أَيُّكَنْ مَنْذَنِّے 2
2
ذُوَانْ رُوحُ مَيْ ڟَرْكِے
1دَ رَانَرْ بِكٍ ڢٜىٰنْتِكُواسْ#2.1 ڢٜىٰنْتِكُواسْ: دُوبِے مَعَنَرْ وَطَنْسُ كَلْمُواْمِ؞ تَيِ، دُكْ مَاسُبِے سُنَ تَرٜىٰ أَوُرِے طَيَ؞ #لِـ ڢِرْ 23.15-21؛ مَيْ شَـ 16.9-11 2بَا لَابَرِ سَيْ عَكَجِ وَتَ ڧَارَ دَغَ سَمَ كَمَرْ تَبَبَّرْ إِسْكَ، تَثِكَ دُكَنْ غِدَنْ دَسُكٜىٰ ظَوْنٜىٰ عَثِكِ؞ 3سَيْغَا وَطَنْسُ أَبُبُوَ كَمَرْ هَرْسُنَنْ وُتَا، سُكَ بَيَّنَ أَغَرٜىٰسُ، سُنَ رَرَّبُوَ، سُنَ سَسَّوْكَ عَكَنْ كُواْوَنٜىٰ طَيَنْسُ؞
4سَيْ دُكْ عَكَ ثِكَسُ دَ رُوحُ مَيْ ڟَرْكِے، سُكَ كُمَ ڢَارَ مَغَنَ دَ وَطَنْسُ يَرٜىٰ دَبَمْ دَبَمْ، يَدَّ رُوحٌ يَيِ مُسُ بَيْوَرْ يِنْ مَغَنَ؞
5تُواْ، أَݣَويْ وَطَنْسُ یَنْ أَدِّينِنْ يَهُودَاوَا وَطَنْدَ سُكٜىٰ ذَمَ أَ عُرُوشَلِيمَ سُنْ كُوَ ذُواْ نٜىٰ دَغَ كُواْوَثٜىٰ أَلْعُمَّ عَڧَرْڧَشِنْ سَمَ؞ 6دَ سُكَجِ ڧَارَرْ إِسْكَرْ طِنَّنْ، سَيْ تَارُوانْ مُتَنٜىٰ يَهَطُ؞ دُكَنْسُ سُكَيِ مَامَاكِ، دُوانْ كُواْوَنّٜىٰنْسُ يَجِ تَارُوانْ سُنَ مَغَنَ دَ يَرٜىٰنْ غَرِنْسُ؞ 7سُكَيِ مَامَاكِ سُواْسَيْ، سُنَ ثٜىٰوَ «أَشٜىٰ، دُكْ مَاسُ مَغَنَرْ نَنْ بَ غَلِيلَاوَا بَنٜىٰ؟ 8يَيَ كُمَ كُواْوَنّٜىٰنْمُ يَنَ جِ سُنَ مَغَنَ دَ يَرٜىٰنْسَ؟» 9غَا مُو كُوَ، ڢَرْتِيَاوَا دَ مٜىٰدِيَاوَا دَ عٜىٰلَمَاوَا دَ مُتَنٜىٰنْ مٜىٰسُواْڢُواْتَمِيَ دَ نَيَنْكِنْ يَهُودِيَ دَ نَ كَڢَدُواْكِيَ دَ نَ ڢَنْتُسْ دَ نَ أَسِيَ، 10دَ نَ ڢِرِجِيَ دَ نَ ڢَمْڢِيلِيَ دَ نَ مَصَرْ دَ كُمَ نَكٜىٰوَيٜىٰنْ سَيِرِنْ تَڧَسَرْ لِبِيَ، حَرْ مَا دَ بَاڧِ دَغَ رُواْمَ؞ غَا مُو وَطَنْدَ عَكَ حَيْڢٜىٰمُ عَثِكِنْ أَدِّينِنْ يَهُودَاوَا دَ وَطَنْدَ سُكَ تُوبَ سُكَ شِغَ أَدِّينِنْمُ؞ 11غَا مُو كُمَ كِرِتَاوَا دَ لَرَبَاوَا، دُكْ مُنَجِ سُنَ مَغَنَ دَ يَرٜىٰنْمُ عَكَنْ مَنْيَنْ أَبُبُوَنْ دَ اللَّهْ يَيِ؞ 12دُكَ كُوَ سُكَيِ مَامَاكِ، سُكَ رُوطٜىٰ، سُنَثٜىٰ وَجُونَ «مٜىٰنٜىٰنٜىٰ وَنَّنْ يَكٜىٰ نُڢِ؟»
13عَمَّا وَطَنْسُ سُكَيِ مُسُ بَعَ سُكَثٜىٰ «ضُوً إِنَبِے سُكَشَا سُكَ بُغُ؞»
