آیات محبوب کتاب مقدس از روملو‌لارا 14

به اشتراک گذاشتن

چونکی تارینین پادشاهلیغی یمک و ائچمک دیئل، بلکی صالحلئک، باریش، و موقدّس روحدا شادلیقدیر. چونکی کئم مسئحه بله خئدمت اله‌یئر، تارییا مقبولدور و ائنسانلار طرفئندن تصدئق اولونور.

چونکی اگر یاشاییریق، رب اوچون یاشاییریق؛ اگر اؤلوروک ده، رب اوچون اؤلوروک. بونا گؤره ده ائستر یاشایاق، ائستر اؤلک، بئز ربّئنئک.

پس گلئن او شیلره جان آتاق کی، صولح و سالاماتلیق گتئرئر و بئربئرئمئزی بئنا اله‌یئر.

بونا گؤره ده بئربئرئمئزه آرتیق حؤکم اله مه‌یک، آمّا بونا قرار ورک کی، بئر قارداشین یولونا مانع و یا بودره ‎دن بئر شی قویمایاق.

اونا گؤره کی، یازیلیب: رب بویورور؛ حیاتیما آند اولسون کی هر دئز قاباغیمدا چؤکه‌جک، و هر دئل تارینی ائقرار اِلئیه‎‌جک. دمه‌لی هر بئرئمئز اؤزی اوچون تارییا حساب وره‌جک.

ائماندا ضعئف اولانی قبول اله‌یئن؛ آمّا اونون اوچون یوخ کی، عقئده‌لری باره‌ده حؤکم الئیه‌سئز.

سن کئمسن کی، اؤزگه‌نئن قولونا حؤکم اله‌یئرسن؟ قولی حاقلی چیخاردان دا، حاقسیز چیخاردان دا آغاسی‌دیر. قول حاقلی چیخاجاق دا، چونکی ربّئن گوجی وار کی، اونی حاقلی چیخارتسین.