آیات محبوب کتاب مقدس از Baloma 12

به اشتراک گذاشتن

Mutayanzani abukkale bwabantunsi, pele Leza asandule buumi bwanu mukumupa myoyo mipya. Ndendilyo nimutizibe luyando lwa Leza, nkabela mulaziba zibotu, zilondokede, azimubotelezya Leza.

Lino nobakwesu, nkaambo Leza watufwida luzyalo lupati boobu, ndamukumbila kuti mulipe amibili yanu yoonse kuti mube cipaizyo cuumi, cisalala, cibotelezya Leza. Eeyi njenzila iini-ini yakukomba Leza.

Amukondwe mubulangizi bwanu. Amukkazike moyo muciindi camapenzi akukomba lyoonse.

Mutazundwi abubi pe, pele amuzunde bubi akucita zibotu.

Amuyandane kapati mbuli babunyina. Musungwaale mukulemekana.

Luyando lwanu lutabi lwakuupaupa aameso. Amusesemwe bubi, mukakatile zibotu.

Naa kakukonzeka amukkale muluumuno abantu boonse.

Nobayandwa, mutabweedezyi muntu cibi, mumuleke buyo, nkaambo Leza uyoomusubula mubukali bwakwe. Kayi Malembe alati, “Amubaleke, ndime eensubula, njoobasubula, mbwaamba Mwami Leza.”

Mukubelekela Mwami, amusungwaale, mutabi batolo pe.

Kwiindila munguzu zyandipa Leza muluse lwakwe, ndamwaambila kuti mutalitukumuni. Kwaambisya amulitesye mumizeezo yanu, kweendelana akukomena kwalusyomo oolo Leza ndwapa omwe-omwe wanu.

Muntu wamucita cibi, mutabweedezyi. Amucite zibotu kuti bantu boonse bazibone.

Amumvwane lyoonse. Mutalisumpuli, pele muyandane abantu buyo. Mutayeeyi kuti muli basongo.

Mbokuli boobo, amucite mbubonya mbuli Malembe mbwaaamba, “Naa kuti sinkondonyoko wafwa nzala, mupe cakulya. Naa wafwa nyota, mupe maanzi akunywa. Nkaambo wacita boobo, walo ulalemwa kumakosi.”

Amukombe Leza kuti aleleke aabo bamupenzya. Iiyi, amucite oobo, mutasinganyi. Amukondwe abaabo bakondedwe, mulile abaabo balila.

Amupe zyakugwasya Bakilisitonyoko babulide, alimwi amutambule beenzu amaanza obilo.

Mumubili omwe muli zizo zinji, nkabela zizo eezyo zilijisi milimo yaandeene-andeene. Mbubonya oobo aswebo tobasyomi, nikuba kuti tuli banji, tuli mubili omwe muli Kilisito. Aboobo tuliswaangene umwi aumwi mbuli zizo zyamubili omwe.