آیات محبوب کتاب مقدس از Yakobus 2

به اشتراک گذاشتن

Ai ’gela’ge, nis nene’gik pam en leronto erlak welat, “Nenede Allah pam he’berik welege,” oluk, ai nak ogu lege holuk, werak ’gela’ge welat we ’burlat ogu lege o.

Nenebe nenarogun libagoam waraga lege ai ’gela’ge, nonogola en e, “Allah demat,” oluk opogularat de, nene’gik pam en logon togwi erlak holuk, werak a’ge ’gela’ge welat, we ’burlat opogu lege o.

Narilak norokhwi. His logon en, “Nede Allah pam he’berik welegi o,” oluk ogularat de, he’gik pam en aphwami ado leronto erlak holuk e, hiak nak, “Nede Allah pam he’berik welegi,” oluk ese legen ai pam mesik ema no? We, ’burlat ese legen o. Ye, hede nak asogo he’berik wolomma re, ai pam elit delhobua no? Mia o.

Hat mesik en e, “At Allah ebe mesigat o,” oluk demat epasu legen ai obat a’geat de, Iblis osi enebabut wiak a’ge enemin en, ai ’gela’geat demat epasulat, ebe onogorlok en alik worogwiat o.

Is ado en asogo ogwiam, disogo u o, “Hat en e, Nede Allah pam he’berik welegi ese legen ai o. Ye, an en e, ne’gik pam en lerentasu legi ai o. Holuk e, hat he’gik en leronto erlak welat, Nede nak Allah pam he’berik welegi, oluk ese legen ai ebe ’ge. Onukniemen da. An nak e, Nede Allah pam he’berik welegi, oluk, ne’gik pam en lerentasu legi a’ge enagat oruak ai, onukhiaigat o,” oluk mo’gulonto ai o.

His en e, aphwami henedeabonobogup erlak holuk e, Allah en e, edeaphonobo erlakma en e, wene henebam pou wayat o. A’ge re, aphwami logon enedesogo welagai a’ge ai Allah en enemdema wasulat wene enebam pouwa erlak o.

Ai ’gela’ge, Allah demat oluk ai nak opoma re, Allah en e, “Wene hebam a’ge no’gorlogo wokhegirik togolik nemin hwedik takhebegi o,” oluk mo’gulnum erlak hegi. We, asogo epasulat, nene’gik pam en eminat togwiam ai pam en nak e, asogo mo’gulesi ai hemit!

At ede Allah pam he’berik pasulat, e’gik pam en tagalat, emin la’bulogo tegei ai. E’gik pam en tegei ai pam ede Allah pam ’garoksogo he’berik pesi oluk, hat en pobi tuat o.