創世記 50
50
1 約瑟伏在厥爸身上緊噭、緊唚佢。 2後來約瑟命令醫生用藥仔薰，防止厥爸以色列屍體腐爛，醫生就照恁樣去做。 3佢等照規定个時間，用香料薰四十日，完成防腐个工作。埃及人為佢守孝七十日。
4守孝个期滿，約瑟對王个官員講：「若係你等歡喜，請你等將𠊎个話轉告王： 5『吾爸臨終个時喊𠊎發誓，愛將佢埋在迦南地，在佢為自家準備个墳墓底背。所以求你准𠊎去埋葬吾爸；喪事辦好，𠊎就轉來。』」
6王應講：「好！照你發个誓去埋葬若爸。」
7恁樣約瑟就去埋葬厥爸。王所有个官員、宮廷个官長，㧯埃及个長老全部跈約瑟去。 8約瑟全家、佢該兜兄弟㧯厥爸个家族，也全部共下去；總係佢等个細人仔㧯羊群牛群留在歌珊地區。 9跈佢共下去个還有車隊㧯騎兵隊，非常大陣。
10佢等來到約旦河東片个亞達禾埕，大家在該位開聲大噭；約瑟又為厥爸守孝七日。 11迦南人看到這一大群人在亞達禾埕个葬禮，就講：「埃及人个葬禮恁嚴肅噢！」所以這地方安到亞伯‧麥西#50:11 「亞伯‧麥西」有「埃及人个葬禮」个意思。，就在約旦河東片。
12 雅各該兜孻仔遵照阿爸个吩咐， 13將佢个屍體運到迦南地，葬在幔利東片麥比拉窿肚；這個窿係亞伯拉罕對赫人以弗崙買過來做墳墓个。 14約瑟埋葬厥爸後，就㧯該兜兄弟並參加葬禮个人共下轉去埃及。
約瑟安慰厥兄弟
15 約瑟該兜兄弟在阿爸過身後，互相講：「若係約瑟懷恨在心，照𠊎等頭擺對佢所做个壞事來報復𠊎等，樣般正好呢？」 16所以佢等拜託人去㧯約瑟講：「阿爸臨終个時， 17交帶𠊎等㧯你講一句話：『你該兜阿哥得罪你，求你赦免佢等个罪過。』𠊎等係若爸个上帝个僕人；求你赦免𠊎等所犯个罪過。」約瑟聽到這話就噭出來。
18後來佢該兜阿哥親身來見佢，伏在佢面前，講：「𠊎等攏總係你个僕人。」
19 約瑟㧯佢等講：「毋使驚；𠊎敢做得代上帝？ 20你等本來想愛害𠊎，總係上帝个意思係好个，為到愛成就今晡日个光景，來保全盡多人个生命。 21你等毋使驚；𠊎一定會照顧你等㧯你等个子女。」約瑟講這種慈愛个話來安慰佢等，使佢等盡安心。
約瑟个死
22 約瑟㧯厥爸个家族繼續住在埃及。佢食到一百一十歲。 23佢有看到以法蓮个孻仔㧯孫仔，也有揇過瑪拿西个孫仔，就係瑪吉該兜孻仔。 24後來約瑟對佢該兜兄弟講：「𠊎差毋多會死了！總係上帝一定會照顧你等，帶你等離開這個地方，到佢應許給亞伯拉罕、以撒㧯雅各个地方去。」 25約瑟又喊以色列个子孫發誓；佢講：「上帝一定會照顧你等；然後你等愛將𠊎个骨頭對這位帶轉去。」 26約瑟一百一十歲个時正過身。佢等用藥仔薰，防止佢个屍體爛掉，將屍體放入棺材，留在埃及。
اکنون انتخاب شده:
創世記 50: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012