Madiyu 12
12
Ya꞉su e Ha꞉fo꞉lo꞉ Dowan ho꞉len a꞉ma꞉ biso꞉wo꞉ e
Mak 2.23-28, Luk 6.1-5
1 #
Lo 23.25
O꞉g a꞉nami, Ha꞉fo꞉lo꞉ Dowan ho꞉len no amio꞉, Ya꞉suwo꞉ wit egelo꞉ us a꞉na ha꞉nakiyo꞉, enedo꞉ tili wida꞉sen kaluwo꞉ maiyabiki, wit fo nolo꞉ ili ma꞉no꞉ a꞉la꞉ta꞉ga꞉ tudu sa꞉la꞉la꞉i ane. 2#Kis 20.10Fa꞉lisi kalu iliyo꞉, ililo꞉ dimidab a꞉no꞉ ba꞉da꞉sa꞉ga꞉yo꞉, Ya꞉sumo꞉wo꞉ a꞉la꞉sio꞉, “Bo꞉ba! Gilo꞉ tiliwida꞉sen kalu ililo꞉ Ha꞉fo꞉lo꞉ Dowan ho꞉len wenamilo꞉ dimidab wema꞉yo꞉ ele saefa꞉ nowo꞉ ili o꞉go꞉sab.” 3#1Sam 21.1-6Ya꞉su eyo꞉ a꞉ma꞉la꞉ sa꞉laki, “Tamin amilo꞉ Da꞉ibido꞉ a꞉la꞉ta꞉ga꞉ e o꞉lia꞉lo꞉ sia꞉lowan kalu i a꞉no꞉ maiyabikilo꞉ dimido꞉ sa꞉sa꞉lo꞉wo꞉, giliyo꞉ mo꞉agela꞉seno꞉? 4#Wkp 24.5-9Da꞉ibid e Godeya꞉ aya tiha꞉na꞉sa꞉ga꞉, ma꞉no꞉ Godeya꞉ siwa꞉l amilo꞉ dia꞉ta꞉sen a꞉no꞉, e dia꞉sa꞉ga꞉ mo꞉no꞉. A꞉la꞉ta꞉ga꞉ ma꞉no꞉ heb a꞉no꞉ egeledo꞉ sia꞉lowan kalumo꞉wo꞉lo꞉ maiya꞉ki dimi. Ko꞉sega eleya꞉ saetakiyo꞉, ma꞉n a꞉no꞉ Godemo꞉lo꞉ bobalo꞉ so꞉mea꞉sen kalu ili ma꞉ib. Madali kalu nolba꞉yo꞉ na꞉so꞉bo a꞉la꞉saefa꞉. 5#Nam 28.9-10A꞉la꞉ta꞉ga꞉ to nowo꞉ we. Godeya꞉ ele difa꞉ a꞉namio꞉, towo꞉ a꞉la꞉sa꞉sa꞉lo꞉. Godemo꞉lo꞉ bobalo꞉ so꞉mea꞉sen kalu iliyo꞉ Godeya꞉ malilo꞉ a bo꞉fo꞉likiyo꞉, Ha꞉fo꞉lo꞉ Dowan ho꞉len a꞉nami nanogo꞉ dimidab amio꞉, iliyo꞉ eleyo꞉ o꞉go꞉sab ko꞉sega, Godeya꞉ siwa꞉l amio꞉ halayo꞉ mo꞉dimida꞉sen. A꞉la꞉bo꞉ giliyo꞉ mo꞉agela꞉seno꞉? 6#Madi 12.41-42Niyo꞉ gimo꞉wo꞉ hendele so꞉lo꞉l. Godeya꞉ ene malilo꞉ a a꞉no꞉ alandeyo꞉ o꞉m ko꞉sega, kalu o꞉gdo꞉ gilo꞉ amilo꞉ a꞉lab wema꞉yo꞉ malilo꞉ a a꞉no꞉ mada tinio꞉. 7#Hos 6.6, Madi 9.13To we Godeya꞉ bugo꞉ amio꞉ sa꞉sa꞉lifa꞉ ko꞉lo꞉ da꞉lab, ‘Gililo꞉ boba kelego꞉ ko꞉lo꞉ nemo꞉lo꞉ so꞉kugulu meab a꞉no꞉ ne mo꞉beab. Gio꞉ nol o꞉lia꞉yo꞉ nofolakilo꞉ ha꞉fo꞉ disa꞉lab a꞉no꞉ ne mada alan asulab.’ Giliyo꞉ to wema꞉ ha꞉g a꞉no꞉ fanda asulai kibo꞉bowo꞉, giliyo꞉ halalo꞉ mo꞉dimido꞉ kaluka꞉isalemo꞉wo꞉ mo꞉diga꞉li sa꞉mabe. 8Kalule Dowo꞉ ne, Ha꞉fo꞉lo꞉ Dowan ho꞉len a꞉ma꞉ biso꞉wo꞉ ne ko꞉lo꞉, man dimidama꞉no꞉ a꞉no꞉ no꞉no꞉no꞉ o꞉li sa꞉ma꞉no꞉.”
