Die volgende erediens op Chintsa Oos sal plaasvind op 20 November 2016 om 11:00. Almal wat wil is ook welkom om na die tyd saam te eet. Die uitnodiging bly oop vir almal. Laat weet asb vir tannie Loryn Retief by 073 392 3944.

Tyd: 6:30 op Saterdae Plek: Gees en Lewe (koffie na die tyd by Lavender Blue). Alle manne is welkom. Bring ook gerus vriende saam as jul wil.

Vanoggend sal ons weer finansiële vergadering hê. Ons praat graag saam oor die gawes wat die Here vir ons gegee het om die gemeente se bediening moontlik te maak. Die agenda en notule is op hierdie bladjie agter gedruk.

Ons vra dat jy hierdie week asseblief vir oom Alex Kirsten in jou gebede sal hou. Hy was in die hospitaal in die week vir ’n operasie en is besig om te herstel. Ons wens hom spoedige beterskap toe.

Ons wil ook vra dat jul aan oom Freek sal dink wat nog steeds baie siek is. Kom ons dra hom in ons gebede en liefde deur die moeilike tyd, asook vir tannie Annetjie en sy familie.

Ons dink ook steeds aan oom Hans wat sukkel met sy gesondheid en ons gebede is dat hy spoedig sal herstel.

Die pragtige seuntjie, Aaron Callon Burton, is op 11 November 2016 gebore. Ons wil vir Maritza en Ryan baie geluk wens. Ook vir trotse ouma en oupa Linda en Leon van Huyssteen. Tannie Anna Schenk het ook in die proses oumagrootjie geword. Ons is saam met jul bly en bid vir hierdie klein geskenkie van God.

Die pragtige seuntjie, Aaron Callon Burton, is op 11 November 2016 gebore. Ons wil vir Maritza en Ryan baie geluk wens. Ook vir trotse ouma en oupa Linda en Leon van Huyssteen. Tannie Anna Schenk het ook in die proses oumagrootjie geword. Ons is saam met jul bly en bid vir hierdie klein geskenkie van God.

Ons vra dat jy hierdie week asseblief vir oom Alex Kirsten in jou gebede sal hou. Hy was in die hospitaal in die week vir ’n operasie en is besig om te herstel. Ons wens hom spoedige beterskap toe.

Ons wil ook vra dat jul aan oom Freek sal dink wat nog steeds baie siek is. Kom ons dra hom in ons gebede en liefde deur die moeilike tyd, asook vir tannie Annetjie en sy familie.

Ons dink ook steeds aan oom Hans wat sukkel met sy gesondheid en ons gebede is dat hy spoedig sal herstel.

Kry 'n R5-kaart vandag nog en laat jul vriende en familie help om die kaarte vol te maak. Onthou dat daar 'n R250 geskenkkaart op die spel is vir die persoon wat die meeste ingesamel het.

Kinderkerk het weer hervat.

Elkeen van die kinders onder 12 jaar is welkom om dit by te woon. Dit loop gelyk met die erediens op Sondae-oggende.

Dis amper weer tyd vir ons Kerssangdiens. Vanjaar vind dit plaas op 4 Desember 2016 om 18:30.

Ons wil ook graag presente onder die kruis in die kerk plaas. Vanjaar wil ons jul aanmoedig om klere en doeke vir babas vir Breath of Life te skenk. Hierdie sentrum sorg vir babas van mamma's wat slagoffers is van gesinsgeweld. Ons wil ook graag skoolgoed, ensovoorts vir die Oos Londen Kinder- en Jeugsorgsentrum insamel. Bring asseblief jul geskenkies saam na die diens en moedig jul vriende en familie aan om ook hierdie pragtige geleentheid saam met ons te kom bywoon. Die erediens sal soos dit gebruik is weer tweetalig aangebied word. Ons wil mense van soveel as moontlike denominasies ook as gaste ontvang.