Hechos 23
23
1I ma Pablo xuk'am kitaqexik i jutz'ob'aj unimaqil chi kki'at tzij pkitinimit aj Judío i xub'ij chke:
—Wachalal chwach i Cristo, yin weta'am chi ni'pa in-anom xaq ni'pa kin-an wo'or, ink'ux lik utz kuna chwach i Dios.
2Are uri ma Ananías chi atz laj rajpatan i Dios, xub'ij chke i je o chuk'ulel ma Pablo chi chkich'aya che uchi'. 3Xwiri i ma Pablo xub'ij che:
—¡I Dios katuch'ay ni yet chi xa keb' apalaj! We yet at kul chila chu'anik i atb'al tzij pacha usuk', ¿B'uchak uri chi kaqel i atb'al tzij man xataq inch'ayik?
4Xwiri ni'pa i je o chila xkib'ij che:
—¿Keje ula'ik uwach ile ka'an che i atz laj rajpatan i Dios?
5I ma Pablo xub'ij chke:
—Wachalal chwach i Cristo, yin weta'am taj chi ire le are atz laj rajpatan i Dios; weta'am chi chupam uwuj i Dios keje iri kub'ij: Mab'ij k'ax laj taq tzij chkij i uwi ujolom atinimit —xcha.
6Te'uri ma Pablo are xrilo chi o jujun chke i jutz'ob'aj unimaqil chi kki'at tzij pkitinimit aj Judío je aj Saduceo xaq je o jujun je aj fariseo, ko xsik'in chub'ixkil iri:
—Wachalal chwach i Cristo, yin in fariseo, xaq inqajaw inchuch lik je aj fariseo; wo'or ki'an taq i atb'al tzij pinwi xa rumal kinkojo chi i kamnaq kewalij che i kamik.
7Are xb'itaj ile rumal ma Pablo, i je aj fariseo xaq i je aj Saduceo, xe'ok chuchapik kib' chkiwach che i tzij, are uri i kimolom kib' xa xu'on keb' kiwach. 8Man i aj Saduceo kkib'ij chi i kamnaq kewalij ti chik che i kamik, xaq kkib'ij chi nti ángel, xaq nti tewalil; xwiri i aj fariseo lik kkikojo chi o ronojel ile. 9Konojel is kesik'inik; xaq je o jujun tijonelab' re i atb'al tzij chi je aj fariseo, xetak'i anoq i xkib'ij:
—I achi le nti umak u'anom, moqxa ijlam rumal jun tewalil o moqxa rumal jun ángel.
10Xwiri lik xa mas kkikowij kik'ux che i ch'oqowik, rumali chi i atz laj aj-ok'al utzam chke achiyab' chi je yij che i ch'oj lik xuxij rib' man moqxa kki'an ch'aqa taq che ma Pablo; rumali xutaq chik kisik'ixik jub'an achiyab' chi je yij che i ch'oj, man kkesaj b'i ma Pablo chila kkik'am b'i pkik'ijib'al i achiyab' le.
11Cha'ab' che ukab' ij, i Ajwal xwinaqir chwach ma Pablo i xub'ij che: “Chakowij ak'ux ma Pablo, man pacha i tzijonik xa'an chwij waral pa Jerusalén, xaq keje i tzijonik ile ka'an ni chila pa Roma.” Xcha i Ajwal.
Uch'ob'ik ukamsaxik ma Pablo
12Chukab' ij, jujun aj Judío xkiyijb'a chkiwach chi kkikamsaj ma Pablo xaq xkisaqij chwach i Dios chi nti k-ono we kpe i tojpen pkiwi, lik kkitij ti kiwa xaq kkitu' ti kiya' k'a kkikamsaj na. 13Je mas che i kawinaq (40) achiyab' chi lik xkich'ob' u'anik ile. 14Keje uri ile chi xe'e ru' i kaj-atzil i rajpatan i Dios, xaq ku' i je uwi kijolom i aj Judío i xkib'ij chke:
—Yoj xqasaqij chwach i Dios chi kqatij ti qawa xaq kqatu' ti qaya', k'a kqakamsaj ni ma Pablo. Qab'im che i Dios chi chojuk'oqoj we kqa'an ti ile. 15Rumali, wo'or yix junam ku' i jub'an chik chi je are jutz'ob'aj unimaqil chi kki'at tzij pkitinimit aj Judío, chib'ij che i aj-ok'al utzam chke i achiyab' chi je yij che i ch'oj chi chweq chuk'ama li ma Pablo chiwach yix, chib'ij che chi kiwaj kixtak'i praqan we qas lik o umak. Man yoj kqayijb'a qib' chukamsaxik chuxe'el are k'amaja kuponik.
