MATEU 18
18
1Ha ola yize yene tumbaji ejile kuli Yesu, nikwamba ngwo, Iya kevwe munene Wahiana eswe mu wanangana wa malilu? 2Watambikile kuli iye mwana mukepe, wamusele mukachi ko. 3Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe. 4Mweswawo malilelesa ngwe yono mwana mukepe, mwenawo mapwa munene wahiana eswe mu wanangana wa malilu.
5Mweswawo matambula mwana mukepe umuwika ngwe yono mu jina liami mangutambula yami. 6Alioze mweswawo matalingisa umwe wa kuli wano akepe a kufuliela yami, Shinaho akamujichike liwe linene lia kutwa nalio ha kota yenyi, akamushimbamise mu jinga lia kalunga-lwiji.
7Lamba kuli akwa hashi mumu ha yitalingiso! Mumu chatamba yitalingiso yikeze, hindu lamba kuli yoze mutu maneha chitalingiso. 8Nyi kachi kwoko lie hanji kulu lie mulikutalingisa, liteteko, ulimbile: Shinaho hali yena unjile mu mwono chilema hanji kahundu, kuhiana kukumbila mu kahia ka mutolo ni moko je aali ni meso aali. 9Nyi kachi liso lie mulikutalingisa, litombongonemo, ulimbile: Shinaho hali yena unjile mu mwono kafwa-liso, kuhiana kukumbila mu kahia ka mutolo ni meso aali.
10Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu. 11Mumu mwe Mwana Mutu haneza mukulamwina yoze watokele. 12Kuchi nunashinginyeka? Kachi umwe mutu mapwa ni kulakaji lia mapanga, mba umwe mapianguka, keshi kuhichika makumi livwa ni livwa, akaye ha milundu, akafupe yoze unapianguka, nyi? 13Nyi kachi mamuwana, pundu ngunambe kuli yenu ngwami, Mawahilila hali yoze kuhiana chize mawahilila hali makumi livwa ni livwa waze kapiangukileko. 14Chizechene hi upale wa Tatenu ko yoze uli mu malilu, umwe wa wano akepe akatoke.
15Kachi ndumbwe makuvulumuna, yako ukamukumike hakachi kenu ukawenu; kachi makwivwa, hiunazuku ndumbwe. 16Alioze kachi keshi kukwivwa, twala hamwe ni yena umwe hanji aali akwo, hanga mu kanwa lia yela aali hanji atatu maliji eswe akakole. 17Kachi maapangula, chambulule ku chikungulwila: nyi kachi mapangula chikungulwila nawa, akapwe kuli yena ngwe mukwa-mavungu ni mukwa kufwetesa lijimu. 18Pundu ngunambe kuli yenu ngwami, Cheswacho munukasa hano hashi kumuchikakashiwa mwilu, ni cheswacho munukasulula hano hashi kumuchikakasuluka mwilu. 19Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu. 20Mumu kuze aali hanji atatu anakunguluka mu jina liami, kuze kwene yami kunguli mukachi ko.
21Hohene Petulu wejile kuli iye, ngwenyi, Mwene, yisuho yingahi ndumbwami manguvulumuna, ni yami mungumukonekena; ndo yisuho shimbiali, nyi? 22Yesu yamba kuli iye ngwenyi, Chishi kwamba kuli yena ngwami, Ndo yisuho shimbiali; alioze ngwami, Ndo makumi shimbiali a yisuho ha yisuho shimbiali.
23Kashika hanapwisa wanangana wa malilu ngwe umwe mwanangana yoze mazanga kulinga #18.23 Te kufutula mbongo jo.konta ni ndungo jenyi. 24Muze aputukile kwalula, anehene kuli iye, umwe mukwa kongo lia kumi lia tununu twa mbongo. 25Alioze mumu te kapwile nacho nichimwe cha kufweta, mwene wenyi wambile akamulanjise ni mukwo-pwo, ni ana jenyi, ni yuma yize yeswe apwile nayo, akalifwete. 26Yoze ndungo kashika wafulamanyine, wamuwayilile ngwenyi, Mwene, lihumikize kama ni yami, kumungukakufweta lieswe. 27Mba mwene wa ndungo yoze, se wamuvwilile keke, wamutuswile, wamukonekenene kongo lienyi. 28Alioze yoze ndungo ha kutuhuka, wawanyine umwe ndungo-ni-mukwo, yoze wapwile ni kongo kuli iye lia kulakaji lia mbongo: wamukwachile, wamwokele ku muliwu, ngwenyi, Ngufwete kongo liami. 29Ndungo-ni-mukwo kashika wafulamanyine, waliumbile kuli iye ngwenyi, Lihumikize kama ni yami, kumungukufweta lieswe. 30Hindu katayileko: alioze wayile, wamumbilile mu zuwo lia ususu, ndo mafweta kongo. 31Muze kashika ndungo-ni-akwo amwene chize alingile, evwile kupiha chinji, no ayile akalumbunwine mwene wo chize cheswe alingile. 32Hohene mwene wenyi wamutambikile kuli iye, yamba kuli iye ngwenyi, Yena ndungo uli chingulungulu, ngunakakukonekena kongo lize lieswe, mumu unakaliumba kuli yami. 33Kuchatambile yena nawa kachi wevwanga keke hali ndungo-ni-mukwenu ngwe yami nawa ngunakakuvwila keke, nyi? 34Mwene wenyi watenukine, wamukunjikile kuli akwa kupinjisa, ndo mafweta kongo lieswe. 35Chocho nawa Tata wa mwilu makalinga kuli yenu kachi kunushi kumukonekena mweswe ndumbwenyi ku mbunge yenyi.
