آیات محبوب کتاب مقدس از Rɔmu Siè 14

به اشتراک گذاشتن

Iè hɔ̀ lɛ ɛ́ Dɔfĩn bɛ́záanú ɛ́ yí díe àá mí ɲunlɔ́ bòo, kɛ́ hɔ́ iè hɔ̀ cã̀anírɔ́ àá lé hũn-wiɛ̀ àá lé tĩwiɛ̀ lɛ ɛ́ lé Mɛkɛ̃n-Sãanu ɛ́ te wóò lɛ́. À nìnbírɔ lɛ ɛ́ wóò tɛ́ á Kirisa tɔnlɔ́ kɛ̀a hɔ́pe sí ɛ́ bòo ɛ́ wóò tĩìní Dɔfin ǹ ɛ̀ ɓɛ̀ nìnbirìe ɛ́ lò wóò tɛ̀ piè bòo.

Kɛ́ ké ɓen wi le mɛkɛ̃nì hũn, ɛ̀ kè wi le mɛkɛ̃nì hũn kè Ɲunsɔ bòo hũn, ɛ̀ kè ɓen húrun, ɛ̀ hɔ̀ iè kè Ɲunsɔ bòo hũn ɛ́ ké dàa húrun. Ɛ́ kɛ̀amu, kɛ́ ké wi le mɛkɛ̃nì hũn tàá kɛ́ ké húrun, ɛ̀ kè bòo ɛ́ sɛ̃̀ à Ɲunsɔ ǹ.

Ɛ́ mí lɛ́ nɛ ke cɛ̀ hɔ̀ bòo lɛ ɛ́ wóò lɛ́ lé hũn-wiɛ̀, àá hɔ́lɛ ɛ́ wóò lɛ́ ɛ̀ kèpe kè kuì vɛ àá híɛhɔ́ hɔ̀ ńdɛsĩ̀nlɔ́ hũn.

Ɛ́ kɛ̀amu, ɛ́ mí bí bĩní nɛ ke wóò lè ɓán lìe, kɛ́ mí muń mí tĩɛ̀ hũn nɛ mí yá wé bòo dɔ̀ lɛ ɛ́ lɛ́ ɛ́ mì zuú dɔ̀ ɛ̀ kenkení ɛ̀ kùén wɛ̀.

Iè hɔ̀ lɛ ɛ́ Hɔ́ wɛ̃́ lé Dɔfĩn bienù vɛ̃hṹ hũn nɛ hɔ́pe Dɔfĩn ɛ́ bie ɛ́ nɛ làa: Ǹpe Ɲunsɔ lɛ yìe wi ɛ́ bie ɛ́ nɛ làa: Nìnbirìe ɓɛ́kùi ɛ́ ɓén síɛ hèkɛsí ɓɛ́ nunkɛ́yìe lɔ̀n niǹ híɛhɔ́, Ɛ̀ nìnbirìe ɓɛ́kùi ɛ́ ɓén lɛ́ ɓàarɔ́ mi ǹ. Ɛ́ kɛ̀amu, kèpe àá ké nì-cóohɛ̃ ɛ́ hɔ́rɔ ɛ́ ɓén munkɛ mí bòo lɛ á wɔ́ Dɔfĩn híɛhɔ́.

Mì wóo dàá ɔ́ nìnbírɔ lɛ ńdɛsĩ̀nlɔ́ zɛ́wi sãaní, ɛ̀ mì bí wóo wũ̀aní-ɛ piè bòo lɛ á wóò nùún nɛ mí fɔ́ɓán ɛ̀ mí wóò wé bòo hũn wɛ̀.

Ɛ́ kɔ́pe iè wie ɛ́ kɔ́ dàa nɛ àdɔ̀ tɔntɛ́ ɛ́ wé khe? Kɛ́ á dɛ̃̀ sãa mí tɔnlɔ́ hũn tàá kɛ́ á yí dìń sãàní, ɛ̀ hɔ̀ iè piè ɲúnsɔ ɛ́ hɔ́ cɛrɛkɛa. Kɛ́ á lò ɓén dìń sãàní, iè hɔ̀ lɛ ɛ́ Ɲunsɔ ɛ́ dàa hɔ pànkɛ́ lɛ dɛ̀ ɛ́ lɛ́ á dìń sãàní.