Heb 10
10
1A ley yic Moisés, 'icha to yen̈ln̈ej jun tzo'n̈ tas wach' tza'nto xjawi. Man̈toc caw yel a jun tzo'n̈ cha. Yujto a ley cha, matz tac' a tz'a'n b'o snab'en eb' tznib'j tzc'och 'a Dios yuj jun tzo'n̈ xajmb'al chi tz'ajx 'a junjn ab'il. 2Q'uinloc tzwach' b'o snab'en eb' yuj jun ley cha. Toto 'ixta', 'ochnc wan ya'n eb' jun tzo'n̈ xajmb'al cha. Q'uinloc yel tzsacb'tzax eb' yuj smul, yic ya'n eb' xajmb'al cha. Toto 'ixta', man̈xtoc sna cot eb', chajtlto 'ay smul eb'. 3Ocxo jun, yuj wal jun tzo'n̈ xajmb'al cha, tznan cot eb' smul 'a junjn ab'il. 4Yujto a schic'l no mam wacax, yet' schic'l no quelm chiwo, matz tac' yi'n 'el jac qui mulec.
5Yuj cha, a yic swulc' Cristo 'a yolyib'n̈q'uinl tic, yaln 'ixtc 'a Dios:
Matz a nib'j jun tzo'n̈ no xajmb'al tz'ajx 'ayach. Palta a jun in niwnal xac' 'ayin.
6Matz ach tzalj yet' jun tzo'n̈ noc' tzn̈usxi. Matz ach tzalj pax yuj jun tzo'n̈ xajmb'al tzyac' eb' yuj smul.
7Yuj cha, waln 'ixtc 'ayach: Waj 'a tic ach in Diosal, in jaw wul in b'o tas tza nib'ej, 'icha yaj stz'ib'x can wab'xil 'a Ch'an̈ U'un̈, xchi Cristo.
8A 'a b'ab'el, 'ixtc xyutj yalni, chajtlto matz nib'j Dios jun tzo'n̈ xajmb'al, jun tzo'n̈ noc' tz'ajx 'a 'a, yet' jun tzo'n̈ noc' tzn̈us eb' yuj smul. Wach'xam tzyal 'a ley, to tz'ajx jun tzo'n̈ chi 'a Dios, palta matz tzalj yet'oc. 9Xlajw cha, xyaln pax Cristo 'ixtic: Waj 'a tic ach in Diosal, in jaw wul in b'o tas tza nib'ej, xchi. Tzyal 'el'chi, to xwul yac' lajwc yopiso jun tzo'n̈ xajmb'al cha. Ax junx xajmb'al tzyac' sjeloc. 10Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.
11Jantcn̈ej eb' ya'mal 'och sti eb' quit chon̈b'ec 'a Dios, 'ayc'n̈ej eb' 'a junjn c'u, yic tzmunlj eb' 'a yopiso. Til wal 'ejm tzyac' eb' jun tzo'n̈ xajmb'al cha. Palta a jun tzo'n̈ cha, matz tac' yi'n 'el jac qui mulec. 12A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios. 13Ata tztan̈wej, masnto 'oj can eb' 'ajc'ojl 'a yaln̈ yuj Dios. 14Yuj wal jun xajmb'al ya'jnac cha, on̈ tz'acwec 'a jun 'ejmn̈ej, yujto c'uxn x'ijx 'el qui mul 'ayn̈ec yu'uj. 15Ax Yespíritu Dios, tzyac' testigoal sb'a 'ayn̈ec yuj jun tzo'n̈ tic. Yujto tzyal 'ixtc 'a Ch'an̈ Un̈ 'a b'ab'el:
16A 'a yic 'oj lajwc jun tiempoal cha, 'ayt junx in trato 'oj wac' 'a eb'. 'Ixtc 'oj wutoc: 'Oj wa'ch jun tzo'n̈ in checnb'il 'a spixn eb'. 'Icha to 'oj in tz'ib'c can 'a snab'en eb', xchi Cajlil.
17Xlajw yaln jun cha, 'ix yaln pax 'ixtic:
Man̈x 'a b'a'n̈ 'oj in na cot smul eb', yet' smaysch'olnilal eb', xchi.
18Yuj cha, a yic tz'ajx can lajwc qui mulec, man̈x yowlalc tzca'c no xajmb'al yuj qui mulc cha.
Tzqui nitzc 'och qui b'a 'a stz'ey Dios
19Yuj cha, ex wu'tac, ex wanab', matz on̈ xiwc coch 'a yojl jun Lugar to cojn Dios 'ay yico', yujto yuj schic'l Jesucristo tztac' cochec. 20Tztac' tzon̈ 'atc 'a jun 'ac' b'e yic q'uinl sjac 'ayn̈ec, atn jun b'e tzc'axw 'ec' 'a jun nip. Palta a jun b'e cha, tzyal 'el'chi, atn sniwnal Cristo. 21An̈ yunnaln̈ec xo Dios, 'ay jun tz'a'n 'och qui tic 'a 'a. 22Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax. 23Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec. 24Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec. 25Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.