16Xwiri i rak'al i ranab' ma Pablo xuta wach kkich'ob' u'anik. Are uri x-e chub'ixkil che ma Pablo chila pkik'ijib'al i achiyab' chi je yij che i ch'oj. 17Are uri ma Pablo xusik'ij jun chke i kaj-atzil i achiyab' chi je yij che i ch'oj aj Roma xaq xub'ij che:
—Chak'ama b'i i ala ri chwach i atz laj aj-ok'al utzam chke i kaj-atzil i achiyab' chi je yij che i ch'oj, man lik o kraj kub'ij che.
18I kaj-atzil i achiyab' chi je yij che i ch'oj aj Roma xuk'am b'i chwach i atz laj aj-ok'al utzam xaq xub'ij che:
—I ma Pablo chi o prexil xinusik'ij xaq k'iyal mul xutz'onoj utzil chwe chi kink'am li ala ri awu' man o kraj kub'ij chawe —xcha.
19Are uri i atz laj aj-ok'al utzam xuchap b'i che u'ab' i ala xaq xuk'am b'i ru' jela panoq; xutz'onoj che:
—¿Wach kawaj ub'ixkil chwe?
20I ala xub'ij:
—I winaq aj Judío xkiyijb'a chkiwach chi chweq k'iyal mul kkitz'onoj utzil chawe, chi kk'am b'i ma Pablo chkiwach i jutz'ob'aj unimaqil chi kki'at tzij pkitinimit aj Judío, man lik kkib'ij chawe chi kkaj ketak'i praqan we qas o umak. 21Xwiri makoj chke, ile qatzij taj, man lik mas che i kawinaq (40) achiyab' chi kkuwaj kib' chroy-exik ma Pablo re kikamsaj xaq kisaqim chwach i Dios chi kkitij ti kiwa xaq kkitu' ti kiya', k'a kkikamsaj ni ma Pablo, nti k-ono we kpe i tojpen pkiwi. Wo'or je yij chik chu'anik ile, xwi koy-em wach kab'ij yet.
22Are uri i atz laj aj-ok'al utzam chke i achiyab' chi je yij che i ch'oj aj Roma xu'ijla b'i i ala xaq xub'ij che chi mulap i tzij le.
Ma Pablo xtaq b'i chwach ma Félix chi aj-ok'al utzam i tinimit
23I aj-ok'al utzam chke achiyab' chi je yij che i ch'oj xeusik'ij keb' kaj-atzil uwinaq chi je yij che i ch'oj xaq xeutaq kiyijb'axik lajujwinaq (200) achiyab' chi je yij che i ch'oj chi je ajchaqan, lajuj oxwinaq (70) chi ke'e rij taq kaway xaq lajujwinaq (200) je ajk'aqol che' ch'ich' utzam pa tinimit Cesarea che i b'elejeb' or re cha'ab'. 24Xwi ta la ile, xaq xutaq kiyijb'axik i kaway k'amb'al b'i re ma Pablo xaq xub'ij chke chi utz rilik kki'ano k'a kkijacha ni che i aj-ok'al utzam i jalajuj taq tinimit ma Félix. 25Xaq xuya b'i jun wuj chke chi keje iri tz'ib'tal chupam:
26I wuji are ma Claudio Lisias ktaqaw b'i chawe yet Nim laj aj-ok'al utzam i jalajuj taq tinimit ma Félix: Chak'ama jun rutzil awach. 27I aj Judío xkichap i achi ri xaq lik kkikamsaj te'eq. Xwiri, are xwetamaj yin chi ire aj Roma, xeink'am b'i inwinaq chi je yij che i ch'oj chrelsaxik pki'ab' i winaq le. 28Yin xwaj retamaxik wach taq umak u'anom, rumali xink'am b'i chkiwach i jutz'ob'aj unimaqil chi kki'at tzij pkitinimit aj Judío, 29are uri xwetamaj chi xkikoj umak xa rumal xuqel i atb'al tzij ke ike; xwiri nti rumal we kkamsaxik xaq mitene we ktz'apix prexil. 30Xwiri xaq xwetamaj chi aj Judío kich'ob'om ukamsaxik, rumali kintaq b'i awu' yet; xaq xinb'ij chke i kekojow umak chi chkib'ij usuk' chawe yet wach umak u'anom chke.
