Salmos 133
133
Náxrjón tjejó ti sin tjue̱he kícho
Salmo kuènté David
1Tsjehéra náxrjón
tjejó ti sin kíchóni
nkoko̱a tjenka̱yáxin sin.
2Éxi ti aceite xraxé náxrjón
tsíkꞌixikjajin ikja ti ncha̱tꞌá Aarón
la kꞌuinkajin hasta ti kaxrarꞌua chꞌan
la kjuíji ti isin chꞌan
la ko ti ika tꞌinkáyate chꞌan.
3Éxi ti ichꞌa̱n tꞌáníá ti ijna̱ Hermón
la tꞌinkajin hasta ti ijna̱ Sión.
Mé xi̱kaha ti nkoko̱a tjenka̱yáxini
la Itꞌéni Díos tsochrꞌán chꞌan
ti kjuachaxin kuènté chꞌan la ko ti kjuachón nkochríxín.
Praegu valitud:
Salmos 133: poeNTplus
Tõsta esile
Kopeeri
Võrdle
Jaga
Kas soovid, et sinu esiletõstmised oleksid salvestatud kõigis sinu seadmetes? Registreeru või logi sisse
© 2016, Wycliffe Bible Translators, Inc. All rights reserved.