Hosea 2
2
Gott es truhoatja aus daut Volkj
1Daut Volkj Israel saul soo väl woaren, aus doa Saunt aum Mäa es. Dee woaren nich to talen ooda to mäten sennen. Un dan, en de Städ daut see to junt sajen woaren, daut jie nich mien Volkj sent, woaren see to junt sajen: “De Kjinja von däm Gott, dee doa läft.” #1Mo 22,17; Reema 9,26 2Un de Menschen von Juda un Israel woaren toopkomen, un woaren eenen Leida äwa sikj saten un see woaren een grootet Launt woaren. De Jesreel Dach woat een groota Dach sennen. #Jes 11,11-13; Jer 3,18; Hes 37,22 3Sajcht june Breeda, daut see mien Volkj sent, un to june Sestren, daut ekj an goot sie. #Hos 1,6.9
4Prachat june Mutta, see es je nich miene Fru, un ekj sie je nich äa Maun, daut see opphieet aundre Mana aun sikj to rieten, met woo see äa Jesecht un äare Kjleeda drajcht. #Hes 16,1-63; 23,1-49 5Aundasch kunn ekj ar aule Kjleeda vom Liew rieten, un ar soo loten aus see dän Dach wia, aus see jebuaren wia. Ekj kunn ar aus eene Wiltnis un drieeje Jäajent veloten, daut see fa darscht stoawen must. 6Un ekj woa mie nich äwa äare Kjinja bemieejen, wiels daut sent Kjinja von eene dee ontru jewast es. 7Äare Mutta haft romjeschwient, un dee waut an jedroacht haft, haft sikj veläft. See säd: Ekj woa met dee gonen, dee mie beklukren, dee waut mie Broot un Wota jäwen, dee waut mie Woll, Flaus un Eelj, un to drinkjen jäwen. #Jer 44,17 8Un nu horch. Wiels see dit jedonen haft, woa ekj ar äaren Wajch met Distlen toosaten. Ekj woa eene Waunt oppstalen, daut see nich äaren Wajch finjt. 9Dan, wan see nich dee finjt, waut ar beklukren, un dee nich noholen kaun, wan see dee sieekjt, dan woat see sikj sajen: Ekj woa wada no mienen Maun gonen, däm ekj ea haud. Dan jinkj mie daut bäta, aus daut nu deit. 10Oba see well daut nich toojäwen, daut ekj dee sie, wäa ar Mäl un Wien un Eelj jeef, un uk väl Selwa un Golt, waut jebrukt es worden toom Baal ieren. #5Mo 7,12-13
11Un doawäajen woa ekj nu mien Mäl un mienen Wien trigjhoolen, wua dee jejäft wort, un woa ar äare Woll un äa Flaus wajchrieten, dee doatoo wia, daut see äare kole Hut bedakjen kunn. 12Nu woa ekj äa Vegonen openboa moaken ver dee, dee ar bekluckaden, un kjeena woat ar ut miene Macht raden. #Jer 13,22 13Ekj woa een Enj moaken met aul äa scheengonen opp de Fasta, dee see jieda Joa fieeden, un dee see bie jieda Niemon un jieda Sabat fieeden. Doa woat kjeen Fast mea jehoolen woaren. 14Ekj woa äare Wienranken un äare Fiejenbeem wilt waussen loten, dee see docht, daut et äare Beloonunk wia, von dee waut ar bekluckaden. Ekj woa dee soo aus een Woolt vewaussen loten un de wille Tieren woaren doabennen fräten. 15Soo woa ekj ar bestrofen fa de Doag, wua see de Baal met Ruakopfa deend, un sikj met Rinj un Haulskjäden straum muak. Aul dit deed see fa dee, dee ar bekluckaden, oba mie vegaut see, sajcht de Har.
16Doawäajen woa ekj ar nu velocken, daut see met mie enne Wiltnis nenkjemt, un doa woa ekj leeftolich to ar räden. #Jes 40,2 17Un ekj woa ar doa wada äare Wiengoades jäwen, un woa ar en daut Achor Tol loten Hopninj foten. Doa woat see wellich no mie horchen un no mie komen, soo aus en äare Jugentjoaren, aus see ut Ägipten rut trock. #Jos 7,24-26 18Un dan, sajcht de Har, dan woascht du to mie sajen, “Mien Maun”, un nich mea, “Mien Baal”. #Jes 54,5 19Ekj woa daut soo rombrinjen, daut see de Nomes von de Baal nich mea brucken woat. See woat nich mea aun dee denkjen.
