آیات محبوب کتاب مقدس از Korintotɔwo I, 2

به اشتراک گذاشتن

Ke woŋlɔe ɖi be: “Nu si ŋkumekpɔ kpɔ o; nu si to mese kpɔ o, nu si meva susu me na ame aɖeke kpɔ o lae, Mawu dzra ɖo ɖi na ame siwo lɔ̃e la.”

Ame si me Gbɔgbɔ la mele o la, mete ŋu xɔa Mawu ƒe Gbɔgbɔ la ƒe nunanawo o. Movinyawo ko woɖina nɛ. Mate ŋu ase wo gɔme hã o, elabe ame si me Gbɔgbɔ la le la koe anya be nu vevi wonye.

Mawu ɖe nu siawo fia míawo ya to eƒe Gbɔgbɔ la dzi, elabe Gbɔgbɔ la dzroa nu sia nu me tsitotsito. Edzroa keke Mawu ƒe nu goglowo ke gɔ̃ hã me.

Menye gbɔgbɔ si le xexe sia me lae míexɔ o, ke boŋ Gbɔgbɔ si tso Mawu gbɔ lae míexɔ, be míate ŋu ase nu siwo Mawu tsɔ na mí faa la gɔme.

Nyemezã nya lolo, siwo me amegbetɔwo ƒe nunya be ɖo o, ke boŋ meɖe gbeƒã gbedeasi la dzaa ko, abe ale si Mawu ƒe Gbɔgbɔ la ɖee fia to eƒe ŋusẽ me la ene. Nyemedi hã be miaƒe xɔse natsi tsitre ɖe amegbetɔwo ƒe nunya dzi o, ke boŋ ɖe Mawu ƒe ŋusẽ la dzi.