MATIU 18
18
Tɛna Yesui lán nɛ́ bà
(Maa 9:33-48; Luk 9:46-48; 15:3-7)
1Zĩ kũ̀a Yesu ìbanɔ sù ò a là ò pì: Dí mɛ́ à deńla kpata kũ à bò Luda kĩnaa gbɛ̃nɔ tɛ́ɛ? 2Akũ Yesu nɛ́ fíti ke sìsi à a zɛ̀ ń arɛ 3à pì: Yãpuran matɛn oárɛ, tó ádi nɛ̀sɛ litɛ a gɔ̃ lán nɛ́ fíti bàro, áni gɛ̃ kpata kũ à bò Luda kĩnaa gũnlo. 4Gbɛ̃ kũ à a zĩda bùsa à gɔ̃̀ lán nɛ́ fíti díkĩna bà, ade mɛ́ à deńla kpata kũ à bò Luda kĩnaa gbɛ̃nɔ gũn. 5Gbɛ̃ kũ à nɛ́ bire taka sì ma ìbakɛ yãi, makũmɛ à ma si.
Yã kũ àdi tó ò sãtɛ
6Tó gbɛ̃ tò nɛ́ kũ à ma náani vĩ díkĩnanɔ do sã̀tɛ, anigɔ̃ sã̀na adenɛ ò wísilɔgbɛ gbɛ̃̀ntɛ̃ dɔ a wakalɛ ò a zu sɛ̀bɛ lòkoton. 7Waiyoo andunia, kũ yã kũ àdi tó ò sãtɛ kú a gũn yãi. Séde yã kũ àdi tó ò sãtɛ gɔ̃ kun, ama waiyoo gbɛ̃ kũ sãtɛna yã pìi bò a kĩnaa. 8Tó n ɔ ke n gbá mɛ́ àdi tó ǹ sãtɛ, ǹ zɔ̃ ǹ zukũna. À sã̀nannɛ ǹ gɛ̃ wɛ̃̀ndii gũn kũ ɔ kusuo ke ɛrɛ ũ de n gɔ̃ ɔ mɛ̀n pla ke gbá mɛ̀n pla vĩla ò n zu tɛ́ kũ àdi garo gũn. 9Tó n wɛ́ mɛ́ àdi tó ǹ sãtɛ, ǹ bo ǹ zukũna. À sã̀nannɛ ǹ gɛ̃ wɛ̃̀ndii gũn kũ wɛ́ doo de n gɔ̃ wɛ́ mɛ̀n pla vĩla ò n zu tɛ́ gũn gyãwãnn.
Yãlɛkɔ̃ana kũ sã sãtɛnaao
10-11À laakari kɛ dɔkɛna kũ nɛ́ díkĩnanɔ dooi, zaakũ matɛn oárɛ, ń malaikanɔn kú musu, ò kú kɔ̃ wɛ́n kũ ma De kũ à kú gweo baala'i. 12Átɛn da deramɛɛ? Tó gbɛ̃ sã vĩ mɛ̀n basɔɔro, tó a do sã̀tɛ, ani a mɛ̀n basɔɔro donsari tó sĩ̀sĩgɛrɛɛi gwe, à gɛ́ à a sã kũ à sã̀tɛ pì wɛtɛroo? 13Yãpuran matɛn oárɛ, tó à bòa, a pɔ nigɔ̃ nnaa de a mɛ̀n basɔɔro donsari kũ odi sãtɛronɔla. 14Lɛn á De kũ à kú musu ye nɛ́ dínɔ doke sãtɛ sɔ̃ro lɛ.
Sùrukɛna kũ kɔ̃o
15Tó n gbɛ̃dake taari kɛ̀, ǹ gɛ́ ǹ a le ndo, ǹ yã pì bonɛ gupuraa. Tó à n yã mà, n n gbɛ̃ pìi milɛ blè. 16Tó adi n yã ma sɔ̃ro, ǹ gbɛ̃ mɛ̀n doke gbɛ̃nɔn pla sɛ́ ǹ namma, de à yã pì sí sèedade gbɛ̃nɔn pla ke aakɔ̃ musu. 17Tó à gì ń yã mai, ǹ yã pì o sɔsi gbɛ̃nɔnɛ. Tó à gì à sɔsi gbɛ̃ pìnɔ yã mai dɔ, ǹ a ditɛ kifiri ke gbɛ̃ zĩ̀tɔ ũ.
