MATIU 14
14
Yahaya Da'itɛkɛri ganaa
(Maa 6:14-29; Luk 9:7-9)
1Gɔrɔ kũ̀a bùsuu pì kína Hɛrɔdu Yesu baaruu mà. 2Akũ à pì a ìbanɔnɛ: Gbɛ̃ pì bi Yahaya Da'itɛkɛriimɛ. À vù bona gan. Abire yãin à gbãna lè àtɛn daboyãnɔ kɛ. 3Zaakũ Hɛrɔdu Yahaya kũ̀ yã, à mɔ̀ɔ kàa, à a dà kpɛ́siran a vĩ̀ni Filipi nanɔ Hɛrɔdia yãi. 4Zaakũ Yahaya dìgɔ̃ pinɛ: N Hɛrɔdia kũna nɔ ũ zɛ́ vĩro. 5Hɛrɔdu ye à a dɛ, ama àtɛn vĩna kɛ gbɛ̃nɔnɛ, zaakũ ò a annabikɛ sì.
6Hɛrɔdu igɔrɔ làa kɔ̃kɔ̃ zĩ Hɛrɔdia nɛ́nɔkpare ũ wã̀ gbɛ̃ kũ ò sù gwenɔnɛ, akũ à kɛ̀ Hɛrɔdunɛ nna manamana. 7Akũ à lɛ́ sɛ̀ à pì: Ma la dà kũ mani n gba pɔ́ kũ n a wɛ́ kɛ̀ma pínki. 8Akũ a da yã kàkanɛ à pi: Ǹ ma gba Yahaya Da'itɛkɛrii mì dana tiree gũn la tera. 9Akũ kína pɔ yàka, ama kũ à la dà nibɔnɔ wára yãin à pì ò kpáa. 10Akũ à gbɛ̃ zĩ̀ ò Yahaya mìi zɔ̃̀ kpɛ́siran. 11Kũ ò sù kũ a mìio dana tiree gũn, ò kpà nɛ́ pìia, akũ à gɛ̀ɛo a danɛ. 12Akũ Yahaya ìbanɔ sù ò a gɛ̀ɛ sɛ̀ ò vĩ̀, akũ ò gɛ̀ɛ ò ò Yesunɛ.
Yesu pɔ́blekpana gɔ̃gbɛ̃ gbɛ̃nɔn dúbu sɔɔronɔa
(Maa 6:30-44; Luk 9:10-17; Yuh 6:1-15)
13Kũ Yesu yã pìi mà, akũ a gɛ̃̀ gó'itɛ gũn, àtɛn gɛ́ gusarɛ de àgɔ̃ kú ado. Kũ gbɛ̃nɔ mà, ò bò wɛ̃tɛ kũ wɛ̃tɛo dasi ò pɛ̀tɛi gɛ̀sɛ. 14Kũ Yesu bò gó gũn, à gbɛ̃nɔ è dasidasi, akũ ò kɛ̀nɛ wɛ̃nda, akũ à ń gyãrenɔ gbà aafia. 15Kũ ɔkɔsi kɛ̀, a ìbanɔ nài ò pì: Gu díkĩna bi sɛ̃̀ntɛpɔrɔtumɛ, akũsɔ̃ gu tɛn si. Ǹ gbɛ̃nɔ gbarɛ ò tá lakutunɔ gũn, ò pɔ́ble wɛtɛ ò lú. 16Akũ Yesu wèḿma à pì: Adi kɛ tilasi ò táro. À pɔ́ kpáḿma ò ble. 17Akũ ò pìnɛ: Burodi mɛ̀n sɔɔro kũ kpɔ̀ mɛ̀n plaon ó vĩ la. 18Yesu pìńnɛ: À mɔ́omɛnɛ la. 19À ò gbɛ̃ pìnɔnɛ ò vutɛ sɛ̃̀ɛa, akũ à burodi mɛ̀n sɔɔro kũ kpɔ̀ mɛ̀n pla pìio sɛ̀, à a wɛ́ sɛ̀ musu, à arubarikaa dàn. Akũ à burodii pìi lìlikɔ̃rɛ à kpà a ìbanɔa, ò kpàatɛtɛ gbɛ̃nɔnɛ. 20Ò pɔ́ blè ò kã̀ ń pínki. Akũ ò a kpara kũ ò gɔ̃̀nɔ sɛ̀tɛ tãnko mɛ̀n kuri awɛɛpla pà. 21Gɔ̃gbɛ̃ kũ ò pɔ́ blènɔ kà gbɛ̃nɔn dúbu sɔɔro taka, nɔgbɛ̃nɔ kũ nɛ́nɔ baasi.
Yesu táa'ona sɛ̀bɛla
(Maa 6:45-56; Yuh 6:16-25)
22Yesu gã nà a ìbanɔa gɔ̃̀nɔ ò gɛ̃ gó'itɛn, ò donɛ arɛ gɛna sɛ̀bɛɛ bara dire ari àgɔ̃ pari gbarɛ. 23Ń gbarɛnaa gbɛra, à dìdi sĩ̀sĩi musu à adua kɛ ado. Gu tɛn si, à kú gwe ado. 24Gó'itɛ pìi kà zã̀ kũ í lɛ́ao, akũ í tɛni góro pì yĩpayĩpa kũ zàga'ĩa kàkańyĩ yãi. 25Gudɔo Yesu gɛ̀ɛ ń kĩnaa, àtɛn táa o íla. 26Kũ ò a è àtɛn táa o íla, akũ swɛ̃̀ɛ kɛ̃̀ńgu ò pì: Gyãwãndemɛ! Ò wiki lɛ̀ kũ vĩnao, 27akũ Yesu pìńnɛ gɔ̃̀nɔ: À á laakari kpátɛ, makũmɛ! Àsun tó vĩna á kũro. 28Akũ Pita pìnɛ: Dikiri, tó mɔkɔ̃mmɛ, ǹ tó mà táa o íla mà su n kĩnaa. 29Akũ Yesu pì: Ǹ mɔ́! Akũ Pita bò gó gũn, àtɛn táa o íla, àtɛn gɛ́ a kĩnaa. 30Kũ à è ĩa tɛn káka, akũ vĩna a kũ̀. Àtɛn vlɛ̃, akũ à wiki lɛ̀ à pì: Dikiri, ǹ ma sura ba. 31Gwe gɔ̃̀nɔ Yesu ɔ bò à a kũ̀, akũ à pìnɛ: Ludanaanikĩanade! Bɔ́yãi n sikaa kɛ̀ɛ? 32Kũ ò gɛ̃̀ gó gũn, ĩa zɛ̀. 33Akũ gbɛ̃ kũ ò kú gó gũnnɔ donyĩ kɛ̀nɛ ò pì: Luda Nɛ́mɛ n ũ yãpura.
Yesu gyãrenɔ werekɔ̃ana zaa Gɛnɛsarɛti
34Kũ ò bikũ̀ bara, ò kà Gɛnɛsarɛti bùsun. 35Gwedenɔ Yesu dɔ̃̀, akũ ò a baaruu dàgula bùsuu pìn gu sĩnda pínki, akũ ò mɔ̀nɛ kũ gyãrenɔ ń pínki. 36Ò wɛ́ kɛ̀a de ò ɔ na bee a uta lɛ́a. Akũ gbɛ̃ kũ ò ɔ nàanɔ wèrekɔ̃a ń pínki.
اکنون انتخاب شده:
MATIU 14: BB2005
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bisã Bible © SIM International, 2005.