Ya꞉su eyo꞉ dagiyo꞉ ga꞉ga꞉nuli kalu nowo꞉ falele alifa꞉
Mak 3.1-6, Luk 6.6-11
9Ya꞉suwo꞉ hen a꞉no꞉ ta꞉ta꞉ga꞉ nowa ha꞉nakiyo꞉, ili tolo꞉ wida꞉sen aya tiane. 10#Luk 14.3A us a꞉namio꞉ dagiyo꞉ ga꞉ga꞉nuli kalu nowo꞉ a꞉na elen. Fa꞉lisi kalu iliyo꞉ Ya꞉su e hala dimidab a꞉la꞉likilo꞉ mo꞉walilima꞉no꞉ togo꞉ keda꞉len ko꞉lo꞉, iliyo꞉ Ya꞉sumo꞉wo꞉ a꞉la꞉dabu ba꞉ba꞉, “Ele difa꞉ a꞉ma꞉yo꞉, walaf kaluwo꞉ Ha꞉fo꞉lo꞉ Dowan ho꞉len a꞉namio꞉ falele alifa꞉no꞉wo꞉ o꞉liya꞉le?” 11#Luk 14.5Ya꞉su eyo꞉ imo꞉wo꞉ a꞉la꞉sio꞉, “Ha꞉fo꞉lo꞉ Dowan ho꞉len a꞉namio꞉ gili sibiyo꞉ alu nowa sulufo꞉ tinalega, giliyo꞉ ta꞉lia꞉sa꞉ga꞉yo꞉ susudana꞉le? A꞉ a꞉la꞉bo꞉ dimidan. 12Ko꞉sega sibi a꞉no꞉ kaluwa꞉ tinio꞉ ko꞉lo꞉ a꞉lab. A꞉la꞉fo꞉ko꞉lo꞉ ha꞉fo꞉lo꞉ dowan ho꞉len a꞉namio꞉ man nafa dimidama꞉no꞉wo꞉ mada o꞉li.” 13A꞉la꞉ta꞉ga꞉ eyo꞉ kalu o꞉mo꞉ sa꞉laki, “Dagiyo꞉ talagalema!” A꞉la꞉sa꞉labiki, kalu a꞉ma꞉yo꞉ a꞉la꞉dimido꞉ ko꞉lo꞉, dagi a꞉no꞉ nafa nodolo꞉ o꞉ngo꞉ dowo꞉. 14#Yo꞉n 5.16Ko꞉sega Fa꞉lisi kalu iyo꞉ tolo꞉ wida꞉sen aya a꞉la꞉ta꞉ga꞉ a꞉ma꞉la꞉ ha꞉la꞉ya handalota꞉ga꞉ ha꞉nakiyo꞉, Ya꞉su sa꞉mba꞉no꞉wo꞉ wo꞉no꞉le nenela꞉sa꞉ga꞉ saefa꞉.