18Yãpuran matɛn oárɛ, pɔ́ kũ a yĩ̀ zĩtɛ yĩna musu, pɔ́ kũ a pòro zĩtɛ porona musu. 19Matɛn oárɛ dɔ, tó á gbɛ̃nɔn planɔ lɛ́ kɛ̀ dokɔ̃nɔ zĩtɛ la, yã kũ a a wɛ́ kɛ̀ ma De kũ à kú musua pínki, ani kɛárɛ. 20Zaakũ gu kũ gbɛ̃nɔn pla ke gbɛ̃nɔn aakɔ̃nɔ kɔ̃ kàkaran kũ ma tɔ́o, má kú ń tɛ́.
21Abire gbɛra Pita sù à Yesu là à pì: Dikiri, gɛ̃̀n ũgban mà sùru kɛ kũ ma gbɛ̃ kũ àdigɔ̃ taari kɛmɛnɛoo? Gɛ̃̀n supplan yá? 22Yesu wèa à pì: Matɛn onnɛ, adi kɛ gɛ̃̀n supplanlo, gɛ̃̀n suppla lɛu baaakɔ̃ akurimɛ.
23Abire yãi kpata kũ à bò Luda kĩnaa de lán dí bà. Kína ke mɛ́ à ye à a ɔgɔ yã gɔ̃gɔ̃ kũ a ìbanɔ. 24Kũ à nà ɔgɔ pì yãa, akũ ò sùnɛ kũ gbɛ̃ kũ à a fĩna sɛna miliɔ̃ wàa kuriio. 25Kũ à ɔgɔ vĩ à fĩnaa pì boro, akũ a dikiri pì ò a yía kũ a nanɔo kũ a nɛ́nɔ kũ pɔ́ kũ à vĩnɔ pínki gbasa ò a kɛ̃. 26Akũ ìbaa pìi wùtɛ a dikiri arɛ, à kútɛ kɛ̀nɛ à pì: Ǹ mɛna kɛ kũmao, mani n fĩna bonnɛ pínki. 27Akũ a dikiri a wɛ̃nda gwà a a gbàrɛ, à fĩnaa pìi tònɛ. 28Kũ ìbaa pìi bò dé, à dàkarɛ kũ a ìba dake kũ a fĩna dɔa andurufu ɔgɔ mɛ̀n basɔɔroo. Akũ à a kũ̀, àtɛn ɔ tɔ̃ a kòtooa à pì: Ǹ ma fĩna bomɛnɛ. 29A gbɛ̃dake pìi wùtɛ a arɛ, à kútɛ kɛ̀nɛ à pì: Ǹ mɛnamɛnɛ, mani n fĩna bonnɛ. 30Ama adi wero. À tò ò a dà kpɛ́siran ari à a fĩna bonɛ. 31Kũ a ìba kparanɔ è lɛ, ń pɔ yàka manamana, akũ ò gɛ̀ɛ ò yã kũ à kɛ̀ɛ pìi gbã̀ ń dikiriinɛ pínki. 32Akũ dikiri pì a sìsi à pì: Ìba pãsĩ! Ma n fĩnaa tònnɛ pínki, kũ n kútɛ kɛ̀mɛnɛ yãi. 33Lákũ ma sùruu kɛ̀ kũnwo nà, de n sùru kɛ̀ kũ n gbɛ̃dakeo lɛ se. 34A dikirii pì pɔ fɛ̃̀, à tò ò a dà kpɛ́siran, ògɔ̃ wɛ́ tãa ari à gɛ́ à fĩnaa pì boo pínki. 35Akũ Yesu ɛ̀ra à pì: Tó á baadi dì sùru kɛ kũ a gbɛ̃dakeo kũ nɛ̀sɛɛo mɛ̀n doro, lɛn ma De kũ à kú musu ni kɛárɛ lɛ se.
اکنون انتخاب شده:
MATIU 18: BB2005
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bisã Bible © SIM International, 2005.
