रोमि 6

पापो कोअता मोअलोओ, परमेश्वरो कोअता जीवलोओ

1ते आमू की कोनार? काय आमू पाप कोअता रोनारा का अनुग्रह जाआखो होय? 2कदाचित नाहा आमाहा जांहा पापो कोअता मोअये ओते तेहलाम आगाडी तीयाम केहलो जीवोन घालवणार? 3नाहाकोत आमाहा नाहा मालुम का आमाहा आखे जिये ख्रिस्त येशुउ बाप्तिस्मे लेदो तेहलाम तियाआ मोरतला आमाहा बाप्तिस्मे लेदो. 4ताहा फासाडी आपु तियाअ मोईला बाप्तिस्मे स्वीकारीत आमाहा तियाआ आरी गाडाया काहाके एहलो ख्रिस्त बाह्हाआ गौरवाच्या त्यापोरत मोल्यामरोत जिवंत कोल्यु तेहलूज आमाहा पण नवो जिवलाहारखे सालीलो. 5काहाके आमू जर तियाआ मोईला प्रतीरुपोओ तीयाआरी मिलून गोये होये खरोज तियाआ जिवंत कोअं प्रतीरुपोओ पण जोडीत जानारू. 6आमाहा मालुम होय का आमाआ जुनो मांहु तियाआ आरी ख्रिस्तापो सोडवियू गोल्यो, काहाके पापाआ डील व्यर्थ ओतगोयु जानारू अने आमाहा आगाडी कोता पापाआ दासत्व कोहू कायना. 7काहाके जो मोईत गोल्यो तो पापांनी मुक्त ओतगोयु धर्मी ठरवील्यु. 8याकोता जर आमाहा ख्रिस्ताच्या आरी माईत गोये ताहा आमाआ विश्वास ओ होय का तियाआ आरी जीविलो हाये पण. 9काहाके ऐ होमजीतेहे का ख्रिस्त मोल्यामरोत जिवंत ओतगोयु फासी मोअनारू नाहा यापोरोत फासी मरण फासी आवीत नाहा. 10काहाके तो जो मरण पाव्यू तो पापो कोअता एकुजवा मरण पाव्यू, परंतु जो जिवंत होय तो देवोकोते जिवंत होय. 11ऐहलेच तुमु पोन आपाआ स्वतःहा पापो कोअता ताहा मरा, परंतु देवोकोते ख्रिस्त येशुमेहे जिवंत सोमजा. 12याकोता पाप तुमाआ डीलोम आधीन न उवे का तुमु तियाआ लोभा आधीन रोहू कायना, 13अने न आपाआ डीलोआ अधर्म साधन फेनिकडे पाप होपा करापण स्वतःहा मोल्यामरोत जिवंत ओवल्यु होमजीत देवोहो होपा को अने आपाआ अवयव नीतीची साधन फेनिकडे देवोहो होपा. 14तेहलाम तुमापो पापोओ प्रभुता नाहा आविलो काहाके तुमु नियमाआ आधीन नाहा ताहा कृपेच्या आधीन होय.

पापो दासोसी, परमेश्वरोओ दास

15ताहा की ओवयो? के आमाहा याकोअता पाप कोईओलो का आमाहा नियमाआ आधीन नाहा ताहा कृपेच्या आधीन होय? कदाचित नाहा 16नाहाकोत तुमामे नाहा मालुम का ज्याआ आज्ञा मानिलोकाजे तुमु स्वतःहा दासो होस होपा कोईत आपत्ले तीयाआज गुलाम होय जर पापो कोअता ज्याआ मरण धोर्मी होय? 17पण देवोओ धन्यवाद होय का तुमु जे पापाआ दास ओये ओमे मोनाम रोत तियाअ हिकाडीलो कोअता आवीत गोये ज्याहा आपाआ कोलामेहे आप्लु, 18अने पापो सोडवीत धर्माआ दास ओतगोयु. 19अने तुमाआ डीलो दुर्बल त्यावाईहि मनुष्य व्यवहारा प्रमाणोओ आय गोगत्लू जेहलो तुमु आपाआ अवयवहो अधर्म कोइला कोअता अमंगल पण अने अधर्म एहलो दास एहलो होप्यु ओतु तेहलूज ओमे आपाआ अवयवहो पवित्रतेसाठी नितीमत्वाला होप को. 20जांहा तुमु पापाआ दास ओते ताहा नितीमत्व संबंधाने अलग ओतु. 21आखिर ज्या गोठीई ओमे तुमामे लाज लागल्यो ओती याकोअता तियाअ वेले नाहाकोत तुमामे फोल मिलीअलो ओते? काहाके तियाआ आखिर ताहा मरण होय. 22पोन पापुमे मुक्ती मिलवीत अने देवोओ दास बोणीत तुमामे फोल जोडयेहे ज्याआपोरोत पवित्रता जोडयो ओते, अने तियाआ आखिर सार्वकालिक जीवोन होय. 23काहाके पापाआ वेतन मरण होय परंतु देवोओ वरदान आपाआ प्रभू येशु ख्रिस्तामध्ये सार्वकालिक जीवोन होय.

Currently Selected:

रोमि 6: NOINT

Tõsta esile

Kopeeri

Compare