Godeya꞉lo꞉ da꞉feyo꞉ kaluwo꞉ Ya꞉su e
15Ko꞉sega Ya꞉suwo꞉ ililo꞉ dimidab a꞉no꞉ bulu ba꞉da꞉sa꞉ga꞉, hen a꞉no꞉ a꞉na ta꞉fo꞉gane. Kalu modo꞉wo꞉ e kudu yabiki, eyo꞉ walaf ililo꞉wo꞉ falele alifelo꞉. 16#Madi 8.4, Mak 3.12Ya꞉suwa꞉yo꞉ imo꞉wo꞉ hagugu sa꞉lakiyo꞉, “Niyo꞉ a꞉la꞉dimido꞉ka꞉ a꞉la꞉likiyo꞉ malola꞉so꞉bo,” a꞉la꞉sio꞉. 17Ya꞉suwa꞉lo꞉ dimido꞉ a꞉no꞉ Godeya꞉ tolo꞉ dinali sa꞉lan kalu Aisaya eya a꞉la꞉ta꞉ga꞉lo꞉ to sio꞉ a꞉no꞉ ko꞉lo꞉ ilili alitaki dimido꞉. Aisaya eyo꞉ a꞉la꞉sa꞉sa꞉lo꞉,
18 #
Ais 42.1-4
#
Madi 3.17
“Kalu we, ni nanogdo꞉ dian kalu fa꞉la꞉doma꞉ki da꞉feyo꞉.
Niyo꞉ e alan asula꞉sa꞉ga꞉, sagalo꞉wo꞉ emo꞉wo꞉ alan dowo꞉l.
No꞉no꞉n mamayo꞉ eya dia꞉fa꞉no꞉ ko꞉lo꞉,
eyo꞉ digale aloba꞉dakilo꞉ bo꞉fo꞉lowan man a꞉no꞉ henfelo꞉ kaluka꞉isale tambomo꞉wo꞉ walama꞉ib.
19E towo꞉ mo꞉kegema꞉ib a꞉la꞉ta꞉ga꞉ mo꞉gadi ho꞉le sa꞉ma꞉ib.
Kaluka꞉isaleya꞉yo꞉ e baya ilikilo꞉ to halale sio꞉wo꞉ mo꞉da꞉ba꞉ib.
20Da꞉fa꞉ ko꞉lo꞉ gasele dowab a꞉no꞉ eyo꞉ mo꞉gulula꞉ma꞉ib.
A꞉la꞉ta꞉ga꞉ ason ko꞉lo꞉ dalifa꞉no꞉ dowab a꞉no꞉lo꞉ eyo꞉ mo꞉dalila꞉ma꞉ib.
Eyo꞉ kaluka꞉isale nolba꞉lo꞉ wa꞉la꞉ sa꞉nda꞉lab i a꞉no꞉ asuwa꞉ta꞉li ha꞉na꞉la꞉ga꞉, man digalo꞉ a꞉ma꞉yo꞉ tininima꞉ki dimidama꞉ib.
21Henfelo꞉ kaluka꞉isale ko꞉li ko꞉lilo꞉ we, asuwa꞉fa꞉no꞉ a꞉no꞉ ilo꞉wa fa꞉la꞉doma꞉kiyo꞉, ene wiya tili asulaki yasilima꞉ib.”
Ya꞉su e Sa꞉da꞉na꞉ya꞉ halaido꞉wa iliki, nanogo꞉ a꞉na dimidab a꞉la꞉diga꞉di sio꞉
Mak 3.20-30, Luk 11.14-23
22Ho꞉len a꞉namio꞉ kalu nowo꞉ mama mogago꞉ dowaki, e sio꞉ ko꞉n a꞉la꞉ta꞉ga꞉ do꞉fo꞉f dofo꞉len. Kalu a꞉no꞉ Ya꞉sulo꞉wa tililia꞉ yabikiyo꞉, Ya꞉su eyo꞉ e falele alitaki, e towo꞉ a꞉tola꞉b, a꞉la꞉ta꞉ga꞉ sio꞉ kolaetabiki a꞉ba꞉ba꞉. 23Kaluka꞉isaleyo꞉ Ya꞉suwa꞉lo꞉ dimidab a꞉no꞉ ba꞉da꞉sa꞉ga꞉, molo tandeaki a꞉la꞉sio꞉, “Da꞉ibid eya a꞉la꞉ta꞉ga꞉lo꞉ so꞉wa ko꞉lo꞉ nimo꞉lo꞉ iliga꞉fa꞉no꞉ dinali sio꞉ kaluwo꞉ weya꞉le?” 24#Madi 9.34, 10.25Ko꞉sega Fa꞉lisi kalu iliyo꞉ Ya꞉suwa꞉lo꞉ dimido꞉ a꞉no꞉ da꞉da꞉sa꞉ga꞉ a꞉la꞉sio꞉, “Kalu we, mama mogago꞉wa꞉lo꞉ bo꞉fo꞉lowan misa꞉ kalu, Bia꞉sabul#12.24 Bia꞉sabul wi a꞉no꞉, Sa꞉da꞉na꞉ ene wi nowo꞉ o꞉m. a꞉ma꞉ halaido꞉wa iliki, mama mogago꞉wo꞉ a꞉na o꞉luga꞉fela꞉lab,” a꞉la꞉diga꞉li sio꞉.