20Wan dee Tiet kjemt, woa ekj fa junt een Bunt moaken met de Tieren, dee oppe Ieed sent, met dee waut en de Ieed wonen, un met de Väajel, waut enne Loft flieejen. Un ekj woa dän Boagen, daut Schwieet un daut Kjrichsjereetschoft em Launt tosied saten, un jie woaren junt nich enjsten, wan jie junt dolajen. #1Mo 9,9-10; Hes 34,25
21Ekj woa daut soo moaken, daut du mie opp emma hanjejäft best.
Ekj woa mie hanjäwen,
daut ekj nom rajchten see un jerajcht sie,
un daut wie truhoatich, leeftolich
un goot opp eenaunda bedocht sent. #Opb 19,7
22Du woascht opp emma mie hanjejäft sennen,
un ekj woa die tru bliewen.
Dan woascht du mie aus dienen Harn aunseenen. #Jer 31,34
23Wan dee Tiet kjemt, woa ekj doa waut met doonen,
wan jie roopen, sajcht de Har.
Ekj woa doa waut met doonen,
wan de Wolkjenhimmel schricht,
un de Wolkjenhimmel woat doa waut met doonen,
wan de Ieed schricht.
24De Ieed woat doa waut met doonen,
wan daut Jeträajd un Wien un Eelj schrieen,
un daut Jeträajd un Wien un Eelj woaren doa waut met doonen,
wan Jesreel schricht.
25Un ekj woa am en dän Aka plaunten,
un woa Lo Ruhama goot sennen,
dee nich goot jenuach wia;
Ekj woa to Lo Ami sajen,
dee nich mien Volkj wia:
“Du best mien Volkj.”
Un hee woat to mie sajen:
“Du best mien Gott.” #Hos 1,6.9; Reema 9,25; 1Pet 2,10
Praegu valitud:
Hosea 2: PB
Tõsta esile
Kopeeri
Võrdle
Jaga
Kas soovid, et sinu esiletõstmised oleksid salvestatud kõigis sinu seadmetes? Registreeru või logi sisse
Plautdietsch Bible © 2003 Kindred Productions and United Bible Societies Association, Inc.
Hosea 2
2
Gott es truhoatja aus daut Volkj
1Daut Volkj Israel saul soo väl woaren, aus doa Saunt aum Mäa es. Dee woaren nich to talen ooda to mäten sennen. Un dan, en de Städ daut see to junt sajen woaren, daut jie nich mien Volkj sent, woaren see to junt sajen: “De Kjinja von däm Gott, dee doa läft.” #1Mo 22,17; Reema 9,26 2Un de Menschen von Juda un Israel woaren toopkomen, un woaren eenen Leida äwa sikj saten un see woaren een grootet Launt woaren. De Jesreel Dach woat een groota Dach sennen. #Jes 11,11-13; Jer 3,18; Hes 37,22 3Sajcht june Breeda, daut see mien Volkj sent, un to june Sestren, daut ekj an goot sie. #Hos 1,6.9
4Prachat june Mutta, see es je nich miene Fru, un ekj sie je nich äa Maun, daut see opphieet aundre Mana aun sikj to rieten, met woo see äa Jesecht un äare Kjleeda drajcht. #Hes 16,1-63; 23,1-49 5Aundasch kunn ekj ar aule Kjleeda vom Liew rieten, un ar soo loten aus see dän Dach wia, aus see jebuaren wia. Ekj kunn ar aus eene Wiltnis un drieeje Jäajent veloten, daut see fa darscht stoawen must. 6Un ekj woa mie nich äwa äare Kjinja bemieejen, wiels daut sent Kjinja von eene dee ontru jewast es. 7Äare Mutta haft romjeschwient, un dee waut an jedroacht haft, haft sikj veläft. See säd: Ekj woa met dee gonen, dee mie beklukren, dee waut mie Broot un Wota jäwen, dee waut mie Woll, Flaus un Eelj, un to drinkjen jäwen. #Jer 44,17 8Un nu horch. Wiels see dit jedonen haft, woa ekj ar äaren Wajch met Distlen toosaten. Ekj woa eene Waunt oppstalen, daut see nich äaren Wajch finjt. 9Dan, wan see nich dee finjt, waut ar beklukren, un dee nich noholen kaun, wan see dee sieekjt, dan woat see sikj sajen: Ekj woa wada no mienen Maun gonen, däm ekj ea haud. Dan jinkj mie daut bäta, aus daut nu deit. 10Oba see well daut nich toojäwen, daut ekj dee sie, wäa ar Mäl un Wien un Eelj jeef, un uk väl Selwa un Golt, waut jebrukt es worden toom Baal ieren. #5Mo 7,12-13
