2 कुरिन्थियन 13
13
इआ चिट्ठी माहीं पवलुस के आखिरी चेतउनी
1अब हम तिसराय तोंहरे पंचन के लघे आय रहेन हँय। अउर जइसन पबित्र सास्त्र माहीं लिखा हय, उहयमेर “हरेक बात दुइ इआ कि तीन गबाहन के गबाही के द्वारा सही इआ कि गलत साबित कीन जई#ब्यब 17:6; 19:15।” 2अउर जब हम दुसराय तोंहरे साथ माहीं रहेन हँय, त तोहँई पंचन काहीं चेतायन तय। उहयमेर अब जब हम तोंहसे दूर हएन, तऊ जे कोऊ पाप किहिन हीं, उनहीं अउर बाँकी सगले मनइन काहीं घलाय पहिलेन से चेताए देइत हएन, कि जब हम पुनि तोंहरे लघे अउब, त उनहीं कइसव न छोंड़ब। 3इआमेर हम एसे कहित हएन, कि तूँ पंचे इआ बात के सबूत चहते हया, कि मसीह हमरे द्वारा बोलत हें, कि नहीं, पय तूँ पंचे इआ जानिल्या, कि मसीह तोंहरे खातिर निबल नहिं आहीं, बलकिन तोंहरे पंचन के बीच माहीं सामरथी हें। 4इआ बात सही आय, कि जब मसीह काहीं क्रूस माहीं चढ़ाबा ग रहा हय, त ऊँ निबल देखात रहे हँय, पय अब परमातिमा के सक्ती से जिन्दा हें। एसे हमहूँ पंचे घलाय मसीह माहीं निबल देखइत हएन, पय परमातिमा के सक्ती से हमहूँ पंचे मसीह के साथ जिअत रहब। जउने तोंहार पंचन के सेबा करत रही। 5अउर अपने-आप काहीं तूँ पंचे जाँचा-परखा, कि बिसुआस माहीं बने हया, कि नहीं, अउर इहव जाँच करा कि मसीह तोंहरे पंचन के जीबन माहीं हें, कि नहीं। नहीं त तूँ पंचे परमातिमा के नजर माहीं निकम्मा ठहरिहा। 6पय हम इहय आसा करित हएन, कि तूँ पंचे जान लेइहा, कि हम पंचे निकम्मा नहिं आहेन। 7अउर हम पंचे अपने परमातिमा से इहय प्राथना करित हएन, कि तूँ पंचे कउनव बुरे काम न करा; हम पंचे इआ प्राथना एसे नहीं करी, कि हम पंचे सही देखाई परी, पय एसे करित हएन, कि तूँ पंचे भलाई के काम करा, चाह हम पंचे भले इआ परिच्छा माहीं असफल ठहरी। 8काहेकि हम पंचे सत्य के बिरोध माहीं, कुछू नहीं कइ सकी, पय सत्य के खातिर सब कुछ कइ सकित हएन। 9अउर जब हम पंचे निबल हएन, अउर तूँ पंचे बलमान हया, त हम पंचे आनन्द से भर जइत हएन, अउर इआ प्राथना घलाय करित हएन, कि तूँ पंचे पूरी तरह से बिसुआस माहीं मजबूत बन जा। 10जबकि अबे हम तोंहसे दूरी हएन, तऊ ईं बातन काहीं तोंहरे खातिर लिख रहेन हय, कि जब हम तोंहरे बीच माहीं अउब त, जउन अधिकार हमहीं प्रभू दिहिन हीं, त उआ तोंहरे फायदय के खातिर दिहिन हीं, हानि के खातिर न होय, त तूँ पंचे इआ ध्यान रख्या, कि हमहीं ओखर उपयोग कड़ाई से न करँइ परय।
पवलुस के नबस्कार
11हे भाई-बहिनिव, हम अपने बातन काहीं खतम करित हएन, अउर आखिर माहीं हम तोंहईं पंचन काहीं इआ लिखित हएन, कि तूँ पंचे आनन्दित रहा, बिसुआस माहीं मजबूत बनत जा, ढाढ़स रक्खा; अउर आपस माहीं एक मन रहा; एक दुसरे से मिल जुलिके रहा, अउर प्रेम अउर सान्ती देंइ बाले परमातिमा हमेसा तोंहरे पंचन के साथ रइहँय। 12अउर बड़े खुसी के साथ एक दुसरे से गले मिलिके नबस्कार करा। 13अउर इहाँ के सगले बिसुआसी भाई-बहिनी, तोंहईं पंचन काहीं नबस्कार करत हें। 14अउर प्रभू यीसु मसीह के किरपा, परमातिमा के प्रेम अउर पबित्र आत्मा के सहभागिता तोंहरे पंचन के साथ हमेसा होत रहय।
اکنون انتخاب شده:
2 कुरिन्थियन 13: bag
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Wycliffe Bible Translators, Inc. All rights reserved.