رُواْمَاوَا 3
3
1تُواْ، إِنَا أَمْڢَانِ نَثٜىٰوَ كَيْ بَيَهُودٜىٰ نٜىٰ؟ إِنَا رِيبَرْ كَاثِيَ؟ 2أَݣَويْ كَمْ، تَكُواْوَثٜىٰ حَنْيَ! دَڢَرْكُواْ، سُو يَهُودَاوَا نٜىٰ اللَّهْ دَ كَنْسَ يَبَاسُ أَمَانَرْ كَلْمَرْ نَنْ دَتَكٜىٰ تَ اللَّهْ؞ 3عَمَّا عِدَنْ وَطَنْسُنْسُ سُنْ نُونَ رَشِنْ بَنْغَسْكِيَ ڢَا؟ رَشِنْ أَمِنْثِنْسُ ذَيْسَا أَمِنْثِنْ اللَّهْ يَذَمَ بَنْظَ كٜىٰنَنْ؟ 4إِنَا! كُواْ كَطَنْ! اللَّهْ مَيْ غَسْكِيَانٜىٰ، كُواْدَيَكٜىٰ كُواْوَنٜىٰ مُتُمْ مَيْ ڧَضْيَانٜىٰ؞ كَمَرْ يَدَّ يَكٜىٰ أَرُبُوثٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ
«دُواْمِنْ عَتَبَّتَا مَغَنَرْكَ غَسْكِيَثٜىٰ،
كَكُمَشَا كَنْ كُواْوَ عِدَنْ أَنَيِنْ بِنْثِكٜىٰ عَكَنْكَ؞» #زَبُو 51.4
5تُواْ، عِدَنْ رَشِنْ أَدَلْثِنْمُ يَذَمَ حَنْيَرْ بَيَّنَ أَدَلْثِنْ اللَّهْ ڢَا، مٜىٰ ذَامُثٜىٰ كٜىٰنَنْ؟ ذَامُثٜىٰ اللَّهْ مَرَرْ أَدَلْثِنٜىٰ إِنْ يَحُكُنْتَمُ؟ إِنَ دَيْ يِنْ مَغَنَ يَدَّ طَنْ أَدَمْ ذَيْ يِنٜىٰ؞ 6إِنَا! كُواْ كَطَنْ! إِنْ حَكَنٜىٰ، تَيَيَا اللَّهْ ذَيْ يِشَرِيعَرْ دُونِيَا؟
7عِدَنْ رَشِنْ غَسْكِيَتَ يَسَا غَسْكِيَرْ اللَّهْ تَڢِتَ أَڢِيلِ سُواْسَيْ، يَكُمَ ذَمَ أَبِنْ ڧَارَ طَوْكَكَرْ اللَّهْ، تُواْ، دُوانْمٜىٰ حَرْ يَنْذُ ذَاعَ حُكُنْتَنِ عَكَنْ ثٜىٰوَ نِے مَيْ ذُنُوبِنٜىٰ؟ 8إِنْ حَكَنٜىٰ، بَسَيْ مُثِيغَبَدَ يِنْ مُغُنْتَا دُواْمِنْ يَذَمَ حَنْيَرْ سَامُنْ نَغَرْتَابَ؟ وَطَنْسُ مُتَنٜىٰ كُوَ مَاسُ مَغَنَرْ ٻَاتَ سُونَنْمُ سُنَ ثٜىٰوَ وَيْ حَكَ مُكٜىٰڢَطَا؞ ذَاعَ حُكُنْتَ وَطَنَّنْ كَمَرْ يَدَّ يَيِ دَيْدَيْ عَيِمُسُ؞
بَابُ مَيْ أَدَلْثِے كُواْ طَيَ
9تُواْ، يَيَ كٜىٰنَنْ؟ كُواْ مُو يَهُودَاوَا مُنْڢِے سَوْرَنْ مُتَنٜىٰنٜىٰ؟ إِنَا! كُواْ كَطَنْ! مُنْ رِغَا مُنْ نُونَ ثٜىٰوَ دَ يَهُودَاوَا دَ وَطَنْدَ بَا يَهُودَاوَا بَ دُكَ سُنَدَ لَيْڢِے، كُمَ دُكَ سُنَ ڧَرْڧَشِنْ إِيكُوانْ ذُنُوبِ؞ 10كَمَرْ يَدَّ يَكٜىٰ أَرُبُوثٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ
