آیات محبوب کتاب مقدس از Nhelo 6

به اشتراک گذاشتن

Hana vinhu sita, viwele Mkulu Nguluwi kanguvizudila, ena, vinhu saba viwele ndo izudizo kwa heye. Meho ga ujuvi, umyango wa uhadi, moko galingukopola walihela nongwa, nhumbula ilingijesa mbuli zihile, magulu galingubilimila kudita wihe, mlolezi yalingulavya udesi, na munhu yalingwambuza wihe hali wenyelukolo.

Hegwe mgata! Ulute ukalilole isisina, wijese vyolilinguganigwa kikala leka uwe na luhala.

Kwangilonjela, “Uwase hado hela, usinzile hado. Uswinize moko ga hegwe wesele hado.” Mhela awo uzunwa wokuvaba kota yalinguboka, kupunguchilwa kokuwinza kota muhizi.

Msongolo wa heni, wibatilile malajizo ga mhaza wa hegwe, uleche kusemwa malanguso ga mayako. Ugawiche mnhumbula mwa hegwe mhela weng'ha, ugabatilile mmoko mwa hegwe.