31I achiyab' chi je yij che i ch'oj, chrij pacha i taqanik chi xya' b'i chke, xkik'am b'i ma Pablo che i a'ab' le k'a pa tinimit Antípatris. 32Che ukab' ij, i achiyab' chi je yij che i ch'oj chi je ajchaqan xetzalij chal pkik'ijib'al. I jub'an chi je o rij taq kaway xkimaj chub'i kib'e junam ru' ma Pablo. 33Are xeupon pa tinimit Cesarea, xkiya i wuj che i aj-ok'al utzam i jalajuj taq tinimit xaq xkijach kan i ma Pablo che. 34Chrijil chik rajlaxik uwach i wuj, i aj-ok'al utzam i jalajuj taq tinimit xutz'onoj aj ipa i ma Pablo. Are xretamaj chi aj pa tinimit Cilicia, 35are uri xub'ij che:
—K'a te katinta na are kek'un i kekojow amak.
Te'uri xutaq uchajixik ma Pablo chila pa nim laj rachoch ma Herodes.
اکنون انتخاب شده:
Hechos 23: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala
Hechos 23
23
1I ma Pablo xuk'am kitaqexik i jutz'ob'aj unimaqil chi kki'at tzij pkitinimit aj Judío i xub'ij chke:
—Wachalal chwach i Cristo, yin weta'am chi ni'pa in-anom xaq ni'pa kin-an wo'or, ink'ux lik utz kuna chwach i Dios.
2Are uri ma Ananías chi atz laj rajpatan i Dios, xub'ij chke i je o chuk'ulel ma Pablo chi chkich'aya che uchi'. 3Xwiri i ma Pablo xub'ij che:
—¡I Dios katuch'ay ni yet chi xa keb' apalaj! We yet at kul chila chu'anik i atb'al tzij pacha usuk', ¿B'uchak uri chi kaqel i atb'al tzij man xataq inch'ayik?
4Xwiri ni'pa i je o chila xkib'ij che:
—¿Keje ula'ik uwach ile ka'an che i atz laj rajpatan i Dios?
5I ma Pablo xub'ij chke:
—Wachalal chwach i Cristo, yin weta'am taj chi ire le are atz laj rajpatan i Dios; weta'am chi chupam uwuj i Dios keje iri kub'ij: Mab'ij k'ax laj taq tzij chkij i uwi ujolom atinimit —xcha.
6Te'uri ma Pablo are xrilo chi o jujun chke i jutz'ob'aj unimaqil chi kki'at tzij pkitinimit aj Judío je aj Saduceo xaq je o jujun je aj fariseo, ko xsik'in chub'ixkil iri:
—Wachalal chwach i Cristo, yin in fariseo, xaq inqajaw inchuch lik je aj fariseo; wo'or ki'an taq i atb'al tzij pinwi xa rumal kinkojo chi i kamnaq kewalij che i kamik.
