Zabuli 150

150

Lwimbo lwa kumtogola Nguluwi

1Mumtogole Mkulu Nguluwi.

Mumtogole Nguluwi kuli ng'handa ya heye,

muutogole mong'ho wa heye kuli ulanga.

2Mumtogole kwa chiwalo cha madito ga heye makulu,

mumtogole kwa chiwalo cha winji wa ukulu wa heye.

3Mumtogole kwa lizi lya mhalamhanda,

mumtogole kwa igombogombo na ching'weleng'wele.

4Mumtogole kwa kutowa ngoma na kuvina,

mumtogole kwa mluli na ching'weleng'wele.

5Mumtogole kwa kutowa matoazi.

Mumtogole kwa matoazi ga lizi likulu.

6Chila chilumbigwe chiwele chikomu chimtogole Mkulu Nguluwi.

Mumtogole Mkulu Nguluwi.

اکنون انتخاب شده:

Zabuli 150: Chividunda

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
Zabuli 150