MATIU 17
17
Yesu linaa
(Maa 8:34-9:13; Luk 9:23-36)
1Gɔrɔ suddo gbɛra Yesu Pita kũ Yamisio kũ a dakũna Yuhanao sɛ̀tɛ à gɛ̀ɛ kũńwo kpi leia ńtɛ̃nɛ. 2Akũ à lì ń wára. A ãn tɛn tɛ́ kɛ lán ifãntɛ̃ bà, a pɔ́kasanɔ gɔ̃̀ pú táitai lán legũpinaa bà. 3Akũ Musa kũ Iliasuo bò ò sùḿma, òtɛn yã o kũ Yesuo. 4Akũ Pita pì Yesunɛ: Dikiri, à mana kũ ó kú la. Tó ń yei, mani kuta dɔ mɛ̀n aakɔ̃, n pɔ́ mɛ̀n do, Musa pɔ́ mɛ̀n do, Iliasu pɔ́ mɛ̀n do. 5Gɔrɔ kũ àtɛn yã o, ludambɛ luku tɛ́kɛnaa dàńla, akũ ò kòtoo mà a gũn à pì: Àkũmɛ ma Nɛ́ mɛ̀n do légelege yenyĩde ũ, a yã dì kámagu. À a yã ma. 6Kũ a ìbaa pìnɔ kòtoo pìi mà, vĩna ń kũ manamana, ò wùtɛ ń gbɛrɛa. 7Akũ Yesu nàńyĩ, à ɔ nàḿma à pì: À futɛ, àsun vĩna kɛro. 8Kũ ò wɛ́ sɛ̀ musu, odi gbɛ̃ke ero, sé Yesu ado.
9Kũ òtɛn kipa kpi pìia, Yesu dìtɛńnɛ à pì: Àsun wɛ́gupu kũ a è yã o gbɛ̃ke maro ari Bisãsiri Nɛ́ vu bona gan. 10Akũ a ìbanɔ a là ò pì: Bɔ́yãin ludayãdannɛrinɔ dì pi Iliasu mɛ́ ani su káakuu? 11Akũ à wèḿma à pì: Iliasu ni su yãpuramɛ, ani yã sĩnda pínki kɛkɛ a gbɛ̀n. 12Ama matɛn oárɛ, Iliasu sù kɔ̀, akũ odi a dɔ̃ro, akũ ò ń pɔyeinaa kɛ̀nɛ. Lɛn ò wɛ́ tã Bisãsiri Nɛ́a lɛ dɔ. 13Akũ a ìbanɔ dɔ̃̀ kũ Yahaya Da'itɛkɛri à tɛ́a.
Yesu nɛ́gɔ̃gbɛ̃ tãnade werekɔ̃anaa
(Maa 9:14-29; Luk 9:37-42)
14Kũ ò kà pari gũn, gɔ̃gbɛ̃ ke sù à kùtɛ Yesunɛ 15à pì: Dikiri, ǹ ma nɛ́ wɛ̃nda gwa, zaakũ gasindademɛ. Àdi wari kɛ manamana, àdigɔ̃ lɛ́tɛ tɛ́n ke ín baala'i. 16Ma su kãao n ìbanɔnɛ, odi fɔ̃ ò a wèrekɔ̃aro. 17Akũ Yesu pì: Gbãragbɛ̃ yakana ludanaanikɛrisarinɔ! Manigɔ̃ kú kãáo ari bɔrɛmɛɛ? Manigɔ̃ mɛna kãáo ari bɔrɛmɛɛ? À mɔmɛnɛ kũ nɛ́ pìio la. 18Yesu gì tãnanɛ, akũ à gò nɛ́ pìia, à wèrekɔ̃a gwe gɔ̃̀nɔ.
19Abire gbɛra Yesu ìbanɔ nài ńtɛ̃nɛ, ò a là ò pì: À kɛ̀ dera ódi fɔ̃ o pɛ́ tãna pìia à bòroo? 20À wèḿma à pì: Kũ á Luda náani vĩ zɔ̃kɔ̃ro yãimɛ. Yãpuran matɛn oárɛ: Tó á Luda náani vĩ fíti lán ɛfɔ wɛ́ bà, áni o kpi díkĩnanɛ à go la à gɛ́ zãa, ani kɛ lɛ. Yãke ni á furo. 21Tãna dí taka dì sí boro, sé kũ aduakɛnaao kũ lɛ́yĩnaao.
Yesu ɛra à a ga kũ a vunaao yã'onaa
(Maa 9:30-32; Luk 9:43-45)
22Gɔrɔ kũ à kú kũ a ìbanɔ lɛɛlɛ Galili, à pìńnɛ: Oni Bisãsiri Nɛ́ nańnɛ ń ɔĩ, 23oni a dɛ, a gɔrɔ aakɔ̃de zĩ ani vu. Akũ ń pɔ yàka manamana.
Luda ɔn ɔgɔ fĩnabonaa
24Kũ ò kà Kapɛnamu, Luda ɔn ɔgɔsirinɔ sù ò Pita là ò pì: Á dannɛrii dì Luda ɔn ɔgɔ kpároo? 25Pita wèḿma à pì: Àdi kpá. Kũ Pita tɛn gɛ̃ bɛ, Yesu gĩnakɛ à pìnɛ gɔ̃̀nɔ: Simɔ, dínɔn andunia dí kínanɔ dì bɛ'ɔgɔ ke ɛtɛ'ɔgɔ síḿmaa? Ń nɛ́nɔn yá ke gbɛ̃ pãndenɔmɛ? N yã pìi è deraa? 26Pita pì: Gbɛ̃ pãndenɔmɛ. Yesu pìnɛ: Tó lɛmɛ, ń nɛ́nɔ bàka kunlo. 27Ama de ó yã sún ũḿmaro yãi, ǹ gɛ́ ǹ daburu da sɛ̀bɛɛ gũn. Kpɔ̀ kũ ĩni kũ káaku, ǹ a lɛ́ wɛ̃, ĩni ɔgɔ le a gũn. Ǹ abirekũ sɛ́ ǹ kpáḿma, makũ kũ mɔkɔ̃nwo pɔ́ ũ.
اکنون انتخاب شده:
MATIU 17: BB2005
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bisã Bible © SIM International, 2005.
