آیات محبوب کتاب مقدس از VAKORINZO 4

به اشتراک گذاشتن

Shiukhunyala khuraangalila tsimoni tsieru khu vindu via khulolanga tawe; navutswa khu vindu via khunyala khuvula khulola. Vindu via khunyala khulola vivetsaho khu tsisaa tsindititi tsionyene; navutswa vindu via khunyala khuvula khulola, viliitsa khuvaho mihika ni mihika.

Khulwa yako, shiukhunyala khukhutsa mwoyo tawe. Khali niiva mivili chieru chivwetsanga tsingulu, navutswa liiva lieru mu mioyo linyolanga tsingulu shia litukhu. Vutiinyu vutititi vuliho khumatukhu mati, vuchilanga nu khunyakhana yuvu, vuliitsa khukhulerela vukhumi vunyishi vwi mihika ni mihika, vunyishi muno khuvira vutiinyu vwa khuvirilamu vwosi.

Shia khase khosi khuvirilanga mu vutiinyu, navutswa khukuuranga; matukhu malala khuhaya hayanga, navutswa shikali khukhutsanga mwoyo tawe; khutambitswangwa, navutswa shikali khwivililwangwa tawe. Khali niiva matukhu malala khusalilitswangwa vululu muno, shikali khutivitswangwa tawe.

Navutswa khutsi khuli ni livishilu yili, khuli tsinyungu tsialoongwa khu matohi, khumumanyinya ndi vunyali vwosi vwi tsingulu nu vwa Nyasaye wonyene; shiuvunyala khuva nu vweru vene tawe.

Shivanyala khusuuvila tawe, shichila nyasaye mutamanu wamihanga shivala shinu, wavikha tsinganakani tsiavo mu shisuundi. Wavikalila khuvula khulola vulavu vuvwashilanga, nuvuli vulavu vurulanga khu Ivanjeli khulondokhana khu vukhumi vwa Kristo, uli ni likoondo liatoto khuli lia Nyasaye.

Nyasaye wavoola, “Vulavu vulakha khurula mu shisuundi!” Neye Nyasaye mulala mwele walomba vulavu vwevwe khwakha mu mioyo chieru, khukhuha vucheli khulondokhana khu vukhumi vwevwe vwang'ang'anga mu vweni vwa Kristo.