Devitico Ma̧ȩ 16
16
Ütara̧rämo̧ yu̧a̧pea̧de a̧dë chjäte china̧chja jo̧ tjoräpȩ ju̧ri̧
2Ado Jeova judi yo̧rëremȩdejȩ Moiche ju̧i̧:
"Danȩ, chjadëri̧ yo̧tä earequedemȩ na̧ ayima̧i̧ ju̧i̧iäpȩmo̧, Aro̧ pio ju̧i̧iäpȩmo̧. Jabechji̧ jibëa̧ ma̧na̧ri̧ jo̧rȩtamȩrȩ yu̧a̧dëtäde. Aja̧, a̧dë chjäte china̧chja jo̧ tjoräpȩ jibëa̧ ma̧na̧ri̧ jo̧rȩtamȩrȩ yu̧a̧dëtäde. Jabechji̧ china̧chjade. Teracabari̧ yu̧a̧rea̧mi̧dëde jabo cüdë ütara̧rämo̧ yu̧a̧pea̧de. Danȩ, pio ju̧ri̧pȩ cjiadäräparequede, go̧a̧ra̧ ërä cjiamȩrȩ. Ji̧dë u̧i̧ tjoro cjiamȩ jo̧ tjorä ju̧ri̧, ca̧ to cjara ja̧ cjae ina̧rea̧ uërä ju̧ri̧ cjiadäräparequede, goe pjo̧dechäa̧ uëräpȩ ju̧ri̧.#16:2 Aja̧, pio jiro ina̧rea̧ ya uërä ju̧ri̧ goe üdë cjaräa̧ oa cjiarëremȩde pumȩ judiro̧ chjai̧dëri̧ japea̧ üdë cjae ina̧ oa cjiami̧ dari̧ cjiapade. Jabechji̧ icharaita judiro̧ Moicherë go̧ȩparërea̧ ma̧ȩrä cjo̧ro̧rä judirä, cjae ina̧ oa cjiami̧ dari̧ cjiarëremȩde pumȩ judiro̧ chjai̧dëri̧ japea̧ üdë oveja goe oaiä, chivo goe oaiä, baca goe oaiä. Jabomo̧ cjae ina̧ oa cjiami̧ dari̧ cjiarëremȩde, duridëparȩa̧ oa cjiadërëremȩde. Pio ju̧i̧iä jabechji̧, teracabari̧ järea̧mi̧dëde tuti märäa̧ oëräpȩmo̧. Judi teracabari̧ yu̧a̧rä judi ja̧bopade. Pio ju̧i̧iä yo̧requedemȩ pio ju̧i̧iäpȩmo̧ chjadëri̧ yo̧tä. 3Ado danȩ, Aro̧ judi ütara̧mi̧ yu̧a̧rä, a̧dë chjäte china̧chja jo̧ tjoräpȩ yu̧a̧rä, jabechji̧ goe gu̧rori̧ cäë yürüpea̧de yabochja. Aja̧, baca üi̧ pëi̧ chja oa cäë yürüpea̧de judi chjai̧dëri̧ japea̧ pio ju̧i̧ chjiari. Ado ju̧i̧ uëri cja̧rȩmȩ oveja üi̧ oa peaja̧di cäë yürüpea̧de go̧a̧ pënȩrȩ cjiadiädëri̧. Aja̧, ja̧di dari̧ japea̧rämo̧ chjadëri̧ yu̧a̧rea̧mi̧dade. Aja̧, ja̧di ta̧rëri̧ yo̧tä earequedemȩ na̧ ayima̧i̧ ju̧i̧" yo̧mȩrȩ yo̧rëremȩdejȩ Moiche ju̧i̧ Jeova judi.
Currently Selected:
Devitico Ma̧ȩ 16: Pume
Tõsta esile
Kopeeri
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved