Populaarsed piiblisalmid Apocalipsis 13

Jaga

Je²-vi⁴ xi³ cjoa⁴ˀi³sen³ta³con². Je² xi³ tjin¹-le⁴ cjoa⁴fa³ˀai³tsjen³, ca²ta³vˀe¹xqui⁴ je² número-le⁴ cho⁴-ve⁴, nca³ número-le⁴ cho⁴ta⁴ ni¹. Coi³ número-le⁴ cho⁴-ve⁴ jaon³ ciento cao⁴ jan²can³ cao⁴-ni³ jaon³.

Nca³tsˀi³ xi³ tjio¹ son³ˀnte³ tsa³ve³xcon¹, jña³-le⁴ jan³ˀain¹ xi³ li²coi³ tjio¹tˀa³ xon⁴-le⁴ cjoa⁴vi³jna³chon³ xi³ tsˀe⁴ je² Va³rre², xi³ cˀoa⁴-sˀin² cˀen³ sa³ˀnta³ nca³ to²tsˀin³-le⁴ cjoa⁴.

Tsa³cˀe¹ne² nca³ qui³sˀe³yo³tˀa³-le⁴ choa⁴ nca³tsˀi³ ntsja³ nca³qui²xi⁴ cao⁴ tjen³, je² xi³ xti³ cao⁴ xi³ jchi¹nca³, je² xi³ nchi⁴na¹ cao⁴ xi³ yo⁴ma⁴, je² xi³ tjio¹ntai¹ cao⁴ xi³ cho⁴ˀnta³. Ni⁴ˀya³-jin² xi³ coan⁴ coa³tse³, ni⁴coan⁴-jin² coa⁴te²na³, tsa² tsi² tjio¹choa⁴ cao⁴ je² jan³ˀain¹-le⁴ cho⁴-ve⁴ a³xo⁴ je² número-le⁴ jan³ˀain¹-le⁴.

Je² xi³ cˀoa⁴-sˀin² ca³ni¹jin³ cjoa⁴ñˀain³, cˀoa⁴-ti⁴sˀin² fi²jin³ cjoa⁴ñˀain³. Je² xi³ qui⁴cha⁴ si¹cˀen³-ni³, tjin¹ne²-le⁴ nca³ ti⁴cˀoa⁴-sˀin² coi⁴ya²-ni³. To⁴coi³ cjoa⁴-vi⁴ nca³ ma³chjen¹-le⁴ cho⁴ta⁴-le⁴ Cristo cjoa⁴tse³jta³ cao⁴ xi³ ma³cjain¹-le⁴.

An³ tsa³ca²sen⁴jna³jian³ ya⁴son² tso⁴mi¹ xi³ tsˀe⁴ nta¹chi³con³. Cˀoa⁴ tsa³ˀve³jncoa³ cho⁴ xi³ ji³tjo³mi³jin³ nta¹chi³con³, xi³ tjin¹-le⁴ ña³to³ jco⁴ cao⁴ te³ nčha⁴, cˀoa⁴ ya⁴son² nčha⁴-le⁴ te³ corona, cˀoa⁴ ya⁴jon³ jco⁴ tji¹tˀa³ jan³ˀain¹ xi³ nchja⁴ˀaon³.

Qui³tsˀai²ˀnte³-le⁴ nca³ qui³si³toan¹cao⁴ cho⁴ta⁴-le⁴ Cristo, cˀoa⁴ nca³ qui³si³qui³njen³-le⁴. Cˀoa⁴-ti⁴ qui³tsˀai²-le⁴ cjoa⁴te¹xo³ma³ xi³ tˀa³tsˀe⁴ nca³yi³je³ ntje⁴, cao⁴ nca³yi³je³ na⁴xi⁴na³nta¹, cao⁴ nca³yi³je³ en¹, cao⁴ nca³yi³je³ ˀnte³.

Vˀa³na⁴cha⁴-le⁴ je² xi³ tjio¹ son³ˀnte³ cao⁴ je² cjoa⁴xcon¹ xi³ qui³tsˀai²ˀnte³-le⁴ nca³ qui³sˀin³ nqui³xcon⁴ cho⁴-ve⁴. Vˀe¹ne² je² xi³ tjio¹ son³ˀnte³ nca³ ca²ta³si¹nta³ xco¹son² xi³ cˀoa⁴cji³-ni³le⁴ cho⁴ xi³ qui³tsin²ˀaon³-ni³ qui⁴cha⁴, to⁴nca³ tsa³cˀe²jna³con³. Cˀoa⁴ qui³tsˀai²ˀnte³-le⁴ nca³ si⁴²cˀe¹jna³con³ je² xco¹son² xi³ tsˀe⁴ cho⁴-ve⁴, jme¹-ni³ nca³ je² xco¹son²-le⁴ cho⁴-ve⁴ coi⁴nchja⁴-si¹ni³. Tsa² jnco³ xi³ tsi² scoe⁴xcon¹ je² xco¹son² xi³ tsˀe⁴ cho⁴-ve⁴, ni²cˀen³-ni³.

Je² cho⁴ xi³ tsa³ˀve³ cˀoa⁴cji³ xa³ˀi³nto³ cji³, cˀoa⁴ je² ntso⁴co⁴ jo³-ni³ tsˀe⁴ oso, cˀoa⁴ je² tsˀoa³ jo³-ni³ tsˀoa³ xa³. Je² cho⁴toan¹-ve⁴ qui³tsjoa³-le⁴ cho⁴-ve⁴ je² nca³nˀion¹-le⁴, cao⁴ je² ya¹xi²le⁴-le⁴, cao⁴ tse³ cjoa⁴te¹xo³ma³.

Qui³tjo³ˀai²ˀnte³-le⁴ tsˀoa³ nca³ coi⁴nchja⁴ en¹ncˀa³ xi³ qui³nchja⁴ˀaon³. Qui³tsˀai²-le⁴ cjoa⁴te¹xo³ma³ nca³ si⁴²xa¹ ña³chan²jao² sa¹.

Tsa³ˀve³jncoa³ jco⁴ jo³-sˀin² nca³ qui³tsin²ˀaon³ sa³ˀnta³ nca³ cˀen³, cˀoa⁴ ya⁴ jña³ qui³tsin²ˀaon³ coan³nta³-ni³. Jo³ nca³ to⁴coan³xcon¹-le⁴ nca³tsˀi³ son³ˀnte³ xi³ tˀa³tsˀe⁴ cho⁴-ve⁴.

Coan³scan³-ni³ tsa³ˀve³ nqui²jnco³ cho⁴ xi³ ji³tjo³mi³jin³-ni³ na³nqui³. Tjin¹-le⁴ jao² nčha⁴ xi³ cˀoa⁴cjoan³ tsˀe⁴ va³rre² cjoan³, to⁴nca³ qui³nchja⁴ jo³-ni³ cho⁴toan¹. Cˀoa⁴-sˀin² va³te¹xo³ma³ jo³-sˀin² tsa³ca³te¹xo³ma³ ti¹tjon² cho⁴ ya⁴ nqui³xcon⁴ nca³ je². Cˀoa⁴-sˀin² vˀe¹ne²-le⁴ je² son³ˀnte³ cao⁴ je² xi³ tjio¹ son³ˀnte³ nca³ scoe⁴xcon¹ je² cho⁴ xi³ ti¹tjon², jña³-le⁴ xi³ cˀoa⁴-sˀin² coan³nta³-ni³ jña³ nca³ qui³tsin²ˀaon³.