Populaarsed piiblisalmid Matiu 5

Jaga

E kore hoki e tahuna te rama, e whakaturia ki raro o te mehua, engari ki runga ki te turanga; a ka tiaho ki nga tangata katoa i roto i te whare. Waihoki kia tiaho to koutou marama ki te aroaro o nga tangata, kia kite ai ratou i a koutou hanga pai, kia whakakororia ai i to koutou Matua i te rangi.

Ko koutou te whakamarama o te ao. E kore e ngaro te pa e tu ana i runga maunga.

Ka koa te hunga ngakau ma: e kite hoki ratou i te Atua.

Ka koa te hunga e hiakai ana, e hiainu ana, ki te tika: e makona hoki ratou.

Na ko taku kupu tenei ki a koutou, Arohaina o koutou hoa whawhai, manaakitia te hunga e kanga ana i a koutou, kia pai te mahi ki te hunga e kino ana ki a koutou, me inoi hoki mo te hunga e whakawhiu ana i a koutou, e whakatoi ana i a koutou

Ka koa te hunga he rawakore nei te wairua: no ratou hoki te rangatiratanga o te rangi.

Ka koa te hunga hohou rongo: ka huaina hoki ratou he tamariki na te Atua.

Ka koa te hunga e tangi ana: ka whakamarietia hoki ratou.

Ka koa te hunga e whakatoia ana mo te tika: no ratou hoki te rangatiratanga o te rangi.

Ka koa te hunga tohu tangata: e tohungia hoki ratou.

Ka koa koutou ina tawai ratou i a koutou, ina whakatoi, ina puaki i a ratou nga kupu kino katoa mo koutou, he mea teka, he whakaaro hoki ki ahau. Kia hari, kia whakamanamana: he rahi hoki te utu mo koutou i te rangi: he penei hoki ta ratou whakatoi i nga poropiti i mua i a koutou.

Ka koa te hunga ngakau mahaki: ka riro hoki i a ratou te whenua.

Ko koutou te tote o te whenua: otira ki te hemo te ha o te tote, ma te aha e whai tikanga tote ai? heoi ano tona painga, na ka akiritia ki waho, ka takahia e nga tangata.

Na kia tika koutou, kia pera me to koutou Matua i te rangi e tika ana.

Erangi ko tenei hei kupu ma koutou, Ae, ae; Kahore, kahore: no te mea ki te maha atu i ena, no te kino.

Kua rongo koutou i korerotia, He kanohi mo te kanohi, he niho mo te niho: Na ko taku kupu tenei ki a koutou, Kaua e whakauaua atu ki te kino; erangi ki te pakia tou paparinga matau e tetahi, whakaangahia atu hoki tera ki a ia.

Ki te he koe i tou kanohi matau, tikarohia, maka atu: he pai ke hoki ki a koe ki te ngaro tetahi wahi ou, a ka kore e maka tou tinana katoa ki Kehena. Ki te he ano hoki koe i tou ringa matau, poutoa, maka atu: he pai ke ki te mate tetahi wahi ou, a ka kore e maka tou tinana katoa ki Kehena.