آیات محبوب کتاب مقدس از Aŵaloma 1

به اشتراک گذاشتن

Pakuti nsikwete insoni paCeŵo Iciweme, pakuti comakosa aŵaLesa akuŵapulusya ŵonse aŵakucetekela; tanje kuŵaJuda, sombi nakuŵaEla naŵo.

Pakuti muceŵo ico mulifisulucile ukuluŋgama kwaŵaLesa, ukwatulile kukucetekela, ukwakutwalila nakukucetekela; koti nifyopele' fyo ifilembelwe ati: Sombi umuntu uluŋgeme pakucetekela epo akalukwikele nemweo.

Pakuti ifyamfiso fyaŵo, amakosa aŵo amuyayaya naŵulesa bwaŵo, ukufuma kumpindi yakuleŋgwa kwacalo, fyonse filibwenekele bwino, pakuti filaŵonwa mufintu ifya leŋgelwe; pakuti pali fyefyo, aŵantu aŵo taŵakwete uŵulunji bwakuŵifya kwaŵo

pakuti, naŋgawa ati ŵaliŵesiŵile ŵaLesa, taŵaŵalemesye koti niŵaLesa, neli kuŵatota, ŵaŵa; sombi ŵaliŵele ŵalukoso mukupikana kwaŵo; nemitima yaŵo itumpile yaliŵele nemfinsi.

pakuti ŵalisitwile ŵucine bwaŵaLesa, nekupoko'ŵufi, nekulukucindika icaleŋgelwe, nekucipyunjila, ukucila napakucindika Awaleŋgele, aŵo aŵacindeme insiku syonse isyamuyayaya. Ameni.

Pakuti ukufitwa kwaŵaLesa kulibwenekele ukufuma kwiulu ukufikalipila fyonse ifyamipufyo kuli ŵaLesa nefisendeme fyonse ifyaŵantu, aŵalukuŵucicila ŵucine ukwakusendeka

Pakuti pali fyefyo, ŵaLesa ŵaliŵaposele kukukumbwa ukuŵipile. Pakuti aŵanakasi ŵaŵo ŵaliyalwile imilimo yamiŵili yaŵo iyakwisiŵila kwaŵo milimo itaipalene nekwisiŵilo'ko: fyopele' fyo neŵalalume, ŵalilekele imilimo yaŵanakasi iyakwisiŵila kwaŵo, nekulukufwata mumitima ukulukukumbwana, aŵalalume ukulukucitane'fiŵipile neŵalalume; nekulukupoka namuli ŵo aŵene amalambulo aelelwe ifiŵipile fyaŵo. Popele fyopele'fyo ifi ŵakene ukukulama ukuŵesiŵisya ŵaLesa, koti nifyopele'fyo ŵaLesa ŵaliŵaposele kumitima yafinaŋgwa, mukulukucite'fyo-fintu ifitafyelelwe.

Pakulukulieŵa ati nifweŵamano, ŵaliŵele tuŋguluŋgulu, nekwalula uŵuleme bwaŵaLesa aŵakuŵule'ŵosi fiŵumbwaŵumbwa ifyakupalana neŵantunsi aŵeŵosi, nefyuni, nenama, nefiloŋgolo.