آیات محبوب کتاب مقدس از Marku 10

به اشتراک گذاشتن

Nguko Mwanana wa M'thu kha tela ku ta thumelwa, a tete ku ta thumela vamwani, ni kuningela wutomi wakwe, kasi ku na tirula vavangi.”

Ngako ene a di gute maso a txi va wonisisa, a to va angula a txi khene: “Ka vathu, eto kha ti koteki, aniko ka Txizimu ta koteka, nguko ka Txizimu totshe ta koteka.”

Jesu a to mu gela a txi khene: “Tsula, likholo lako li ku hanyisile.” Konaho, a to tshumela e mana kuwona, se e mlondisa nzilani.

Ngu toneto, asiya Txizimu txi nga si tshanganisa m'thu a nga thuke a txi si abanisa.”

Konaho Jesu a to gula maso a txi mu wonisisa ngu ku m'dhunda, se a txi mu gela tiya: “U pwatekelwa ngu txilo tximwetxo dwe: Tsula u txi ya xavisa sotshe si u ku naso, u txi ningela ka sisiwana. U na mana thomba nzumani. Se ngono u txi ni londeta.”

Jesu a to mu wotisa a txi khene: “U lava ni txi ku mahela txani kani?” Wa dibhofu a to angula a txi khene: “M'gondisi, maha ti to ni tshumela ni wona.”

Kambe kha ti laveki eto hagari kwanu. Awule a lavako kumaha wa hombe hagari kwanu, a na ti mahe txithumi txanu

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Kambe vavangi vo thanga va na va va magwito, se va magwito va na va vo thanga.”

Kambe kukhatani Txizimu txi va vangile mwamna ni msikati. Ngu toneto, wamwamna a na siya tate wakwe ni mame wakwe a txi namarela ka msikati wakwe; se va na maha nyama yimweyo ngu wumbidi wawe; ngu toneto hi nga ngadi vambidi, vo va i di mmidi umwewo.