7Are xb'itaj ile rumal ma Pablo, i je aj fariseo xaq i je aj Saduceo, xe'ok chuchapik kib' chkiwach che i tzij, are uri i kimolom kib' xa xu'on keb' kiwach. 8Man i aj Saduceo kkib'ij chi i kamnaq kewalij ti chik che i kamik, xaq kkib'ij chi nti ángel, xaq nti tewalil; xwiri i aj fariseo lik kkikojo chi o ronojel ile. 9Konojel is kesik'inik; xaq je o jujun tijonelab' re i atb'al tzij chi je aj fariseo, xetak'i anoq i xkib'ij:
—I achi le nti umak u'anom, moqxa ijlam rumal jun tewalil o moqxa rumal jun ángel.
10Xwiri lik xa mas kkikowij kik'ux che i ch'oqowik, rumali chi i atz laj aj-ok'al utzam chke achiyab' chi je yij che i ch'oj lik xuxij rib' man moqxa kki'an ch'aqa taq che ma Pablo; rumali xutaq chik kisik'ixik jub'an achiyab' chi je yij che i ch'oj, man kkesaj b'i ma Pablo chila kkik'am b'i pkik'ijib'al i achiyab' le.
11Cha'ab' che ukab' ij, i Ajwal xwinaqir chwach ma Pablo i xub'ij che: “Chakowij ak'ux ma Pablo, man pacha i tzijonik xa'an chwij waral pa Jerusalén, xaq keje i tzijonik ile ka'an ni chila pa Roma.” Xcha i Ajwal.
Uch'ob'ik ukamsaxik ma Pablo
12Chukab' ij, jujun aj Judío xkiyijb'a chkiwach chi kkikamsaj ma Pablo xaq xkisaqij chwach i Dios chi nti k-ono we kpe i tojpen pkiwi, lik kkitij ti kiwa xaq kkitu' ti kiya' k'a kkikamsaj na. 13Je mas che i kawinaq (40) achiyab' chi lik xkich'ob' u'anik ile. 14Keje uri ile chi xe'e ru' i kaj-atzil i rajpatan i Dios, xaq ku' i je uwi kijolom i aj Judío i xkib'ij chke:
—Yoj xqasaqij chwach i Dios chi kqatij ti qawa xaq kqatu' ti qaya', k'a kqakamsaj ni ma Pablo. Qab'im che i Dios chi chojuk'oqoj we kqa'an ti ile. 15Rumali, wo'or yix junam ku' i jub'an chik chi je are jutz'ob'aj unimaqil chi kki'at tzij pkitinimit aj Judío, chib'ij che i aj-ok'al utzam chke i achiyab' chi je yij che i ch'oj chi chweq chuk'ama li ma Pablo chiwach yix, chib'ij che chi kiwaj kixtak'i praqan we qas lik o umak. Man yoj kqayijb'a qib' chukamsaxik chuxe'el are k'amaja kuponik.
16Xwiri i rak'al i ranab' ma Pablo xuta wach kkich'ob' u'anik. Are uri x-e chub'ixkil che ma Pablo chila pkik'ijib'al i achiyab' chi je yij che i ch'oj. 17Are uri ma Pablo xusik'ij jun chke i kaj-atzil i achiyab' chi je yij che i ch'oj aj Roma xaq xub'ij che:
—Chak'ama b'i i ala ri chwach i atz laj aj-ok'al utzam chke i kaj-atzil i achiyab' chi je yij che i ch'oj, man lik o kraj kub'ij che.
18I kaj-atzil i achiyab' chi je yij che i ch'oj aj Roma xuk'am b'i chwach i atz laj aj-ok'al utzam xaq xub'ij che:
—I ma Pablo chi o prexil xinusik'ij xaq k'iyal mul xutz'onoj utzil chwe chi kink'am li ala ri awu' man o kraj kub'ij chawe —xcha.
19Are uri i atz laj aj-ok'al utzam xuchap b'i che u'ab' i ala xaq xuk'am b'i ru' jela panoq; xutz'onoj che:
—¿Wach kawaj ub'ixkil chwe?