25Ya꞉su eyo꞉ ililo꞉ asulab a꞉no꞉ ba꞉da꞉sa꞉ga꞉, imo꞉wo꞉ a꞉la꞉sio꞉, “Amisa꞉n imilig no amio꞉ kaluwo꞉ aloba꞉da꞉sa꞉ga꞉ egele bubalega, amisa꞉n a꞉no꞉ mada mogaila꞉ma꞉ib. A꞉la꞉ta꞉ga꞉ so꞉lo꞉ imilig nowo꞉ egelebo꞉ aloba꞉da꞉sa꞉ga꞉ gis dialega, so꞉lo꞉ a꞉no꞉ mo꞉dinafa mesa꞉ib. 26Sa꞉da꞉na꞉ya꞉ so꞉lo꞉ noma꞉yo꞉ Sa꞉da꞉na꞉ya꞉ ene so꞉lo꞉ nowo꞉ o꞉lusa꞉ndalega, e inina꞉ma꞉la꞉ usa aloba꞉dab ko꞉lo꞉, iyo꞉ waga dinafa mesa꞉iba? 27Niyo꞉ mama mogago꞉wo꞉ o꞉lusa꞉ndab amio꞉, giliyo꞉ towo꞉ nemo꞉ diga꞉li sa꞉laki, ‘ne Bia꞉sabul a꞉ma꞉ halaido꞉wa iliki dimidab’ a꞉la꞉sio꞉. Ko꞉sega gilo꞉ wida꞉sen kalu iliyo꞉ mama mogago꞉wo꞉ o꞉lusa꞉nda꞉sen ko꞉lo꞉, a꞉la꞉dimidalikiyo꞉ giliyo꞉ to o꞉leo꞉ngo꞉wo꞉ imo꞉wo꞉lo꞉ diga꞉li sa꞉ma꞉no꞉wa꞉le? A꞉la꞉bo꞉ mo꞉sa꞉ma꞉ib. A꞉la꞉fo꞉ko꞉lo꞉ gililo꞉ tili wida꞉sen kaluwa꞉lo꞉ dimidab a꞉ma꞉yo꞉, gililo꞉ to sa꞉lab a꞉no꞉ hendelemaka꞉ a꞉labo꞉ kalaba widakigab. 28#Ilig 10.38, 1Yo꞉n 3.8Ko꞉sega niyo꞉ Godeya꞉ Mamaya꞉ halaido꞉wa iliki, mama mogago꞉wo꞉ a꞉na o꞉lusa꞉nda꞉sen ko꞉lo꞉, Godeya꞉lo꞉ bo꞉fo꞉mela꞉no꞉ ho꞉len a꞉no꞉ ya꞉sa꞉ga꞉ gi amio꞉ dowab a꞉la꞉liki widakigab.
29“Bale sio꞉ to nowo꞉ we. Afalo꞉ dian kalu noma꞉yo꞉ halaido꞉ kalu a꞉ma꞉ aya tina꞉sa꞉ga꞉ kelego꞉wo꞉ afale dia꞉no꞉ asulakiyo꞉, eyo꞉ waga dimidama꞉iba? Eyo꞉ halaido꞉ kalu a꞉no꞉ ko꞉le melea꞉takiyo꞉, kelego꞉wo꞉ a꞉namio꞉ o꞉li dia꞉ha꞉na꞉ib.
30 #
Mak 9.40, Luk 9.50 “Kaluka꞉isale abeyo꞉ ne o꞉lia꞉yo꞉ mo꞉ege dowab a꞉no꞉, ne o꞉lia꞉yo꞉ gis dowakigab. Kalu abeyo꞉ kaluka꞉isale nolo꞉ ne o꞉lia꞉lo꞉ mo꞉kegene alita꞉lab a꞉ma꞉yo꞉, kaluka꞉isale a꞉no꞉ ko꞉lo꞉ o꞉luga꞉felakigab.
