رُواْمَاوَا غَبَاتَرْوَ
غَبَاتَرْوَ
مَنْذُواْ بُلُسْ نٜىٰ يَرُبُوتَ وَنَّنْ وَسِيڧَ ذُوَاغَ مَاسُبِے عَبِرْنِنْ رُواْمَ أَ شٜىٰكَرَا تَ 57 بَايَنْ حَيْڢُوَرْ عِيسَىٰ، كُواْ كُوَ كُسَدَ حَكَ؞ مَيْ يِوُوَ يَيِ رُبُوتُنْ عَبِرْنِنْ كُواْرِنْتِ أَ لُواْكَثِنْ تَڢِيَرْسَ تَ عُكُ تَيِنْ شٜىٰلَرْ لَابَرِ مَيْ دَاطِے؞
بُلُسْ يَرُبُوتَ وَسِيڧَرْ نَنْ دُواْمِنْ يَغَبَتَرْ دَكَنْسَ غَ جَمَعَرْ مَاسُبِے أَ رُواْمَ كَاڢِنْ يَذُواْ، تُنْدَيَكٜىٰ بَيْتَٻَ ظِيَرْتَرْ جَمَعَرْ مَاسُبِے وَطَنْدَ سُكٜىٰ عَثَنْبَ؞
ذَاعَ سَامِ ڨُويَرْ مَغَنَ تَوَسِيڧَرْ نَنْ أَ رُواْمَاوَا 1.16-17؞ وَسِيڧَرْ تَثٜىٰ «لَابَرِ مَيْ دَاطِے بَ أَبِنْ كُنْيَا بَنٜىٰ أَغَرٜىٰنِ، غَمَا شِينٜىٰ إِيكُوانْ اللَّهْ وَنْدَ يَكٜىٰكَيْ كُواْوَنٜىٰ مُتُمْ وَنْدَ يَغَسْكَتَ غَ سَامُنْ ثٜىٰتُواْ...غَمَا تَوُرِنْسَ نٜىٰ أَنَ بَيَّنَ أَدَلْثِنَّنْ وَنْدَ دَغَ وُرِنْ اللَّهْ يَكٜىٰ، كُمَ أَنَ سَامُنْ أَدَلْثِنَّنْ تَوُرِنْ بَنْغَسْكِيَ دَغَ ڢَرْكُواْ حَرْ ذُوَا ڧَرْشٜىٰ؞» عَثِكِنْ وَنَّنْ وَسِيڧَ نٜىٰ أَنْبَيَّنَا دَلَّ دَلَّ دُكْ أَبِنْدَ عَكَ سَنِ غَمٜىٰدَ كُواْيَرْوَرْ لَابَرِ مَيْ دَاطِے؞
وَسِيڧَرْ تَنُونَ ثٜىٰوَ دُكَنْ مُتَنٜىٰنْ دُونِيَا سُنَ ڧَرْڧَشِنْ إِيكُوانْ ذُنُوبِ، كُمَ دُكَ سُنَ بُڧَاتَرْ سَامُنْ ذَمَ مَرَسَ لَيْڢِے أَغَبَنْ اللَّهْ ﴿1.8—3.20﴾؞ سَعَنً كُمَ تَتَبَّتَرْ ثٜىٰوَ تَوُرِنْ بَنْغَسْكِيَ غَ عِيسَىٰ أَلْمَسِيحُ نٜىٰ، مُتُمْ ذَيْ عِيَ سَامُنْ ذَمَ مَرَرْ لَيْڢِے أَغَبَنْ اللَّهْ، بَتَوُرِنْ أَيُّكَنْ دَ مُتُمْ يَيِ دَكَنْسَبَ ﴿3.21—4.25﴾؞ وَسِيڧَرْ كُمَ تَبَيَّنَ إِرِنْ حَلِنْ رَايُوَا وَنْدَ يَذَمَ دُواْلٜىٰنٜىٰ غَ كُواْوَنٜىٰ مَيْبِے؞ تَا كُمَ بَيَّنَ يَدَّ رَايُوَا بِسَغَ إِيكُوانْ رُوحُ مَيْ ڟَرْكِے تَكَنْسَا عَيِنَصَرَا عَكَنْ حَلِنْ مُتُنْتَكَ ﴿5.1—8.39﴾؞ وَسِيڧَرْ كُمَ تَثِيغَبَدَ نُونَ يَدَّ شِرِنْ دَ اللَّهْ يَيِ دُواْمِنْ ثٜىٰتُوانْ مُتَنٜىٰ يَشَاڢِ كُواْوَ دَ كُواْوَ، وَتُواْ يَهُودَاوَا دَ وَطَنْدَ بَا يَهُودَاوَا بَ ﴿9.1—11.36﴾؞ دَغَ بَايَ أَنْيِ غَرْغَطِے عَكَنْ يَدَّ رَايُوَرْ مَيْبِے تَشَاڢِ دَنْغَنْتَكَ أَڟَكَانِنْ یَنْعُوَ دَ كُمَ أَڟَكَانِنْ مَاسُبِے دَ شُوغَبَنِّنْ ڠُومْنَتِ ﴿12.1—15.13﴾؞
أَبُبُوَنْ دَ سُكٜىٰ ثِكِ
غَبَاتَرْوَ 1.1-17
دُكْ یَنْ أَدَمْ مَاسُ ذُنُوبِنٜىٰ 1.18—3.20
حَنْيَرْ سَامُنْ ثٜىٰتُواْ 3.21—4.25
سَابُوانْ رَيْ ثِكِنْ أَلْمَسِيحُ5.1—8.39
شِرِنْ اللَّهْ دُواْمِنْ إِسْرَٰٓءِيلَ 9.1—11.36
يَدَّ يَا كَمَاتَ مَيْبِے يَيِ رَايُوَرْسَ 12.1—15.13
مَغَنَرْ ڧَرْشٜىٰ دَ غَيْسُوَا 15.14—16.27
وَسِيڧَ تَ بُلُسْ ذُوَاغَ رُواْمَاوَا
Currently Selected:
رُواْمَاوَا غَبَاتَرْوَ: hauAS
Tõsta esile
Kopeeri
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020