11Un doawäajen woa ekj nu mien Mäl un mienen Wien trigjhoolen, wua dee jejäft wort, un woa ar äare Woll un äa Flaus wajchrieten, dee doatoo wia, daut see äare kole Hut bedakjen kunn. 12Nu woa ekj äa Vegonen openboa moaken ver dee, dee ar bekluckaden, un kjeena woat ar ut miene Macht raden. #Jer 13,22 13Ekj woa een Enj moaken met aul äa scheengonen opp de Fasta, dee see jieda Joa fieeden, un dee see bie jieda Niemon un jieda Sabat fieeden. Doa woat kjeen Fast mea jehoolen woaren. 14Ekj woa äare Wienranken un äare Fiejenbeem wilt waussen loten, dee see docht, daut et äare Beloonunk wia, von dee waut ar bekluckaden. Ekj woa dee soo aus een Woolt vewaussen loten un de wille Tieren woaren doabennen fräten. 15Soo woa ekj ar bestrofen fa de Doag, wua see de Baal met Ruakopfa deend, un sikj met Rinj un Haulskjäden straum muak. Aul dit deed see fa dee, dee ar bekluckaden, oba mie vegaut see, sajcht de Har.
16Doawäajen woa ekj ar nu velocken, daut see met mie enne Wiltnis nenkjemt, un doa woa ekj leeftolich to ar räden. #Jes 40,2 17Un ekj woa ar doa wada äare Wiengoades jäwen, un woa ar en daut Achor Tol loten Hopninj foten. Doa woat see wellich no mie horchen un no mie komen, soo aus en äare Jugentjoaren, aus see ut Ägipten rut trock. #Jos 7,24-26 18Un dan, sajcht de Har, dan woascht du to mie sajen, “Mien Maun”, un nich mea, “Mien Baal”. #Jes 54,5 19Ekj woa daut soo rombrinjen, daut see de Nomes von de Baal nich mea brucken woat. See woat nich mea aun dee denkjen.
20Wan dee Tiet kjemt, woa ekj fa junt een Bunt moaken met de Tieren, dee oppe Ieed sent, met dee waut en de Ieed wonen, un met de Väajel, waut enne Loft flieejen. Un ekj woa dän Boagen, daut Schwieet un daut Kjrichsjereetschoft em Launt tosied saten, un jie woaren junt nich enjsten, wan jie junt dolajen. #1Mo 9,9-10; Hes 34,25
21Ekj woa daut soo moaken, daut du mie opp emma hanjejäft best.
Ekj woa mie hanjäwen,
daut ekj nom rajchten see un jerajcht sie,
un daut wie truhoatich, leeftolich
un goot opp eenaunda bedocht sent. #Opb 19,7
22Du woascht opp emma mie hanjejäft sennen,
un ekj woa die tru bliewen.
Dan woascht du mie aus dienen Harn aunseenen. #Jer 31,34
23Wan dee Tiet kjemt, woa ekj doa waut met doonen,
wan jie roopen, sajcht de Har.
Ekj woa doa waut met doonen,
wan de Wolkjenhimmel schricht,
un de Wolkjenhimmel woat doa waut met doonen,
wan de Ieed schricht.
24De Ieed woat doa waut met doonen,
wan daut Jeträajd un Wien un Eelj schrieen,
un daut Jeträajd un Wien un Eelj woaren doa waut met doonen,
wan Jesreel schricht.
25Un ekj woa am en dän Aka plaunten,
un woa Lo Ruhama goot sennen,
dee nich goot jenuach wia;
Ekj woa to Lo Ami sajen,
dee nich mien Volkj wia:
“Du best mien Volkj.”
Un hee woat to mie sajen:
“Du best mien Gott.” #Hos 1,6.9; Reema 9,25; 1Pet 2,10
Praegu valitud:
:
Tõsta esile
Kopeeri
Võrdle
Jaga
Kas soovid, et sinu esiletõstmised oleksid salvestatud kõigis sinu seadmetes? Registreeru või logi sisse
Plautdietsch Bible © 2003 Kindred Productions and United Bible Societies Association, Inc.