آیات محبوب کتاب مقدس از ROMA 8

به اشتراک گذاشتن

Nahibaloan naton nga sa tagsa ka butang ang Dios nagapanghikot nga sa ikaayo upud sa mga nagahigugma sa iya, ang mga ginatawag sono sa iya tinutuyo.

Kay ginatalupangud ko nga bisan ang kamatayon, ukon kabuhi, ukon mga manugtunda, ukon mga punoan, ukon mga butang nga sa karon, ukon mga butang nga palaabuton, ukon mga gahum, ukon kataasan, ukon kadadalman, ukon bisan ano nga iban nga tinuga, indi sarang makapahamulag sa aton sa gugma sang Dios nga yara kay Cristo Jesus nga aton Ginoo.

Sa amo nga bagay ang Espiritu nagabulig sa aton kaluyahon; kay indi kita makahibalo magpangamuyo sing nagakaigo, apang ang Espiritu gid nagapatunga tungud sa aton nga nagapakilooy nga may mga pag-ugayong nga dimamitlang.

Niyan ano bala ang aton isiling sa sini? Kon ang Dios apin sa aton, sin-o bala ang batok sa aton?

Busa wala na karon sing katagudilian sa mga yara kay Cristo Jesus.

Kay ang paghunahuna sono sa unud kamatayon, apang ang paghunahuna sono sa Espiritu kabuhi kag paghidait.

Wala, sa tanan sining butang labi pa kita sa mga mandadaug paagi sa iya nga naghigugma sa aton.

Ginakabig ko nga ang mga pag-antus sa karon nga tion indi takus nga ikapaanggid sa himaya nga ipahayag sa aton.

Sin-o bala ang magapahamulag sa aton sa gugma ni Cristo? Ang kangitngitan bala, ukon kasakit, ukon paghingabut, ukon tiggulutum, ukon kahubo, ukon katalagman, ukon espada?

Kag ang nagausisa sang mga tagiposoon nakahibalo kon ano ang hunahuna sang Espiritu, bangud nga nagapatunga nga nagapakilooy sia tungud sa mga balaan sono sa kabubut-on sang Dios.

Kay ang tanan nga ginatuytuyan sang Espiritu sang Dios mga anak sang Dios.

Kay ang mga nagakabuhi sono sa unud nagahimulat sang mga butang sang unud, apang ang mga nagakabuhi sono sa Espiritu nagahimulat sang mga butang sang Espiritu.

Sia nga wala magpaiway sang iya kaugalingon nga Anak kondi nagtugyan sa iya tungud sa aton tanan, paano bala nga indi sia maghatag sing bunayag sa aton man sang tanan nga butang kaupud niya?

ang Espiritu gid nagasaksi upud sa aton espiritu nga mga anak kita sang Dios, kag kon mga anak, niyan mga manunubli, mga manunubli sang Dios kag mga masigkamanunubli ni Cristo, kon matuud nga nagaantus kita kaupud niya agud nga paghimayaon man kita kaupud niya.

Kay ang panghunahuna sono sa unud batok sa Dios; wala ini sia nagapasakup sa kasogoan sang Dios, indi gid sarang makapasakup

Kay ang hanoot nga pagpaabut sang tinuga nagahulat sang pagpahayag sang mga anak sang Dios

Aton nahibaloan nga ang bug-os nga tinuga nagaugayong sa kasakit sing tingub tubtub karon