31 #
Hibu 6.4-6
“A꞉la꞉fo꞉ko꞉lo꞉ niyo꞉ gimo꞉wo꞉ a꞉la꞉so꞉lo꞉l. Kaluka꞉isaleya꞉lo꞉ man mogago꞉ dimida꞉sen o꞉lia꞉ Godemo꞉lo꞉ dio꞉ge sa꞉lan o꞉lia꞉, Gode eyo꞉ tambo o꞉li hala꞉sa꞉ga꞉ ga꞉lila꞉ma꞉ib. Ko꞉sega kaluka꞉isale abeyo꞉ Godeya꞉ Mamamo꞉wo꞉ dio꞉ge sa꞉lalega, Gode eyo꞉ kalu elo꞉ hala dimidab a꞉no꞉ mo꞉ga꞉lila꞉ma꞉ib. 32Kaluka꞉isale abeyo꞉ Kalule Dowo꞉ o꞉mo꞉wo꞉ mogagi sa꞉lalega, kalu elo꞉ hala dimidab a꞉no꞉ Gode eyo꞉ o꞉li hala꞉sa꞉ga꞉ ga꞉lila꞉ma꞉ib. Ko꞉sega kaluka꞉isale abeyo꞉ Godeya꞉ Mamamo꞉wo꞉ mogagi sa꞉lalega, Gode eyo꞉ kalu elo꞉ hala dimidab a꞉no꞉ o꞉gdo꞉wo꞉lo꞉, tif amio꞉lo꞉ mada mo꞉ga꞉lila꞉ma꞉ib.”
I ele ba꞉ba꞉no꞉wo꞉, fowa꞉ sa꞉ma꞉ib
Luk 6.43-45
33 #
Madi 7.16-20
“I ko꞉lo꞉ ele ba꞉ba꞉no꞉wo꞉, fowa꞉ sa꞉ma꞉ib. I nafa a꞉ma꞉yo꞉ fowo꞉ nafale helema꞉ib. A꞉la꞉ta꞉ga꞉ i mogago꞉ a꞉ma꞉yo꞉ fowo꞉ mogago꞉ helema꞉ib. 34#Madi 3.7, 15.18, Luk 3.7, 6.45Kalu gio꞉ kisa꞉wa꞉la꞉ inso꞉ o꞉ngo꞉ dowab. Asulo꞉ usamilo꞉ da꞉lab a꞉no꞉ mego꞉f amio꞉ kalaba sahandalowa꞉lab. Gili asulo꞉wo꞉ mogago꞉le da꞉lab ko꞉lo꞉, giliyo꞉ to nafayo꞉ mo꞉sa꞉ma꞉ib. 35Kalu nafa eyo꞉, asulo꞉ nafa e amilo꞉ dila꞉len a꞉no꞉ kalaba sahandalowakiyo꞉, man nafale a꞉no꞉ ko꞉lo꞉ dimida꞉mela꞉ib. Kalu mogago꞉ eyo꞉, asulo꞉ mogago꞉ e amilo꞉ dila꞉len a꞉no꞉ kalaba sahandalowakiyo꞉, man mogago꞉ a꞉no꞉ ko꞉lo꞉ dimida꞉mela꞉ib. 36Ko꞉sega niyo꞉ gimo꞉wo꞉ a꞉la꞉so꞉lo꞉l. Godeya꞉lo꞉ mo꞉walilima꞉no꞉ ho꞉len a꞉namio꞉, kaluka꞉isale tambowa꞉yo꞉ ililo꞉ madali to ko꞉li ko꞉lilo꞉ sa꞉la꞉len a꞉no꞉ tambo Godeya꞉ siwa꞉l amio꞉ kalaba sa handalowaki sa꞉ma꞉ib. 37Gode eyo꞉ go꞉no꞉ndo꞉ to sa꞉la꞉len a꞉na ilikiyo꞉, ge digalo꞉ kalu a꞉la꞉sa꞉ma꞉ib. A꞉la꞉ta꞉ga꞉ go꞉no꞉ndo꞉ to sa꞉la꞉len a꞉na ilikiyo꞉, ge mogago꞉ kalu a꞉la꞉sa꞉ma꞉ib.”
