آیات محبوب کتاب مقدس از 1 A-KORINDU 12

به اشتراک گذاشتن

Alioze mahana usolwelo wa Spiritu kuli eswe mukufumbuka.

Achi, yenu nunapu mujimba wa Kristu, mutu ni mutu chihanda ni chihanda chawo.

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.

Mumu muli Spiritu mahana kuli umwe, liji lia mana; kuli mukwo, liji lia chinyingi; nikulita ni Spiritu umuwika; kuli mukwo, Ufulielo, muli Spiritu umuwika; kuli mukwo, yawana ya vumbi ya kuhindwisa, muli Spiritu umuwika: kuli mukwo, kulinga cha yipupu; kuli mukwo, uprofeto: kuli mukwo, kusa chinyingi hakachi ka maspiritu; kuli mukwo, malimi eka ni eka; kuli mukwo, ulumbunwiso wa malimi

alioze Spiritu umuwika kakulingisa yino yuma yeswe, nikwanyina kuli mutu ni mutu, chizechene ngwe mapala.

hanga kukuchi kapwa kulihandununa mu mujimba; alioze hanga yihanda yikapwe nikufunga chimuwika chimwe ha chikwo ni chikwo.

Achi, kuchili kulipalikila cha yawana ya vumbi, alioze Spiritu umuwika. Kuchili kulipalikila cha uvumbiko, alioze Mwene umuwika. Kuchili kulipalikila cha kulinga, alioze Zambi umuwika, yoze wakulingisa yuma yeswe muli eswe.

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

Mumu mujimba hi chihanda chimuwika ko, alioze yinji.

Ka, alioze Shinaho chikolo, yihanda yize ya ku mujimba yakusoloka ngwe yilelu yahiana, kachi yakuhi, kachi kuhona pundu

Kachi mujimba weswe lukombo wapwa liso, kwivwa Chilihicho? Kachi weswe lukombo wapwa kwivwa, kuhumbika Chilihicho? Alioze haliapwila Zambi hanase yihanda, chimwe ni chimwe, mu mujimba, chizechene ngwe wapalile. Nyi kachi yeswe yapwa chihanda chimuwika, mujimba ulihiwo?