جَوَابِنْدَ بِتْرُسْ يَيِ أَ رَانَرْ ڢٜىٰنْتِكُواسْ
14سَيْ بِتْرُسْ يَتَاشِ ڟَيٜىٰ تَرٜىٰدَ شَا طَيَنَّنْ، يَطَغَ مُرْيَ يَيِ مُسُ جَوَابِے، يَثٜىٰ،
كُو یَنْعُوَنَ يَهُودَاوَا دَ دُكَنْ مَاسُ ذَمَ أَ عُرُوشَلِيمَ، كُجِ، كُكُمَ كُلَ دَ أَبِنْدَ ذَنْ ڢَطَا مُكُ؞ 15مُتَنٜىٰنَّنْ بَسُ بُغُبَ كَمَرْ يَدَّ كُكٜىٰ ڟَمَّنِ، تُنْدَيَكٜىٰ يَنْذُ ڧَرْڢٜىٰ تَرَنٜىٰ كَوَيْ نَسَڢٜىٰ؞ 16وَنَّنْ، أَيْ، شِينٜىٰ أَبِنْدَ أَنَّبِے يُواْوٜىٰلْ يَڢَطَا ثٜىٰوَ
17« ‹اللَّهْ يَثٜىٰ،
«عَݣُونَكِنْ ڧَرْشٜىٰ ذَنْ ظُبُواْوَ دُكَنْ یَنْ أَدَمْ رُوحُنَ؞
یَیَنْكُ مَظَا دَ مَاتَا ذَاسُيِ أَنَّبْثِ؞
سَمَارِنْكُ ذَاسُغَ رُعُيُواْيِ،
ڟُواْڢَڢِّنْكُ كُمَ ذَاسُيِ مَڢَرْكَيْ؞
18حَڧِيڧَ، حَرْ مَا عَݣُونَكِنْنَنْ
ذَنْ ظُبُواْ رُوحُنَ عَكَنْ بَايِنَ مَظَا دَ مَاتَا،
ذَاسُ كُمَيِ أَنَّبْثِ؞
19ذَنْ نُونَ أَبُبُوَنْ بَنْ مَامَاكِ أَسَرَرِنْ سَمَ،
دَ عَلَمُنْ بَنْ مَامَاكِ أَنَنْ ڧَسَا،
وَتُواْ جِنِ دَ وُتَادَ كُمَ بَڧِنْ هَيَاڧِے؞
20ذَاعَ مَيْدَ رَانَ دُهُ،
وَتَ كُمَ ذَيْ ذَمَ جَا كَمَرْ جِنِ،
كَاڢِنْ رَانَرْ عُبَنْغِجِ تَذُواْ،
بَبَّرْ رَانَرْ نَنْ مَيْ طَوْكَكَ؞
21أَ لُواْكَثِنَّنْ نٜىٰ دُكْ وَنْدَ يَكِرَا
غَ سُونَنْ عُبَنْغِجِ ذَيْسَامِ ثٜىٰتُواْ؞» › » #يُواوْ 2.28-32
22يَا كُو یَنْعُوَنَ إِسْرَٰٓءِيلَاوَا، كُجِ وَنَّنْ مَغَنَ؞ عِيسَىٰ بَنَظَرٜىٰتْ مُتُمْ نٜىٰ دَ اللَّهْ يَتَبَّتَرْ مُكُ ثٜىٰوَ يَيَرْدَ دَشِ؞ اللَّهْ يَنُونَ وَنَّنْ تَوُرِنْ أَيُّكَنْ بَنْ مَامَاكِ دَ أَبُبُوَنْ بَنْ مَامَاكِ دَ عَلَمُ وَطَنْدَ يَيِ تَوُرِنْ عِيسَىٰ عَثِكِنْكُ، كَمَرْ يَدَّ كُو مَا كُكَ سَنِ دَ كَنْكُ دُوانْ دُكْ سُنْ ڢَرُ أَعِدُوانْكُ؞ 23شِ مُتُمِنَّنْ، أَنْبَادَشِ غَرٜىٰكُ بِسَغَ يَدَّ اللَّهْ يَڧَدَّرَ كُمَ دَ يَدَّ يَرِغَا يَسَنِ، كُكَ كُوَ غِثِّيٜىٰشِ، كُكَ كَشٜىٰشِ تَهَنُّنْ مَاسُ ذُنُوبِ؞ #مَتْ 27.35؛ مَرْ 15.24؛ لُكْ 23.33؛ يَحـ 19.18 24عَمَّا اللَّهْ يَڢَنْشٜىٰشِ دَغَ إِيكُوانْ مُتُوَ، يَتَاشٜىٰشِ دَغَ مَتَتُّو دَيَكٜىٰ بَايَ يِوُوَ مُتُوَ تَرِڧٜىٰشِ؞ #مَتْ 28.5-6؛ مَرْ 16.6؛ لُكْ 24.5 25غَمَا دَاوُدَ يَيِ مَغَنَ غَمٜىٰدَشِ يَثٜىٰ،
