آیات محبوب کتاب مقدس از Iohane 15

به اشتراک گذاشتن

Kódóꞌ miꞌi deꞌe tóáꞌ anggoroꞌ, hai kómu miꞌi dáꞌána. Heáná tauna to mohintuwuꞌ oaꞌ hai Kódóꞌ, hai Kódóꞌ woꞌo mohintuwuꞌ oaꞌ hai hira, ina handaꞌ powuaꞌraꞌ. Agáiáná ane megáákikou hangko i Kódóꞌ, tiꞌarakou peisá mobábehi apa-apa.

Hangaa-ngaa mohintuwuꞌkou oaꞌ hai Kódóꞌ. Ane nibábehi noꞌonoꞌ, Kódóꞌ woꞌo ina mohintuwuꞌ hai kómu. Dáꞌá to tiꞌara mentakaꞌ i tóáꞌ anggoroꞌ, tiꞌara mowuaꞌ. Bateꞌna peá dáꞌá to mentakaꞌ i tóáꞌna to ina mowuaꞌ. Noꞌonoꞌ woꞌo kómu: tiꞌarakou peisá mowuaꞌ ane tiꞌarakou mohintuwuꞌ hai Kódóꞌ.

Ane mohintuwuꞌkou oaꞌ hai Kódóꞌ, hai laluitaNgkuꞌ nipailalu, peisá nipembiáꞌ i Pueꞌ Ala apa peundeꞌámi, hai bateꞌna ina Nabukeki.

Tiꞌara kómu to mopileꞌiAꞌ, agáiáná Kódóꞌ riꞌi to mopileꞌikou, hai Kupakanótó miꞌi bona laokou mampopolumao bágóꞌKuꞌ; hai wuaꞌ pobágóꞌmi iti tiꞌara ina matántá, agáiáná ina mobunduꞌ duuꞌna i rue-ruena. Mewaliꞌ, apa to nipembiáꞌ i UmáNgkuꞌ i lalu hangaꞌKuꞌ, bateꞌna mpuꞌu ina Naweꞌikou.

Tiꞌara ara ahiꞌ to melumbuꞌ kamahilena hangko i ahiꞌna hadua tauna to mohuhuꞌ tueꞌna bona mohómpóki rángána.

Upu-upu dáꞌáNgkuꞌ to tiꞌara mowuaꞌ, Nawehángi, hai upu-upu dáꞌáNgkuꞌ to mowuaꞌ, Nakadiri hai Nakádipurá bona tetámbái powuaꞌna.

Deꞌe miꞌe hawaꞌKuꞌ: mombepokaꞌahiꞌmokou, nodo woꞌo Kódóꞌ mampokaꞌahiꞌkou.

Ane handaꞌ powuaꞌmi, UmáNgkuꞌ rapomahile hai tongawaꞌ kómu topeguruNgkuꞌ mpuꞌukou.

Tangaꞌraꞌ molumao, Iesu mopaliliu wopiꞌi laluitaNa, Nauliꞌ, “Kódóꞌ miꞌi deꞌe tóáꞌ anggoroꞌ to toꞌu, hai UmáNgkuꞌ topokádipurá anggoroꞌ.

Heáná to tiꞌara mohintuwuꞌ hai Kódóꞌ, bateꞌraꞌ ratibe nodo karatibena dáꞌá to rawehángi duuꞌna mewaliꞌ bangi. Dáꞌána iti rarámpu haneꞌi ratibe i lalu api.

Upu-upu deꞌe Kuhángáꞌáꞌákou, bona kagóeꞌKuꞌ ara i lalumi, hai ina bukeꞌ kagóeꞌmi.

Kupeuláꞌi hawaꞌna UmáNgkuꞌ hai tueꞌAꞌ i lalu kamaꞌahiꞌNa. Noꞌonoꞌ woꞌo, ane nipeuláꞌi hawaꞌKuꞌ, ina tueꞌkou woꞌo i lalu kamaꞌahiꞌKuꞌ.

Hangkani mani Kuhángáꞌáꞌákou: hangaa-ngaa mombepokaꞌahiꞌkou!”

Ane rápáꞌna mamporángákou tauna to tiꞌara mepoinálái, bateꞌna rapokaꞌahiꞌkou, láwiꞌ rángáraꞌkou. Agáiáná Kupileꞌimokou hai Kupataniꞌmokou hangko i oloꞌraꞌ, bona tiꞌarapokou raporángá, onoꞌ miꞌi haneꞌi rakáhihiꞌkou.