آیات محبوب کتاب مقدس از 2 कुरिन्थियन 5

به اشتراک گذاشتن

एसे अगर कउनव मनई यीसु मसीह के ऊपर बिसुआस कइ लेत हय, त उआ नई रचना बन जात हय। अउर ओखे जीबन से पुरान बातँय चली जाती हईं, अउर ओखर नबा जीबन सुरू होइ जात हय।

यीसु मसीह, जिनखे जीबन माहीं कउनव पाप नहीं रहा आय, उनहिन के ऊपर परमातिमा, हमरे पंचन के सगले पापन के बोझ लाद दिहिन, कि जउने हम पंचे यीसु मसीह के द्वारा परमातिमा के नजर माहीं निरदोस ठहरी।

काहेकि हम पंचे संसारिक बातन काहीं देखिके नहीं, बलकिन बिसुआस के सहारे चलित हएन।

अउर ईं सगली बातँय परमातिमा के तरफ से आहीं, अउर उँइन यीसु मसीह के द्वारा हमार पंचन के मेल-मिलाप अपने साथ कइ लिहिन हीं। अउर उँइन हमहीं पंचन काहीं इआ सेबा के काम सउँपिन हीं, कि हम पंचे दुसरे मनइन के मेल-मिलाप उनखे साथ कर बाई। अरथात परमातिमा मसीह के द्वारा संसार के मनइन के मेल-मिलाप अपने साथ कइ लिहिन हीं। अउर मनइन के अपराधन के दोस उनखे ऊपर नहीं लगाइन। बलकिन मनइन के साथ, आपन मेल-मिलाप करामँइ के सँदेस, सुनामँइ के सेबकाई हमहीं पंचन काहीं सउँपि दिहिन हीं।

एसे हम पंचे मसीह के राजदूत आहेन, अउर इआ समझ ल्या, कि परमातिमा हमरे पंचन के द्वारा, तोंहईं पंचन काहीं समझाय रहे हँय। अउर हम पंचे, मसीह के तरफ से तोंहसे बिनती करित हएन, कि तूँ पंचे परमातिमा के साथ मेल-मिलाप कइल्या।

अउर यीसु मसीह इहय कारन से सगले मनइन के खातिर मरे हँय, कि जउने जेतने मनई जिअत हें, ऊँ पंचे अब से अपने खातिर न जिअँइ, बलकिन यीसु मसीह के खातिर जिअँइ, जउन मरिके पुनि जिन्दा होइगे हँय। एसे अब से हम पंचे कउनव मनई काहीं संसारिक नजर से न देखब, काहेकि एक समय हमहूँ पंचे मसीह काहीं संसारिक नजर से देखत रहे हएन। तऊ अब से हम पंचे मसीह काहीं संसारिक नजर से न देखब।

काहेकि मसीह के प्रेम, हमहीं पंचन काहीं मजबूर कइ देत हय; एसे हम पंचे इआ समझित हएन, कि जब एक जने अरथात यीसु मसीह सगले मनइन के खातिर मरे हँय, त हमहूँ पंचे घलाय पुरान जीबन के खातिर मर गएन हँय।