Kaluka꞉isaleyo꞉ Ya꞉suwa꞉ towo꞉ mo꞉kudu ane
Mak 8.11,12, Luk 11.29-32
38 #
Madi 16.1, Luk 11.16, Yo꞉n 6.30 Ho꞉len no amio꞉ Fa꞉lisi kalu nol o꞉lia꞉ elelo꞉ wida꞉sen kalu nol o꞉lia꞉ma꞉yo꞉ Ya꞉sumo꞉wo꞉ a꞉la꞉sio꞉, “Widan kalu, niliyo꞉ ge Godelo꞉wa a꞉la꞉ta꞉ga꞉ mio꞉lo꞉b a꞉la꞉asuluma꞉kiyo꞉, giyo꞉ nimo꞉wo꞉ molo ha꞉na꞉no꞉ nowo꞉ walama,” a꞉la꞉sio꞉. 39#Madi 16.4Ya꞉su eyo꞉ a꞉ma꞉la꞉bo꞉ a꞉la꞉sio꞉, “Kaluka꞉isale o꞉g ho꞉len wenamilo꞉ sab we, gio꞉ hendele mogago꞉le ko꞉lo꞉, gio꞉ Gode o꞉lia꞉yo꞉ mo꞉ege dowab. Gio꞉ ele ba꞉ba꞉no꞉wo꞉ Godelo꞉wa a꞉la꞉ta꞉ga꞉lo꞉ fa꞉la꞉dowab a꞉no꞉ ko꞉lo꞉ ba꞉ba꞉no꞉ asulab. Ko꞉sega gio꞉ ele ba꞉ba꞉no꞉ nowo꞉ mo꞉ba꞉ba꞉ib. Dinali sa꞉lan kalu Yona elo꞉ amilo꞉ fa꞉la꞉dowo꞉ a꞉no꞉ko꞉ ba꞉ba꞉ib. 40#Yona 1.17Yona e ho꞉len otaleno꞉ a꞉la꞉ta꞉ga꞉ nulu otaleno꞉ ka꞉ ila꞉muwa delen. A꞉la꞉do꞉ fa꞉la꞉dowo꞉ o꞉leaumbo꞉ Kalule Dowo꞉ e ho꞉leno꞉ otalen a꞉la꞉ta꞉ga꞉ nulu otalen a꞉no꞉ hena꞉ usde holona doma꞉ib. 41#Yona 3.5Godeya꞉lo꞉ henfelo꞉ kaluka꞉isalelo꞉ mo꞉walilima꞉no꞉ ho꞉len a꞉namio꞉, Ninifa kalu iyo꞉ gi o꞉lia꞉ kagafo꞉liki, gililo꞉ hala dimido꞉ a꞉no꞉ iliyo꞉ kalaba fanda sa꞉ma꞉ib. Mo꞉wo꞉ Yona eyo꞉ kaluka꞉isalemo꞉wo꞉ wida꞉labikiyo꞉, iyo꞉ asulo꞉wo꞉ nodolo꞉. O꞉go꞉ gio꞉ bo꞉ba! Yona elo꞉ tinio꞉ kalu nowo꞉ o꞉go꞉ wena sab. 42#1Kin 10.1-10Godeya꞉lo꞉ henfelo꞉ kaluka꞉isalelo꞉ mo꞉walilima꞉no꞉ ho꞉len a꞉namio꞉, Seba hen amilo꞉ misa꞉ ka꞉isale e, gi o꞉lia꞉ kagafo꞉liki, gililo꞉ hala dimido꞉ a꞉no꞉ eyo꞉lo꞉ kalaba fanda sa꞉ma꞉ib. Mo꞉wo꞉ mo꞉luwo꞉ e Solomona꞉ ene asulo꞉ nafale a꞉no꞉ da꞉ba꞉no꞉ yakiyo꞉, heno꞉ ko꞉na꞉ a꞉la꞉ta꞉ga꞉ mio꞉. O꞉g wenamio꞉ gio꞉ bo꞉ba! Solomona꞉ asulo꞉lo꞉ tinio꞉ kalu nowo꞉ o꞉go꞉ wena sab.”
