آیات محبوب کتاب مقدس از Exodo 17

به اشتراک گذاشتن

Legan ya akatagey iray taklay nen Moises, manalo ray Israelita, balet no iyabeba to ra, onggapon manalo ray Amalecita. Nen naksawan la ray taklay nen Moises, angala ra di Aaron tan Hur na bato tan niyorungan to legan a nanalagey irad diking to tan binembenan dan akaatagey iray taklay to ya anggad inselek na agew.

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na KATAWAN diad arapan na saramay pangulo na Israel. Samay pasen et atawag na Masa tan Meriba, lapud nanriklamo ray Israelita tan sinubok day KATAWAN nen tinepet da, “Walad sikatayo so KATAWAN odino andi?”