آیات محبوب کتاب مقدس از Nhelo 3

به اشتراک گذاشتن

Witumbile kwa Mkulu Nguluwi kwa nhumbula ya hegwe yeng'ha, uleche kitumbila nyhala za gwegwe baho. Umkumbuchile Nguluwi kuli chila choulingudita, heye kozigolola nzila za hegwe.

Uleche kiwona gwegwe baho kota kuna luhala, umdumbe Mkulu Nguluwi na kiwika kutali na wihe.

Umhulichize Mkulu Nguluwi kwa lufufu lwa hegwe, na kwa kufunya kwa chilyo cha hegwe cheng'ha cha mwaluko. Ahyo ng'hano za hegwe zomema nyhule, na mibiga ja hegwe jomema divai inyale.

Igano lya kwimilila na kukundigwa vileche kuwa kutali na hegwe. Uvibate mmoko ga hegwe, na uvyandiche mnhumbula ya hegwe.

Mwana wa heni, uleche kubeza kuzapigwa na Mkulu Nguluwi, na uleche kuzudila kwa makanyo ga heye, kwa vila Mkulu Nguluwi kangumkanyaga yula yalingumgana, kota mhaza vyoyalingumkanya mwanage yalingumgana.

Mwana wa heni, uleche kusemwa malanguso ga heni, kwa nhumbula ya hegwe wibatilile mizilo ja heni. Kwa vila vyokupa winji wa mazuwa, na kikala lukami na mbuli za hegwe zolutilila goya.

Nakatambichizwa munhu yula yalingulufichila luhala, yalingupata kuvizela. Luhala ndo chinhu chinojile kusinda sendi, chinoga ng'hatu kusinda zahabu. Luhala ndo lunoga ng'hatu kusinda johali, kuduhu choulingugana choweza kiwhana nayo.

Louwa na ludali, uleche kulema kumha yalingugana utanzi.

Kwa luhala Mkulu Nguluwi nakawika msisi wa isi, kwa nyhala nakawimiza nzinzili ulanga.