Man mogago꞉wo꞉ alan a꞉fa꞉la꞉doma꞉ib
Luk 11.24-26
43-44“Mama mogago꞉wo꞉ kalu amilo꞉ elen a꞉no꞉ handalota꞉ga꞉ ha꞉nakiyo꞉, mama mogago꞉ a꞉no꞉ elo꞉ ha꞉salo꞉ mesa꞉no꞉ hen a꞉no꞉ kedaki, kalaleli hena sia꞉mela꞉ib. Ko꞉sega elo꞉ mesa꞉no꞉ hen nafa nowo꞉ mo꞉ba꞉dalikiyo꞉, eyo꞉ a꞉la꞉sa꞉ma꞉ib, ‘A nelo꞉ tamin amilo꞉ sen a꞉na a꞉ma꞉la꞉ ha꞉na꞉nigo꞉l.’ A꞉la꞉sa꞉la꞉sa꞉ga꞉yo꞉, e a꞉ma꞉la꞉ ya꞉ga꞉ ba꞉ba꞉ amio꞉, a a꞉no꞉ tabe alitaki, momade alifa꞉ ko꞉sega kalulo꞉ma ba꞉ba꞉ib. 45#2Bid 2.20A꞉la꞉fo꞉ko꞉lo꞉ ayo꞉ ba꞉da꞉sa꞉ga꞉yo꞉, e ha꞉na꞉sa꞉ga꞉, mama mogago꞉ doma꞉la꞉fo꞉ nolo꞉ a꞉tililia꞉ mia꞉ib. Mama mogago꞉ doma꞉la꞉fo꞉ a꞉ma꞉ ini man dimidano꞉ mada mogago꞉le ko꞉lo꞉lab. A꞉la꞉ta꞉ga꞉ iyo꞉ tambo a a꞉na mesa꞉ni tina꞉ib. Tamin amio꞉ kalu a꞉no꞉ hida꞉yo꞉wo꞉ dowo꞉ ko꞉sega, o꞉g a꞉namio꞉ hida꞉yo꞉wo꞉ mada alande a꞉fa꞉la꞉dowab. Man elo꞉ amilo꞉ fa꞉la꞉dowab o꞉leaumbo꞉, kaluka꞉isale mogago꞉ o꞉gdo꞉ sab wenamio꞉lo꞉ a꞉la꞉ka fa꞉la꞉doma꞉ib.”
Ya꞉suwa꞉ ano o꞉lia꞉ ao o꞉lia꞉ o꞉ba꞉le?
Mak 3.31-35, Luk 8.19-21
46Ya꞉su eyo꞉ kalu kegeo꞉ o꞉mo꞉wo꞉ towo꞉ o꞉wida꞉labikiyo꞉, Ya꞉suwa꞉ ano o꞉lia꞉ ao i o꞉lia꞉ a꞉na fa꞉la꞉dowa꞉sa꞉ga꞉, Ya꞉sumo꞉ towo꞉ sa꞉ma꞉no꞉ a꞉la꞉ta꞉ga꞉ ha꞉la꞉ya kagafo꞉len. 47Kalu noma꞉yo꞉ emo꞉wo꞉ a꞉la꞉sio꞉, “Go꞉ o꞉lia꞉ gao o꞉lia꞉yo꞉ ha꞉la꞉ya kagafo꞉liki, towo꞉ gemo꞉ sa꞉ma꞉no꞉ a꞉la꞉ta꞉ga꞉ yasisab.” 48A꞉la꞉sa꞉labiki Ya꞉su eyo꞉ emo꞉lo꞉ sio꞉ kalu o꞉mo꞉wo꞉ a꞉la꞉sio꞉, “Ni no꞉ o꞉lia꞉ ni nao o꞉lia꞉yo꞉ o꞉ba?” 49Ya꞉su eyo꞉ enedo꞉ tiliwida꞉sen kalu i a꞉no꞉ ko꞉lo꞉ dagi kudu sa꞉laki, “Ni no꞉ o꞉lia꞉ nao i o꞉lia꞉yo꞉ kaluka꞉isale i sab we. 50#Lom 8.29Kaluka꞉isale abeyo꞉ Do Hebenelo꞉ sab ene mando꞉ tilida꞉da꞉sa꞉ga꞉lo꞉ kudu ha꞉na꞉lab a꞉no꞉, naoleyo꞉, nadoleyo꞉, no꞉leyo꞉ i o꞉m.”
اکنون انتخاب شده:
Madiyu 12: BCO
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 (Active), Wycliffe Bible Translators, Inc. All rights reserved.
