آیات محبوب کتاب مقدس از Colosaigh 2

به اشتراک گذاشتن

Mar sin de, ós rud é go bhfuil glactha agaibh le hÍosa Críost mar Thiarna, tugaigí bhur saol i bpáirt leis. Bígí préamhaithe ann agus bunaithe air agus daingean sa chreideamh faoi mar a múineadh daoibh é, agus bígí lán de bhuíochas.

Bígí aireach, áfach, le heagla go mbuailfeadh aon duine bob oraibh leis an bhfealsúnacht bhaoth mhealltach úd a leanann traidisiúin dhaonna agus atá bunaithe ar phrionsabail an tsaoil in áit a bheith bunaithe ar Chríost.

Bhí sibh marbh de dheasca bhur gcionta agus de cheal thimpeallghearradh na colainne; ach dʼathbheoigh Dia sibh i bpáirt le Críost; mhaith sé dúinn ár gcionta uile, agus an banna scríofa úd a bhí inár gcoinne lena chuid forálacha chuir sé ar ceal é agus ghlan as an tslí é dá thairneáil ar an gCros.

Mar is i gCríost atá iomláine Dé ina chónaí go corpartha agus tá sibh-se tagtha chun iomláine ann. Is é ceann gach tiarnais agus údaráis é.

Dá chionn sin ná ligigí dʼaon duine a bheith ag ordúchán oraibh faoi chúrsaí bia agus dí ná i dtaobh féilte cinn bhliana nó féilte míosúla nó laethanta sabóide. Níl sna cúrsaí sin ach scáil na nithe a bhí le teacht ach is é Críost an t-ábhar féin.