26A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec. 27Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios. 28Toto 'ay mach matz yiclni ley yic Moisés, toto 'ay chawn̈oc, mto 'oxwn̈oc testigo tz'ilni, to 'ixta', tz'ajx can 'och 'a yol sc'ab' chamel. May mach tztac' yo'ch sc'ojl 'a 'a. 29Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec. 30Cojquec, 'ixtc yaj yaln Cajlilec: An ton tic 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi. Yaljnac can pax 'ixtic: An Yajl in tic, 'oj in b'eyc'ojloc eb' in chon̈ab', xchi Dios. 31Caw wal 'ay smay qui b'eyc'ojlaxec yuj Dios pitzan.
32Palta nac cot tas 'ajnc ex 'a yic yalan̈, yic e b'ab'l chan sacq'uinl 'a e pixan. Caw te'n eyutjnac e b'a, yic eyab'n syail, eya'n eyip. 33Yujto 'ayx b'uchxnac ex. 'Ayx x'ajx 'och eyailal 'a sat eb' 'anma'. 'Ayx pax caw ya 'ochnc 'a e pixn yuj eb' eyiljnac yab'n syal cha. Caw eyab'jnac syal yet' eb'. 34Caw 'o'nc 'och e c'ojl 'a eb' xlaj 'och 'a preso. Ax yic yijx 'ec' jun tzo'n̈ tas 'ayex, eya'jnac techjoc. Caw tzaljnacxn̈ej, yujto eyojtac, 'ay junx eyic 'a satcha'an̈, caw wal yel xo wach'. A jun cha, 'ayc'n̈ej 'a jun 'ejmn̈ej. 35Yuj cha, caw man̈ eyactc can e te'nal cha. Yu'uj, ax e chan wal jun spac caw niwan. 36Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'. 37Yujto 'ixtc tzyal 'a Ch'an̈ U'un̈:
Jab'xoj wali, ax sjaw jun mach to yowlal 'oj jawoc, ma'oj 'ec' tiempo sjawi.
38Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.
39Palta an̈ec tic, man̈oc on̈ec tzon̈ meltzj pax 'a qui patic, 'icha jun tzo'n̈ xo eb' tzmeltzji, ax satcn 'el eb' 'a jun 'ejmn̈ej. Yujto an̈ec tic, tzca'c 'och 'a qui c'ojol. Yuj cha, caw colchjnacn̈ec xo.
Currently Selected:
Heb 10: CSS
Tõsta esile
Jaga
Compare
Kopeeri
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Heb 10
10
1A ley yic Moisés, 'icha to yen̈ln̈ej jun tzo'n̈ tas wach' tza'nto xjawi. Man̈toc caw yel a jun tzo'n̈ cha. Yujto a ley cha, matz tac' a tz'a'n b'o snab'en eb' tznib'j tzc'och 'a Dios yuj jun tzo'n̈ xajmb'al chi tz'ajx 'a junjn ab'il. 2Q'uinloc tzwach' b'o snab'en eb' yuj jun ley cha. Toto 'ixta', 'ochnc wan ya'n eb' jun tzo'n̈ xajmb'al cha. Q'uinloc yel tzsacb'tzax eb' yuj smul, yic ya'n eb' xajmb'al cha. Toto 'ixta', man̈xtoc sna cot eb', chajtlto 'ay smul eb'. 3Ocxo jun, yuj wal jun tzo'n̈ xajmb'al cha, tznan cot eb' smul 'a junjn ab'il. 4Yujto a schic'l no mam wacax, yet' schic'l no quelm chiwo, matz tac' yi'n 'el jac qui mulec.
5Yuj cha, a yic swulc' Cristo 'a yolyib'n̈q'uinl tic, yaln 'ixtc 'a Dios:
Matz a nib'j jun tzo'n̈ no xajmb'al tz'ajx 'ayach. Palta a jun in niwnal xac' 'ayin.
6Matz ach tzalj yet' jun tzo'n̈ noc' tzn̈usxi. Matz ach tzalj pax yuj jun tzo'n̈ xajmb'al tzyac' eb' yuj smul.
7Yuj cha, waln 'ixtc 'ayach: Waj 'a tic ach in Diosal, in jaw wul in b'o tas tza nib'ej, 'icha yaj stz'ib'x can wab'xil 'a Ch'an̈ U'un̈, xchi Cristo.
8A 'a b'ab'el, 'ixtc xyutj yalni, chajtlto matz nib'j Dios jun tzo'n̈ xajmb'al, jun tzo'n̈ noc' tz'ajx 'a 'a, yet' jun tzo'n̈ noc' tzn̈us eb' yuj smul. Wach'xam tzyal 'a ley, to tz'ajx jun tzo'n̈ chi 'a Dios, palta matz tzalj yet'oc. 9Xlajw cha, xyaln pax Cristo 'ixtic: Waj 'a tic ach in Diosal, in jaw wul in b'o tas tza nib'ej, xchi. Tzyal 'el'chi, to xwul yac' lajwc yopiso jun tzo'n̈ xajmb'al cha. Ax junx xajmb'al tzyac' sjeloc. 10Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.
11Jantcn̈ej eb' ya'mal 'och sti eb' quit chon̈b'ec 'a Dios, 'ayc'n̈ej eb' 'a junjn c'u, yic tzmunlj eb' 'a yopiso. Til wal 'ejm tzyac' eb' jun tzo'n̈ xajmb'al cha. Palta a jun tzo'n̈ cha, matz tac' yi'n 'el jac qui mulec. 12A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios. 13Ata tztan̈wej, masnto 'oj can eb' 'ajc'ojl 'a yaln̈ yuj Dios. 14Yuj wal jun xajmb'al ya'jnac cha, on̈ tz'acwec 'a jun 'ejmn̈ej, yujto c'uxn x'ijx 'el qui mul 'ayn̈ec yu'uj. 15Ax Yespíritu Dios, tzyac' testigoal sb'a 'ayn̈ec yuj jun tzo'n̈ tic. Yujto tzyal 'ixtc 'a Ch'an̈ Un̈ 'a b'ab'el:
16A 'a yic 'oj lajwc jun tiempoal cha, 'ayt junx in trato 'oj wac' 'a eb'. 'Ixtc 'oj wutoc: 'Oj wa'ch jun tzo'n̈ in checnb'il 'a spixn eb'. 'Icha to 'oj in tz'ib'c can 'a snab'en eb', xchi Cajlil.
17Xlajw yaln jun cha, 'ix yaln pax 'ixtic:
Man̈x 'a b'a'n̈ 'oj in na cot smul eb', yet' smaysch'olnilal eb', xchi.
18Yuj cha, a yic tz'ajx can lajwc qui mulec, man̈x yowlalc tzca'c no xajmb'al yuj qui mulc cha.
Tzqui nitzc 'och qui b'a 'a stz'ey Dios
19Yuj cha, ex wu'tac, ex wanab', matz on̈ xiwc coch 'a yojl jun Lugar to cojn Dios 'ay yico', yujto yuj schic'l Jesucristo tztac' cochec. 20Tztac' tzon̈ 'atc 'a jun 'ac' b'e yic q'uinl sjac 'ayn̈ec, atn jun b'e tzc'axw 'ec' 'a jun nip. Palta a jun b'e cha, tzyal 'el'chi, atn sniwnal Cristo. 21An̈ yunnaln̈ec xo Dios, 'ay jun tz'a'n 'och qui tic 'a 'a. 22Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax. 23Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec. 24Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec. 25Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.
26A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec. 27Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios. 28Toto 'ay mach matz yiclni ley yic Moisés, toto 'ay chawn̈oc, mto 'oxwn̈oc testigo tz'ilni, to 'ixta', tz'ajx can 'och 'a yol sc'ab' chamel. May mach tztac' yo'ch sc'ojl 'a 'a. 29Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec. 30Cojquec, 'ixtc yaj yaln Cajlilec: An ton tic 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi. Yaljnac can pax 'ixtic: An Yajl in tic, 'oj in b'eyc'ojloc eb' in chon̈ab', xchi Dios. 31Caw wal 'ay smay qui b'eyc'ojlaxec yuj Dios pitzan.
32Palta nac cot tas 'ajnc ex 'a yic yalan̈, yic e b'ab'l chan sacq'uinl 'a e pixan. Caw te'n eyutjnac e b'a, yic eyab'n syail, eya'n eyip. 33Yujto 'ayx b'uchxnac ex. 'Ayx x'ajx 'och eyailal 'a sat eb' 'anma'. 'Ayx pax caw ya 'ochnc 'a e pixn yuj eb' eyiljnac yab'n syal cha. Caw eyab'jnac syal yet' eb'. 34Caw 'o'nc 'och e c'ojl 'a eb' xlaj 'och 'a preso. Ax yic yijx 'ec' jun tzo'n̈ tas 'ayex, eya'jnac techjoc. Caw tzaljnacxn̈ej, yujto eyojtac, 'ay junx eyic 'a satcha'an̈, caw wal yel xo wach'. A jun cha, 'ayc'n̈ej 'a jun 'ejmn̈ej. 35Yuj cha, caw man̈ eyactc can e te'nal cha. Yu'uj, ax e chan wal jun spac caw niwan. 36Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'. 37Yujto 'ixtc tzyal 'a Ch'an̈ U'un̈:
Jab'xoj wali, ax sjaw jun mach to yowlal 'oj jawoc, ma'oj 'ec' tiempo sjawi.
38Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.
39Palta an̈ec tic, man̈oc on̈ec tzon̈ meltzj pax 'a qui patic, 'icha jun tzo'n̈ xo eb' tzmeltzji, ax satcn 'el eb' 'a jun 'ejmn̈ej. Yujto an̈ec tic, tzca'c 'och 'a qui c'ojol. Yuj cha, caw colchjnacn̈ec xo.
Currently Selected:
:
Tõsta esile
Jaga
Compare
Kopeeri
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.