Tit 2
2
Pilunú pí pɛɛnd
1Aŋú kɔk Tite, ónyónyí epú púnyɛ́ indɛ́ndɛnɛ. 2Pilunú pí pɛɛnd tipuwan papáan itɛ́m iwoókón, papa pɛɛnd pakáánɛ́ ɔnyɔlɔ, piwonon na kitak kí kuátap, ni iŋɔyɔ, ne kuésepenyi. 3Puandá púmoómí na pakáandɔ́ pɛɛsɛ́kúmɛ́n, pɔ́sɔ́tɔn ɛlɛɛ́ pɛɛnd pɔyɔnɛ Támbákɛ́ɛ: Pɔ́tiɔŋón kí imbásia, pɛ́tiɛlɛ́ piɔ́lí pí makɛp. Péekenyi pinɔ́k pí insúŋɛ, 4póónyonyi piɔmfɔ́ pi kaandú ɛ́ɛ́ píɔyɔ pɔnɛm pɔ́ɔpú na paán pɔ́ɔpú, 5pápáan piyeéwe, indɛ́ndɛ́nɛ, pɔ kɔ́lɔn kisikɛl na tuyá túɔ́pɔ́, pápáan peseé, pɔ́ɔ́pínɔn pɔnɛm pɔ́ɔpú, ɛ́ɛ́ pétinyúkúsíti nukal nú Támbák.
Piɔmfɔ́ pí paápayú
6Ekenyí andíkɛ́k piɔmfú pí paápayú ilúndɛ ɛ́ɛ́ pɔkɔlɔnɔ pɔ ɔ nyɔlɔ 7á puandá kitikit. Aŋú muɛ́tí tíínyí pulinsí ɔ́ pinɔ́k pí meelíe: iŋónyítonyí yawɔ pá tɛ kipalalɛ́ ne etényí wáwɔ. 8Tukál túáwɔ pá kémuémue, tɛ túpekenyipekenyi, ɛ́ɛ́ okóyikoyi tiɛ́n kilɔk kí kuɔyɛt káásɔ́ ó pusíó, wɔ́ɔpɔ etɔ́ kunúá.
Piɔ́lí
9Piɔ́lí ɔ́pinɔn pɔ ɔkɔ́n pɔ́ɔpɔ́ á puandá kitikit; pɛlɛ epú punyɛ peseé kɔ́ɔ́p ké eŋis pɛpisɛmbɛ kupekenyipekenyi nɔɔpɔ́, 10póondɔ pétiép tɛ puandá. Pasuŋuna na nulátát; akáánɛ́ pekeényeki nukal nú Támbákɛ́ɛ osóti waasɔ nuúmu á puandá kitikit.
Nikúli níɔ́pinɔnɛ́ wɔ́
11Á kiákí Támbák etini ɔtɛ́m peseé wɛ́ɛ́yɛ́ wolin mɔɔnd kitikit nɔ kusɔ́t. 12Wótúónyónyi ɛ́ɛ́ tuyapan iŋilí sí kilɔk nɔ pilɔ́ɔ́ŋɛ́t pí kúúsí, ɛ́ɛ́ túsɔ́tɔn á kisikɛl ekie ni iŋuɛ́l, kí indɛ́ndɛ́nɛ na nulátat na Támbák, 13tupétenyi pipíondínyí ɔtɛ́m nɔ puɔ́s pú nukanyi pú kiandákáand kí Támbák Osóti waasɔ́ unyɛ Yésus Kilíis. 14Umeépíekí káásɔ ó pusío, ɛ́ɛ́ ú túáŋɔn ɔ́ kilɔk kitikit wóond usukɔn nikúli níópinɔnɛ́ wɔ́, nípá niwónón ni imbekí ɔ́ pinɔ́k pí melíe akisikili kitikit. 15Yáana apianɛ́ ɛ́ɛ́ ákala, ekenyí ilúndɛ óond epí pɛ́lɛnɛ́ kilɔk akálan pɔ́ na pukaaka. Tɛ mɔɔnd utikuyɛnɛt.
Praegu valitud:
Tit 2: yav
Tõsta esile
Kopeeri
Võrdle
Jaga
Kas soovid, et sinu esiletõstmised oleksid salvestatud kõigis sinu seadmetes? Registreeru või logi sisse
© 2026, CABTAL