Heb 1
1
Sc'anlb'ejnac Dios Yunnal
1A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'. 2Ax 'a jun slajb' tiempoal tic, atn wal Yunnal sc'anlb'ej yic yaln 'ayn̈ec. A yet' Yunnal tic sb'ojnac yolyib'n̈q'uinal, yet' smasnil tas 'ay 'a 'a. Ax 'a Yunnal tic, ata ya'jnac smasnil tas yico'oc. 3A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.
Yel xo wal niwn yel'ch Yunnal Dios*r* 'a yib'n̈ eb' ángel
4A Yunnal Dios, yel xo wal niwn yel'ch 'ajnc 'a yib'n̈ eb' ángel. Yujto a jun sb'i 'ac'b'il yuj Smam 'a 'a, yel xo caw niwn yel'ch 'a yib'n̈ yic eb' ángel cha. 5Man̈oc 'a junc ángel yaljnac Dios 'ixtic:
Ach tic, Wunnal ach. A 'a jun c'u tic, 'ix wac' checljoc 'eli, to Wunnal ach, xchi.
A yic yaln Dios junx tic, man̈ yujoc junc ángel yalni, palta yuj Yunnal. Yaln 'ixtic:
An 'oj woch mamb'il-l 'a 'a, ax 'oj 'och 'unnab'ilal 'ayin, xchi.
6A yic ya'n cot Dios jun c'otn̈ Yunnal 'a yolyib'n̈q'uinl tic, yaln yuj 'ixtic:
Ya' cab' 'ejm sb'a smasnil eb' wángel 'a 'a, xchi.
7Yuj cha, yaln pax Dios yab'xil eb' ángel cha, tas tz'aj eb' yuj Yunnal. Yaln yuj eb' 'ixtic:
A eb' yángel, tzlaj ya'ch eb' 'ic'al, ax eb' tz'a'w servil 'a 'a, tzlaj ya'ch pax eb' snich c'aq'uil, xchi.
8Palta 'ixtc tzyal junx yab'xil Yunnal Dios tic:
Ach Dios, Reych 'a smasnil tiempo. Yajl ach, tojln̈ej tzotj a b'eyc'ojlwi.
9Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.
10Tzyaln pax 'ixtic:
Ach Cajlil, a 'a yic tax x'el yich, ach a b'ojnac lum lum tic. Ach a b'ojnac pax satcha'an̈.
11Smasnil jun tzo'n̈ a b'ojnac tic, 'oj lajwc 'eq'ui, palta ach xo, 'aych 'ec'n̈ej 'a smasnil tiempo. Smasnil jun tzo'n̈ tic, 'oj 'ichmaxc eb' 'icha pichul.
12'Oj a chulb'ec'n 'icha junc nip. 'Oj a jelmtoc 'icha tzyac' junc 'anma tzjel-l yichm pichul. Palta ach xo, ajn̈j aj 'a smasnil tiempo. Ax a q'uinal, may b'a'n̈ 'oj lajwc 'eq'ui, xchi 'a Ch'an̈ U'un̈.
13May junc ángel 'aj yaljnac pax Dios junx tic, 'icha 'ix yutj yaln 'a Yunnal. Yic yaln 'ixtic:
'Emn̈ wocn 'a in wach' c'ab', masnto 'oj can eb' tzchichn 'och 'aych 'a yaln̈ wu'uj, xchi.
14Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.
Currently Selected:
Heb 1: CSS
Tõsta esile
Jaga
Compare
Kopeeri
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.