20I ala xub'ij:
—I winaq aj Judío xkiyijb'a chkiwach chi chweq k'iyal mul kkitz'onoj utzil chawe, chi kk'am b'i ma Pablo chkiwach i jutz'ob'aj unimaqil chi kki'at tzij pkitinimit aj Judío, man lik kkib'ij chawe chi kkaj ketak'i praqan we qas o umak. 21Xwiri makoj chke, ile qatzij taj, man lik mas che i kawinaq (40) achiyab' chi kkuwaj kib' chroy-exik ma Pablo re kikamsaj xaq kisaqim chwach i Dios chi kkitij ti kiwa xaq kkitu' ti kiya', k'a kkikamsaj ni ma Pablo, nti k-ono we kpe i tojpen pkiwi. Wo'or je yij chik chu'anik ile, xwi koy-em wach kab'ij yet.
22Are uri i atz laj aj-ok'al utzam chke i achiyab' chi je yij che i ch'oj aj Roma xu'ijla b'i i ala xaq xub'ij che chi mulap i tzij le.
Ma Pablo xtaq b'i chwach ma Félix chi aj-ok'al utzam i tinimit
23I aj-ok'al utzam chke achiyab' chi je yij che i ch'oj xeusik'ij keb' kaj-atzil uwinaq chi je yij che i ch'oj xaq xeutaq kiyijb'axik lajujwinaq (200) achiyab' chi je yij che i ch'oj chi je ajchaqan, lajuj oxwinaq (70) chi ke'e rij taq kaway xaq lajujwinaq (200) je ajk'aqol che' ch'ich' utzam pa tinimit Cesarea che i b'elejeb' or re cha'ab'. 24Xwi ta la ile, xaq xutaq kiyijb'axik i kaway k'amb'al b'i re ma Pablo xaq xub'ij chke chi utz rilik kki'ano k'a kkijacha ni che i aj-ok'al utzam i jalajuj taq tinimit ma Félix. 25Xaq xuya b'i jun wuj chke chi keje iri tz'ib'tal chupam:
26I wuji are ma Claudio Lisias ktaqaw b'i chawe yet Nim laj aj-ok'al utzam i jalajuj taq tinimit ma Félix: Chak'ama jun rutzil awach. 27I aj Judío xkichap i achi ri xaq lik kkikamsaj te'eq. Xwiri, are xwetamaj yin chi ire aj Roma, xeink'am b'i inwinaq chi je yij che i ch'oj chrelsaxik pki'ab' i winaq le. 28Yin xwaj retamaxik wach taq umak u'anom, rumali xink'am b'i chkiwach i jutz'ob'aj unimaqil chi kki'at tzij pkitinimit aj Judío, 29are uri xwetamaj chi xkikoj umak xa rumal xuqel i atb'al tzij ke ike; xwiri nti rumal we kkamsaxik xaq mitene we ktz'apix prexil. 30Xwiri xaq xwetamaj chi aj Judío kich'ob'om ukamsaxik, rumali kintaq b'i awu' yet; xaq xinb'ij chke i kekojow umak chi chkib'ij usuk' chawe yet wach umak u'anom chke.
31I achiyab' chi je yij che i ch'oj, chrij pacha i taqanik chi xya' b'i chke, xkik'am b'i ma Pablo che i a'ab' le k'a pa tinimit Antípatris. 32Che ukab' ij, i achiyab' chi je yij che i ch'oj chi je ajchaqan xetzalij chal pkik'ijib'al. I jub'an chi je o rij taq kaway xkimaj chub'i kib'e junam ru' ma Pablo. 33Are xeupon pa tinimit Cesarea, xkiya i wuj che i aj-ok'al utzam i jalajuj taq tinimit xaq xkijach kan i ma Pablo che. 34Chrijil chik rajlaxik uwach i wuj, i aj-ok'al utzam i jalajuj taq tinimit xutz'onoj aj ipa i ma Pablo. Are xretamaj chi aj pa tinimit Cilicia, 35are uri xub'ij che:
—K'a te katinta na are kek'un i kekojow amak.
Te'uri xutaq uchajixik ma Pablo chila pa nim laj rachoch ma Herodes.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala