1 कुरिन्थि 16
16
यरूशलेमोओ कलीसिया कोअता दान
1ओमे त्या दानाआ विषयामेहे जो पवित्र माहाआ कोअता कोल्यु जातलू होय जेहली आज्ञा आय गलतियाआ मंडली आव्यी ओती तेहलो तुमु बी कोआ. 2हर एक हाप्ताम आपाआ कमाईमे रोत किबी न किबी आपाआ कोओ कोअता पण एखटो कोईत रो याकोअता का जांहा आय आविलो तहलाज मेहे दान एखटो कोअला वेल आविलो नाहा. 3माआ तियाअ जागापो पुगित कोईत ज्या कोडाआ तुमु कोइलो आय तियाहा माहो पत्र आपित तुमाआ दान यरुशलेम माय घेऊन जाअला मोकलित आपी. 4अने माआ जाअलो योग्य रोल्या तेबी पण ते माआआरी जाय.
यात्राआ कार्यक्रम
5आय जांहा मकिदुनिया त्यापोरोत जानारू तेहलाम तुमाआ जागे पण आविलो काहाके मकिदुनिया त्यापोरोत जायलो आय निच्छित कोल्यु होय. 6एहलो ओवुहू सेकोहो का आय तुमाआ आरी किबी दीही रोहू शकतो किंवा हियालू तुमापोओ रोहू याकोअता का त्याजमेहे माहु जायलो होय तुमु माहु खोबोर आपुहू शकहू. 7आय एहलो कोयु नाहा का तेहरोत जाआत्लू फक्त तुमामे मिलून लेऊ परंतु माहु आशा होय का जेबी प्रभूऊ इच्छा होय ताहा आय तुमाआ जागे किबी दीही रोही पण. 8आय पन्नास व्या तेदीही च्या तीवर पर्यंत इफिस मायज रोहू, 9काहाके योग्य काम कोइला कोअता शक्यता त्याजागे वोडो द्वार उगडे होय अने फासाडी त्याजागे माआ विरोध कोनारो पण जास्तीज होय. 10जर तीमुथियुस आवयू ताहा ध्यानाम मेका का तियाहा तुमाआ आरी मेहनत न उवे काहाके माझ्या सारखा तो पण प्रभूऊ काम कोईत होय. 11त्याकोता कोडोबी तियाहा हानू मानु कायना तियाहा तियाआ प्रवास कोईलो शांतीई खोबोर आपा याकोअता का तियाहा यीवोल पुगाडी देजा आय दिहरा पाहीआरी तियाआ आविलाआ वाट जुविही. 12ओमे आमाआ पाही अप्पुलोसचे ओ कोअलो होय का आय तियाहा दिहरा पाहीआरी तुमापोओ जाहु जाखा प्रोत्साहन कोल्यु होय परंतु परमेश्वरोओ ए इच्छा नाहा का तो ओमे तुमापोओ आवे तो संधी साधून तुमापोओ आवे.
आखरी आदेश
13सावधान रो, दृढवाही आपाआ विश्वासामेहे अटल बोणीत रो. 14साहसी बन्यो, ताकतवालू बन्यो, तुमु जे किबी कोअहा प्रेमोवाही कोआ. 15तुमु स्तिफुनुसच्या कोओहो ओलखीत का ते अखयाचे पेल्लू फोल होय तीयाहा परमेश्वरोओ पवित्र माट्याहां सेवा विशिलो होय तेबी पाहीही तुमामे निवेदन कोअत्लू का. 16तुमु पण स्वतः ला एहलो माहुहु अने हर एक तियाअ व्यक्तीई आधीन होपित दयाजे याआ कामोम जोडल्यो होये आने प्रभून याकोअता काम कोईत होय. 17स्तेफन, फर्तुनात, अने आखियक च्या हजर आय संतोष होय काहाके माकोअता तुमु जे किबी कोहू सेकेले नाहा ते तिये कोईत देखाडीलाआ. 18तिये माआ तेहलूज तुमाआ आत्माहा कोल्यु होय याकोअता एहलो माहुहु सन्मान को.
निष्कर्ष
19आशिया भागुम मंडळ्याम रोत तुमाहा प्रभूमे नमस्कार अक्वीला अने प्रिस्काला तियाआ कोअमे एकठे आवनाराआ मंडली त्यापोरोत तुमामे सलाम 20आखा पायहोहो नमस्कार पवित्र चुंबनाने तुमु एक दिहराआ स्वागत को. 21आय पौलुस तुमामे आपाआ आथोवाही सलाम लेखोहो 22जर कोडु प्रभू माय प्रेम कोईत नाहा ताहा तियाहा शापभ्रष्ट जोळे, ओ आमाआ प्रभू आव 23प्रभू येशुउ अनुग्रह तुमापो ओवतो रोय. 24येशु ख्रिस्तामध्ये माआ प्रेम तुमा आखा आरी ओवे.
Currently Selected:
1 कुरिन्थि 16: NOINT
Tõsta esile
Kopeeri
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.