« ‹كُلُّمْ إِنَ غَنِنْ عُبَنْغِجِ،
يَنَ أَ حَنُّنْ دَامَنَ، دُواْمِنْ كَدَ إِنْجِجِّغُ؞
26سَبُواْدَ حَكَ ذُوثِيَاتَ تَنَ مُرْنَ،
هَرْشٜىٰنَ يَنَ رٜىٰرَ وَاڧَرْ ڢَضٍ ثِكِ،
جِكِينَ ذَيْ ذَوْنَ دَ سَا رَيْ؞
27غَمَا بَذَيْ بَرْ رَيْنَ عَكَبَرِبَ،
كُواْ يَبَرْ مَيْ ڟَرْكِنْسَ يَضُٻَبَ؞
28كَنَ كُواْيَ مِنِ حَنْيَرْ دَ ذَاتَ كَيْ غَ رَيْ؞
ذَاكَ ثِكَ نِے دَ ڢَضٍ ثِكِ تَوُرِنْ كَسَنْثٜىٰوَرْكَ تَرٜىٰدَنِ؞› » #زَبُو 16.8-11
29یَنْعُوَنَ إِسْرَٰٓءِيلَاوَا، ذَنْعِيَيِ مُكُ مَغَنَ بَابُ شَكَّ غَمٜىٰدَ كَكَنْمُ دَاوُدَ؞ دَاوُدَ يَمُتُ، أَنْبِنّٜىٰشِ، كَبَرِنْسَ كُمَ يأَنَانً تَرٜىٰدَمُو هَرْوَيَوْ؞#2.29 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِنْ أَيُّكَنْ مَنْذَنِّے؞ 30شِ أَنَّبِے نٜىٰ، كُمَ يَسَنْ اللَّهْ يَيِ مَسَ أَلْڧَوَرِ تَرٜىٰدَ ضَنْڟُوَا، ثٜىٰوَ ذَيْ نَطَ وَنِ دَغَ ثِكِنْ ذُرِيَرْسَ سَرْكِے، كَمَرْ يَدَّ يَنَطَ شِ دَاوُدَ؞ #زَبُو 132.11؛ 2 سَمْ 7.12-13 31تُنْدَيَكٜىٰ دَاوُدَ يَهَنْغُواْ حَكَ، يَكُمَيِ مَغَنَ عَكَنْ تَاشِنْ أَلْمَسِيحُ دَغَ مَتَتُّو ثٜىٰوَ بَذَاعَبَرْ شِ عَكَبَرِبَ، جِكِنْسَ كُمَ بَذَيْ ضُٻَبَ؞ 32اللَّهْ يَتَادَ عِيسَىٰ نَّنْ دَغَ مَتَتُّو، مُو كُوَ دُكْ شَيْدُنٜىٰ غَ وَنَّنْ؞ 33دَيَكٜىٰ أَنْطَوْكَكَاشِ غَ حَنُّنْ دَامَ نَ اللَّهْ، يَكُمَ كَرْٻِ رُوحُ مَيْ ڟَرْكِے دَغَ وُرِنْ عُبَا، يَدَّ عَكَيِ أَلْڧَوَرِ، سَيْ يَظُبُواْ رُوحٌ عَكَنْمُ؞ شِينٜىٰ يَكَٰوُاْ أَبِنْدَ كُكٜىٰ غَنِ، كُكٜىٰ كُمَجِ؞ 34أَيْ، بَ دَاوُدَ نٜىٰ يَهَوْ سَمَبَ، عَمَّا شِ دَكَنْسَ يَثٜىٰ،
« ‹عُبَنْغِجِ يَثٜىٰ وَ عُبَنْغِجِنَ،
ذَوْنَ أَ حَنُّنْ دَامَنَ،
35سَيْ نَسَا أَبُواْكَنْ غَابَنْكَ
عَڧَرْڧَشِنْ ڧَڢَاڢُنْكَ؞› » #زَبُو 110.1
36«سَبُواْدَ حَكَ، سَيْ دُكْ جَمَعَرْ إِسْرَٰٓءِيلَ ڢَا سُسَنِ ثٜىٰوَ عِيسَىٰ نَّنْ دَ كُكَ غِثِّيٜىٰ، اللَّهْ يَمَيْدَشِ عُبَنْغِجِ دَ كُمَ أَلْمَسِيحُ؞»