Currently Selected:
MATEU 18: Csa
Tõsta esile
Kopeeri
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MATEU 18
18
1Ha ola yize yene tumbaji ejile kuli Yesu, nikwamba ngwo, Iya kevwe munene Wahiana eswe mu wanangana wa malilu? 2Watambikile kuli iye mwana mukepe, wamusele mukachi ko. 3Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe. 4Mweswawo malilelesa ngwe yono mwana mukepe, mwenawo mapwa munene wahiana eswe mu wanangana wa malilu.
5Mweswawo matambula mwana mukepe umuwika ngwe yono mu jina liami mangutambula yami. 6Alioze mweswawo matalingisa umwe wa kuli wano akepe a kufuliela yami, Shinaho akamujichike liwe linene lia kutwa nalio ha kota yenyi, akamushimbamise mu jinga lia kalunga-lwiji.
7Lamba kuli akwa hashi mumu ha yitalingiso! Mumu chatamba yitalingiso yikeze, hindu lamba kuli yoze mutu maneha chitalingiso. 8Nyi kachi kwoko lie hanji kulu lie mulikutalingisa, liteteko, ulimbile: Shinaho hali yena unjile mu mwono chilema hanji kahundu, kuhiana kukumbila mu kahia ka mutolo ni moko je aali ni meso aali. 9Nyi kachi liso lie mulikutalingisa, litombongonemo, ulimbile: Shinaho hali yena unjile mu mwono kafwa-liso, kuhiana kukumbila mu kahia ka mutolo ni meso aali.
10Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu. 11Mumu mwe Mwana Mutu haneza mukulamwina yoze watokele. 12Kuchi nunashinginyeka? Kachi umwe mutu mapwa ni kulakaji lia mapanga, mba umwe mapianguka, keshi kuhichika makumi livwa ni livwa, akaye ha milundu, akafupe yoze unapianguka, nyi? 13Nyi kachi mamuwana, pundu ngunambe kuli yenu ngwami, Mawahilila hali yoze kuhiana chize mawahilila hali makumi livwa ni livwa waze kapiangukileko. 14Chizechene hi upale wa Tatenu ko yoze uli mu malilu, umwe wa wano akepe akatoke.
15Kachi ndumbwe makuvulumuna, yako ukamukumike hakachi kenu ukawenu; kachi makwivwa, hiunazuku ndumbwe. 16Alioze kachi keshi kukwivwa, twala hamwe ni yena umwe hanji aali akwo, hanga mu kanwa lia yela aali hanji atatu maliji eswe akakole. 17Kachi maapangula, chambulule ku chikungulwila: nyi kachi mapangula chikungulwila nawa, akapwe kuli yena ngwe mukwa-mavungu ni mukwa kufwetesa lijimu. 18Pundu ngunambe kuli yenu ngwami, Cheswacho munukasa hano hashi kumuchikakashiwa mwilu, ni cheswacho munukasulula hano hashi kumuchikakasuluka mwilu. 19Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu. 20Mumu kuze aali hanji atatu anakunguluka mu jina liami, kuze kwene yami kunguli mukachi ko.
21Hohene Petulu wejile kuli iye, ngwenyi, Mwene, yisuho yingahi ndumbwami manguvulumuna, ni yami mungumukonekena; ndo yisuho shimbiali, nyi? 22Yesu yamba kuli iye ngwenyi, Chishi kwamba kuli yena ngwami, Ndo yisuho shimbiali; alioze ngwami, Ndo makumi shimbiali a yisuho ha yisuho shimbiali.
23Kashika hanapwisa wanangana wa malilu ngwe umwe mwanangana yoze mazanga kulinga #18.23 Te kufutula mbongo jo.konta ni ndungo jenyi. 24Muze aputukile kwalula, anehene kuli iye, umwe mukwa kongo lia kumi lia tununu twa mbongo. 25Alioze mumu te kapwile nacho nichimwe cha kufweta, mwene wenyi wambile akamulanjise ni mukwo-pwo, ni ana jenyi, ni yuma yize yeswe apwile nayo, akalifwete. 26Yoze ndungo kashika wafulamanyine, wamuwayilile ngwenyi, Mwene, lihumikize kama ni yami, kumungukakufweta lieswe. 27Mba mwene wa ndungo yoze, se wamuvwilile keke, wamutuswile, wamukonekenene kongo lienyi. 28Alioze yoze ndungo ha kutuhuka, wawanyine umwe ndungo-ni-mukwo, yoze wapwile ni kongo kuli iye lia kulakaji lia mbongo: wamukwachile, wamwokele ku muliwu, ngwenyi, Ngufwete kongo liami. 29Ndungo-ni-mukwo kashika wafulamanyine, waliumbile kuli iye ngwenyi, Lihumikize kama ni yami, kumungukufweta lieswe. 30Hindu katayileko: alioze wayile, wamumbilile mu zuwo lia ususu, ndo mafweta kongo. 31Muze kashika ndungo-ni-akwo amwene chize alingile, evwile kupiha chinji, no ayile akalumbunwine mwene wo chize cheswe alingile. 32Hohene mwene wenyi wamutambikile kuli iye, yamba kuli iye ngwenyi, Yena ndungo uli chingulungulu, ngunakakukonekena kongo lize lieswe, mumu unakaliumba kuli yami. 33Kuchatambile yena nawa kachi wevwanga keke hali ndungo-ni-mukwenu ngwe yami nawa ngunakakuvwila keke, nyi? 34Mwene wenyi watenukine, wamukunjikile kuli akwa kupinjisa, ndo mafweta kongo lieswe. 35Chocho nawa Tata wa mwilu makalinga kuli yenu kachi kunushi kumukonekena mweswe ndumbwenyi ku mbunge yenyi.
Currently Selected:
:
Tõsta esile
Kopeeri
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.