘Na mite sung pan thu kisik ngawl na thu hong sonnate pha tak ngaisak vun a, na mite bek ahizong, note sungah a teang nam dangte a kihel zong pha takin thukhen vun. 17Thukhenna te ah nguptuam paaituam nei heak vun; akua akua ahizong a vekpi a kibangin khensak vun. Kuama kiita heak vun, banghang ziam cile na thukhenna te sia Pathian kung pan hong pai hi. Thu khat pawpo note atu in a haksa lei le, hong paipui tavun a, keima ka khen tu hi,’ kong ci sa ahi hi. 18Tua hun laitak ma in, na nasep tu dangte theampo atu kong hil siat zo hi.
Kadesh Barnea pan Thudawpkute Kipaisak
(Mi Simna 13:1-33)
19“Eite in Topa ih Pathian hong thupiak bangin ih seam hi. Sinai Mual nusia in tua a zai, a lauhuai sennealngam kaantan in Amor ngam mualtung ngam lampi tawn in ih pai hi. Kadesh Barnea ih thet ciang, 20-21Keima in, ‘Tu in ih taanghpupite ii Pathian, Topa ih Pathian ii eite hong piaksa Amor mualtung ngam theng zo nu hi. En vun, zia lai hi. Ama thupiak bangin pai in la vun. Haisaang heak vun, lau heak vun,’ kong ci hi.
22“Ahizong note ka kungah hong pai in, ‘Ih mai ah thudawpkute ngamvil in pai masa sak tawng, tua hile amate in ih zui tu lampi phabel le khuapite omzia hong son thei tu hi,’ nong ci uh hi.
23“Tuasia pha tuak sa ka hikom nam sim pan khat tek mihing sawm le nii ka teal hi. 24Amate Eshcol Kuam dong mualtung ngam sungah paito in ngam vil uh hi. 25Amate in tualai ah a mu thingnga pawlkhat hong ciapui kik a Topa ih Pathian hong piak ngam sia lei pha mama hi, hong ci uh hi.
26“Ahizong Topa na Pathian ii thupiak sia na langpan uh a, tua ngam sungah na tum buatu uh hi. #Thkna 9:23; Heb 3:16 27Note phun teaptuup in khat le khat tung ah: ‘Topa in eite hong ensan hi. Hi Amor te ii hong thalup thei tu in ama in Amor te khut sungah aap tu in Egypt pan hong paipui hi. 28Banghang tua munah pai tu hi ziam? Ih lau hi. Thu dawp a ih paisakte in tua munah a teang mihingte ei sangin hat zaw, saang zaw a, van banin a ki uum khuapite sungah teang hi, ci in hong son hi. Amate in tualai ah mi thatang liante mu hi!’ na kici uh hi.
29“Ahizong keima in, ‘Tua mihingte kiita heak vun. 30Topa na Pathian in no lam hong pui tu a, Egypt le sennealngam ah a vawt na mu uh bangin, noma atu ngal hong simsak tu hi. 31A pa in a tapa a toai bangin, hi ciang dong lam tawntung ah bit takin hong paipuina thu na mu uh hi,’ kong ci hi. #Sawl 13:18 32Ahizong hi bangza in kong ci kawm pan note in Topa sia #Heb 3:19 33na mai ah pai masa in ngiaphual tu mun hong zonsak tawntung hi napi na muang bualai uh hi. Na pai natu lam hong lak tu in zanin meikhuam sung, sunin meeikhuam sung noma mai ah pai hi.
Topa in Israel Daan pia
(Mi Simna 14:20-45)
34“Topa sia na phunna uh a zaak ciang thin uukin, kiciam in, #Heb 3:18 35‘Hi khang ngilo sia sung pan note khat zongh, na taanghpupite tung piak tu a ka kamciamsa lei phana ngam na tum buatu uh hi. 36Jephunneh ii tapa Caleb bek tum tu hi. Ama in kei tungah hong thumaan top a, ama le a suan a paalte ama vilsa ngam ka pia tu hi,’ ci hi. 37Note hangin Topa kei tung zongh ah hong thin uuk a, ama in ‘Moses awng, nang ngawngawn tua ngamsung tum ngawl tu ni hi. 38Ahihang nang hong hu khutdawn pa Nun ii tapa Joshua a thin khensatna a kho natu in hanthawn in. Ama in Canaan ngam a la tu in Israel te lampui tu hi,’ hong ci hi.
39“Tua zawkciang Topa in eite theampo tungah, ‘Moi lei lai ahiciang a pha le a sia a he ngawl lai na tate — ngalte in man tu na ci uh na tate teng, tua ngam ah tum tu hi. Amate tungah tua ngam ka pia tu a, amate in la tu uh hi. 40Ahizong note heak kikin Aqaba Tuipidok sang lampi tawn in sennealngamsung zuan kik tavun,’ hong ci hi.
41“Note in, ‘Moses awng, kote Topa tungah maw zo khu hi. Ahizong tu in Topa ih Pathian hong thupiak bangin sim tu khu hi,’ ci in nong zo kik uh hi. Tuasia ciang tua mualtung ngam sim zawk tu sia ol tu ngaisunin, mi sim ngalsim tu in na kithoai uh hi.
42“Ahizong Topa in kei tungah ‘Ngal a sim ngawl natu kidawmsak in banghang ziam cile amate ka ompui buatu a, a ngalte in zo tu hi,’ hong ci hi. 43Topa hong ci bang kong son hi, ahizong nong nangai bua uh hi. Ama leedo in kiphatsakna taw mualtung ngam sungah na kuan uh hi. 44Tuasia ciang tua mualte tungah a teang Amor te in khuaihon bangin note hong uum hi. Amate in note Hormah dong hong del a, Edom mualtung ngam ah hong zo hi. 45Tuasia ciang Topa tungah kapin huna na ngen uh a, ahizong ama in hong nangai ngawlin, hong awlmawk ngawl hi.
Sennealngam ah Kum tampi
46“Tuabangin Kadesh ah ngei hialma ih om zawkciang,
اکنون انتخاب شده:
Thuhil kikna 1: SCB2
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Siyin Chin Bible © Bible Society of Myanmar, 2016