37تُواْ دَ سُكَجِ حَكَ، كَلْمَرْ تَا سُواْكِ ذُوثِيَارْسُ، سُكَثٜىٰ وَ بِتْرُسْ دَ سَوْرَنْ مَنْذَنِّےنْ «یَنْعُوَ، مٜىٰنٜىٰنٜىٰ ذَامُيِ؟»
38سَيْ بِتْرُسْ يَثٜىٰ مُسُ «سَيْ كُتُوبَ، عَيِ وَكُواْوَنّٜىٰنْكُ بَڢْتِسْمَ ثِكِنْ سُونَنْ عِيسَىٰ أَلْمَسِيحُ دُوانْ أَغَاڢَرْتَا مُكُ ذُنُبَنْكُ؞ ذَاكُ كُوَ سَامِ ݣَوْتَرْ رُوحُ مَيْ ڟَرْكِے؞ 39غَمَا وَنَّنْ أَلْڧَوَرِنْ اللَّهْ دُواْمِنْكُ نٜىٰ تَرٜىٰدَ یَیَنْكُ دَ كُمَ دُكَنْ وَطَنْدَ سُكٜىٰ نٜىٰسَ، وَتُواْ دُكَنْ وَطَنْدَ عُبَنْغِجِ اللَّهْ نْمُ يَكِرَا ذُوَا وُرِنْسَ؞»
40سَيْ يَيِ تَتَبَّتَرْ مُسُ دَ مَغَنْغَنُ مَاسُيَوَ، يَنَ تَيِ مُسُ غَرْغَطِے يَنَ ثٜىٰوَ «كُثٜىٰثٜىٰ كَنْكُ دَغَ مُوغُوَرْ ڟَارَرْ نَنْ مَاسُ رَايُوَرْ ݣُونَ ݣُونَ؞» 41وَطَنْدَ سُكَ يَرْدَ دَ مَغَنَرْ بِتْرُسْ كُوَ عَكَيِ مُسُ بَڢْتِسْمَ؞ أَ رَانَرْ نَنْ كُمَ سُكَ ڧَارُ دَ وَجٜىٰنْ مُتُمْ دُبُو عُكُ؞ 42سَيْ سُكَ مِيڧَ كَنْسُ دُكَ غَ كُواْيَرْوَرْ دَ مَنْذَنِّے سُكٜىٰيِ، سُنَ زُمُنْثِ، سُنَ ثِنْ عَبِنْثِ تَرٜىٰ، سُكٜىٰ كُمَيِنْ أَدُّعَ؞
يَدَّ ذَمَنْ مَاسُبِے يَكَسَنْثٜىٰ
43سَيْ ڟُواْرُواْ يَكَامَ كُواْوَ، دُوانْ اللَّهْ يَنَ يِنْ أَيُّكَنْ بَنْ مَامَاكِ دَ عَلَمُ دَيَوَ تَوُرِنْ مَنْذَنِّےنْ؞ 44دُكَنْ وَطَنْدَ سُكَ بَادَ غَسْكِيَ سُنْ كَسَنْثٜىٰ تَرٜىٰ ثِكِنْ زُمُنْثِ، سُنَ أَمْڢَانِ دَكُواْمٜىٰ نَاسُ تَرٜىٰ غَبَاطَيَ؞ #أَيُّكَنْ 4.32-35 45سُكَ سَيَرْ دَ أَبِنْدَ سُكٜىٰ دَشِ، سُكَ رَرَّبَ وَ كُواْوَ كُطِنْ بِسَغَ بُڧَاتَرْسَ؞ 46كُواْوَثٜىٰ رَانَ كُمَ سُنَ ذُوَا هَيْكَلِ دَ نُڢِ طَيَ؞ سُنَ ثِنْ عَبِنْثِ تَرٜىٰ أَغِدَاجٜىٰنْسُ، سُنَثِ سُنَشَا دَ ڢَضٍ ثِكِ دَ يَرْدَرْ رَيْ، 47تَرٜىٰدَ يَبُوانْ اللَّهْ؞ سُنَ كُمَ دَ ڢَضٍ جِنِ أَوُرِنْ مُتَنٜىٰ دُكَ؞ كُواْوَثٜىٰ رَانَ كُمَ عُبَنْغِجِ يَنَ ڧَارَ مُسُ وَطَنْدَ عَكٜىٰ ثٜىٰتُوانْسُ؞
Currently Selected:
أَيُّكَنْ مَنْذَنِّے 2: hauAS
Tõsta esile
Kopeeri
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020