آیات محبوب کتاب مقدس از मत्‍तयाल 27

به اشتراک گذاشتن

दग्‍गेरा-दग्‍गेरा मूड एगनेंके येसु अळसेके जोरसे वरगेयसि, “एलि, एलि, लमा सबकतनि.” इत्‍ते, “ना पेनदुना, ना पेनदुना निमे नाकुन बारि होळसीतिन?” इंचि इत्‍तोर.

हुळाट! अस्‍केने गुळिता परदा, पोर्रोटाल हिळुदाका हर्सि रोंडु तुकडां आता, बूमि अदुलता, गुट्‍टां नेर्रें हीसि पैतां. पेनदा लोकुल्‍क बोर अय्ते हातुर ओराव्टेटाल वेल्‍ले मंदि जीवा अर्सि बोंदानाल मर्रा तेदतुर.

येसु मरुंदाम अळसेके जोरसे वरगेयसि जीवा होळस्तोर.

अगा जर्गुता गटनां आनि बूमि अदुल्तद हूळसि, नूर मंदि सिपाइल्कुना पोर्रो मनना अदिकारि आनि येसुनगा कावेल कीसेक मत्‍ता सिपाइल्क वेल्‍ले वेरियतुर. वेरियसि, “ईर निजमे पेनदा मर्रि आंदुर” इंचि इत्‍तुर.

पजा पिय्यटा पन्‍नेंड एगानस्‍केटाल अय्ते मूड एगनदाका पूरा बूमिअंता हीकट आता.

“अय्ते मरि, ‘किरिस्‍तु’ इनना येसुन बतल कियना?” इंचि पिलातुस ओर्कुन पूसकीतोर. अस्‍के “ओन क्रुसुनपोर्रो मोल्‍लां कोहकिस हव्का,” इंचि इत्‍तुर. “बारि, ओर बतल तप्पु कीतोर?” इंचि पिलातुस पूसकीतस्‍के, “ओन क्रुसुनपोर्रो मोल्‍लां कोह्‍किसि हव्का” इंचि ओर जोरसे वरगेयतुर.