آیات محبوب کتاب مقدس از Mātiú 5

به اشتراک گذاشتن

Pea tala‘ehai ‘oku tutu ha maama ‘o ‘ai ki he loto puha fua, ka ki he tu‘unga maama pē, pea ‘oku ulo atu ia ki he kakai kotoa pē ‘oku ‘i he fale. Pehē foki, ke ulo atu ho‘omou maama ke hā ki he kakai, ke nau mamata ki ho‘omou ngaahi ngāue lelei, pea fakamālō‘ia ‘a ho‘omou Tamai ‘oku ‘i Hēvani.

Ko kimoutolu ko e maama ‘o māmani: ko e kolo ‘oku tu‘u ‘i ha funga mo‘unga ‘oku ‘ikai te ne lava ke puli.

Monū‘ia ā ka ko kinautolu ‘oku ma‘a honau loto: he te nau mamata ki he ‘Otua.

Monū‘ia ā ka ko kinautolu ‘oka fie kai mo fie inu ki he mā‘oni‘oni: he ‘e fakamākona ‘a kinautolu.

ka ‘oku ou tala kiate kimoutolu ‘e au, Mou ‘ofa‘i homou ngaahi fili, pea hūfia ‘a kinautolu ‘oku nau fakatanga‘i kimoutolu.

Monū‘ia ā ka ko kinautolu ‘oku ongo‘i masiva honau laumālie; he ‘oku ‘onautolu ‘a e Pule‘anga ‘o Hēvani.

Monū‘ia ā ka ko kinautolu ‘oku fakatupu melino: he ‘e ui ‘a kinautolu ko e ngaahi foha ‘o e ‘Otua.

Monū‘ia ā ka ko kinautolu ‘oku fakamamahi: he ‘e fakafiemālie ‘a kinautolu.

Monū‘ia ā ka ko kinautolu ‘oku fakatanga‘i koe‘uhi ko e failelei: he ‘oku ‘onautolu ‘a e Pule‘anga ‘o Hēvani.

Monū‘ia ā ka ko kinautolu ‘oku manava‘ofa: he ‘e fai manava‘ofa kiate kinautolu.

Monū‘ia ā ka ko kimoutolu, ‘oka manukia kimoutolu, mo fakatanga‘i, mo lohiekina ‘i he kovi kehekehe, koe‘uhi ko au. Mou fiefia mo hākailangitau: he lahi ho‘omou totongi ‘i Hēvani; he na‘e pehē ‘enau fakatanga‘i ‘a e kau palōfita, ‘a ia na‘e holomu‘a ‘iate kimoutolu.

Monū‘ia ā ka ko kinautolu ‘oku fa‘a kātaki: he ‘e tō mo‘onautolu ‘a e fonua.

Ko kimoutolu ko e māsima ‘o e fonua: pea ka mole mei he māsima hono kona, ‘e fakamāsima ‘a e māsima ‘e he hā? ‘Oku ‘ikai kei ‘aonga ki ha me‘a, ka ke laku pē kitu‘a ke molo ai ‘a e kakai.

Ka mou haohaoa pē ‘a kimoutolu; ‘o hangē ‘oku haohaoa ‘a ho‘omou Tamai Fakalangi.

Ka ke peheni ho‘omou lea, ‘Io, ‘Io, ‘Ikai, ‘Ikai: he ka ai hano fakalahi ‘oku mei he Fili ia.

Kuo mou fanongo na‘e folofola‘aki, Ke totongi ‘aki ‘a e fo‘i mata ha fo‘i mata, mo e fo‘i nifo ha fo‘i nifo: ka ‘oku ou tala kiate kimoutolu ‘e au, ‘oua na‘a taliteke‘i ho fili; ka ‘oka sipi‘i ‘e ha taha ho kou‘ahe to‘omata‘u, hanga koe, ‘o fulihi ki ai ho to‘ohema.

Ko ia, neongo ko ho mata to‘omata‘u ‘oku fakahingaki koe, kape‘i ia ‘o li‘aki: he ‘oku lelei mu‘a kiate koe ke mole hao kupu pē ‘e taha, ‘i he lī ho sino kotoa ki Heli. Pea neongo ko ho nima to‘omata‘u ‘oku fakahingaki koe, tu‘usi ia pea li‘aki; he ‘oku lelei mu‘a kiate koe ke mole hao kupu pē ‘e taha, ‘i he a‘u ho sino kotoa ki Heli.