«بَابُوَنِ مَيْ أَدَلْثِے،
بَابُ، كُواْ طَيَ؞
11بَابُوَنِ مَيْ غَانٜىٰوَ،
كُواْ وَنِ مَيْ نٜىٰمَنْ اللَّهْ؞
12دُكْ سُنْ جُويَا وَ اللَّهْ بَايَ،
سُنْ ذَمَ مَرَسَ أَمْڢَانِ غَبَاطَيَ؞
بَابُوَنِ مَيْ عَيْكَتَ نَغَرْتَا،
بَابُ، كُواْ طَيَ؞ #زَبُو 14.1-3؛ 53.1-3
13مَڧُواْڠُورُوانْسُ
كَمَرْ بُوطَطّٜىٰنْ كَبَرِ نٜىٰ،
هَرْسُنَنْسُ
سُنْ ذَمَ كَايَنْ رُوطُ؞
مَغَنْغَنُنْسُ
كَمَرْ دَڢِنْ مُوغُنْ مَثِيجِ؞#زَبُو 5.9؛ 140.3
14بَاكِنْسُ
ثِكٜىٰ سُكٜىٰ دَ بَڧَرْ مَغَنَ دَ ذَاغٜىٰ ذَاغٜىٰ؞#زَبُو 10.7
15سُكَنْيِ سَوْرِنْ ظُبْدَ جِنِ،
16دُكْ عِنْدَ سُكَبِے، سَيْ هَلَّكَ دَ بَڧِنْ ثِكِ؞
17بَسُ كُوَ سَنْ حَنْيَرْ سَلَمَبَ؞#عِشـ 59.7-8
18بَابُ كُواْ ڟُواْرُوانْ اللَّهْ أَعِدَنُونْسُ؞» #زَبُو 36.1
19مُنْ دَيْ سَنِ ثٜىٰوَ دُكْ أَبِنْدَ كُواْيَرْوَرْ مُوسَٰى تَكٜىٰ ڢَطَا، تَنَ ڢَطَا وَ وَطَنْدَ سُكٜىٰ ڧَرْڧَشِنْتَ نٜىٰ؞ وَنَّنْ يَكَسَنْثٜىٰ حَكَ دُوانْ أَحَنَ دُكْ مَاسُ نٜىٰمَنْ حُجَّ، عَكُمَ نُونَ ثٜىٰوَ دُكَنْ دُونِيَا عَڧَرْڧَشِنْ حُكُنْثِنْ اللَّهْ تَكٜىٰ؞ 20غَمَا بَاوَنْدَ ذَيْسَامِ ذَمَ مَرَرْ لَيْڢِے أَغَبَنْ اللَّهْ تَهَنْيَرْ كِيَايٜىٰ أَبِنْدَ كُواْيَرْوَرْ تَثٜىٰ عَيِ؞ أَبِنْدَ كُواْيَرْوَرْ تَكٜىٰيِ شِينٜىٰ تَنُونَوَ مُتُمْ ذُنُوبِنْسَ؞#زَبُو 143.2؛ غَلْ 2.16
أَدَلْثِے تَوُرِنْ بَنْغَسْكِيَ
21عَمَّا يَنْذُ كَمْ أَنْبَيَّنَا وَتَ حَنْيَرْ سَامُنْ أَدَلْثِنْ اللَّهْ دَبَمْ؞ وَنَّنْ أَدَلْثِے كُوَ بَتَوُرِنْ كُواْيَرْوَرْ مُوسَٰى عَكٜىٰ سَامُنْسَبَ، كُواْدَيَكٜىٰ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا سُنْ بَادَ شَيْدَ غَمٜىٰدَشِ؞ 22أَدَلْثِنَّنْ وَنْدَ دَغَ وُرِنْ اللَّهْ يَكٜىٰ، أَنَ سَامُنْسَنٜىٰ تَوُرِنْ بَنْغَسْكِيَ ثِكِنْ عِيسَىٰ أَلْمَسِيحُ، اللَّهْ يَبَادَ أَدَلْثِنَّنْ غَ دُكَنْ مَاسُ بَادَ غَسْكِيَ؞ بَا كُوَ وَنِ بَمْبَنْثِ، #غَلْ 2.16 23غَمَا كُواْوَ يَيِ ذُنُوبِ، كُمَ كُواْوَ يَكَاسَكَيْ غَ دَرَجَرْ اللَّهْ؞ 24عَمَّا بِسَغَ أَلْحٜىٰرِنْ دَ اللَّهْ يَيِ وَكُواْوَ عَݣَوْتَا، كُواْوَ يَسَامِ ذَمَ مَرَرْ لَيْڢِے أَغَبَنْ اللَّهْ تَوُرِنْ ڢَنْسَرْ دَ أَلْمَسِيحُ عِيسَىٰ يَيِ؞ 25اللَّهْ يَمِيڧَ عِيسَىٰ يَذَمَ هَدَايَ تَطَوْكَرْ أَلْحَكِنْ ذُنُبَنْمُ، دُواْمِنْ تَوُرِنْ جِنِنْ هَدَايَرْسَ ذَاعَ غَاڢَرْتَا وَمُتَنٜىٰ ذُنُبَنْسُ تَوُرِنْ بَنْغَسْكِيَرْسُ؞ اللَّهْ يَيِ وَنَّنْ دُواْمِنْ يَنُونَ أَدَلْثِنْسَ، دُوانْ عَثِكِنْ حَڧُرِنْسَ يَڨَلٜىٰ ذُنُبَنْدَ عَكَيِ أَدَا؞ 26تَهَكَ اللَّهْ يَنُونَ أَدَلْثِنْسَ أَوَنَّنْ لُواْكَثِ، سَبُواْدَ شِے دَ كَنْسَ مَيْ أَدَلْثِے نٜىٰ، كُمَ يَنَ سَا دُكْ مَيْ بَادَ غَسْكِيَ غَ عِيسَىٰ يَسَامِ ذَمَ مَرَرْ لَيْڢِے أَغَبَنْ اللَّهْ؞
27تُواْ، عَكَنْ مٜىٰنٜىٰنٜىٰ ذَامُيِ تَاڧَمَ؟ أَيْ، بَا وَنِ أَبُ! تَوَنٜىٰ دَلِيلِ عَكَ كَوَرْدَ تَاڧَمَ؟ تَهَنْيَرْ كِيَايٜىٰ كُواْيَرْوَرْ مُوسَٰى؟ أَعَ، سَيْدَيْ تَبَنْغَسْكِيَ؞ 28غَمَا مُنْ أَمِنْثٜىٰ ثٜىٰوَ تَوُرِنْ بَنْغَسْكِيَ نٜىٰ عَكَنْ سَامِ ذَمَ مَرَرْ لَيْڢِے أَغَبَنْ اللَّهْ، بَتَوُرِنْ بِنْ أَيُّكَنْ كُواْيَرْوَرْ مُوسَٰى بَ؞ 29كُواْ كُوَ اللَّهْ، اللَّهْ نَ يَهُودَاوَا نٜىٰ، سُو كَطَيْ؟ أَشٜىٰ، بَنَمُتَنٜىٰنْ دَ بَا يَهُودَاوَا بَنٜىٰ كُمَ؟ ڨُورَيْ كُوَ، شِے مَا نَوَطَنْدَ بَا يَهُودَاوَا بَنٜىٰ كُمَ، 30غَمَا اللَّهْ طَيَنٜىٰ؞ ذَيْسَا مَاسُ كَاثِيَ سُسَامِ ذَمَ مَرَسَ لَيْڢِے أَغَرٜىٰشِ تَوُرِنْ بَنْغَسْكِيَ، حَكَمَا مَرَسَ كَاثِيَ ذَاسُ سَامِ ذَمَ مَرَسَ لَيْڢِے تَوُرِنْ وَنَّنْ بَنْغَسْكِيَ؞ #مَيْ شَـ 6.4؛ غَلْ 3.20 31شِنْ، مُنْ كَوَرْدَ كُواْيَرْوَرْ مُوسَٰى كٜىٰنَنْ بِسَغَ وَنَّنْ بَنْغَسْكِيَ؟ كُواْ كَطَنْ! أَ مَيْمَكُوانْ حَكَ، تَبَّتَرْ دَ عِتَ نٜىٰ مُكٜىٰيِ؞
Currently Selected:
رُواْمَاوَا 3: hauAS
Tõsta esile
Kopeeri
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020