KORINTHTE I 8
8
Kithoihna sa neeh thu a hilhna
1Huleh milemte biahna silte tungtaang ahihleh koipouh in heetna i nei chiat uh chih i he uhi. Heetna in mi a kisatheisah a, hizongleh lungsiatna in mi a siam hoih hi. 2Mi koipouh in bang aha he a, a kingaihtuah inchu a heet diing bangin a he nailou ahi. 3Hizongleh mi koipouh in Pathian a lungsiat inchu, hu mi mah chu Amah heetin a um hi. 4Hujiahin milem biahna kithoihna silte neeh lam thu ahihleh, khovelah milem kichi bangmah ahi sih a, huleh khat chauh loungal Pathian dang a um sih chih i he uhi. 5Bang jiahin ahiai i chih leh, vaan ah aha, lei ah aha pathian chi a minvohte um mahleh uh (huchibang pathian tampi leh lalpa tampi a um uh), 6Eiuh diingin chu Pathian khat chauh, Pa chu a um a, amah a kuanin sil zousiah a um a, ei u’zong amah a um i hi uhi; huleh Lalpa khat chauh, Jesu Khrist a um hi, amah jiahin sil zousiah a um a, ei u’zong amah jiah a um i hi uhi. 7Ahiinlah hu heetna chu mi zousiah ah a um sih hi; ajiahchu khenkhat in tutanin milem biahna chu milem biahna banga ngai in na ne zing va, a sialepha heetna uh a haat louh jiahin a subolhhoh veu uhi. 8Hizongleh neeh in Pathian paahtaat ahung lohsah ahi sih hi; ajiahchu i neeh jiahun i hoihzaw uh ahi sih a, ne sih zonglei i sezaw uh ahi tuan sih hi. 9Hizongleh pilvaang un, huchilouin chu na zalenna uh bangchi aha in mi haatloute diingin puuhna ahung suaahkha diing hi. 10Bang jiahin ahiai i chih leh, heetna nei nang mi koiaha in milem biahna ankuang uum a tou hung mu taleh, amah sialepha heetna haatloupa chu milem biahna silte ne diing a haansan lohta lou diing ahiai mah? 11Huchi'n na heetna jiahin unau haatlou, a sih luang a Khrist in a sihsah chu a mangthai diing hi. 12Hizongleh huchia unau tunga na sual va, a sialepha heetna haat lou uh na suhliamsah chiangun, Khrist tungah na sual uh ahi. 13Huchihjiahin, neehin ka unau a suhpuuh inchu, ka unau puuh louhna diingin bangchihtan in sa mawngmawng ka ne sih diing hi.
اکنون انتخاب شده:
KORINTHTE I 8: SIMTBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.