Populaarsed piiblisalmid Mateu 21

Jaga

Meta tita xeme, xeyunenewietɨ, yuri xete'erietɨ xemɨteta'iwauni, mɨkɨ xepɨteyetuiriyarieni.

Ketsutsi mɨpaɨ katiniwarutahɨawe: —Yurikɨ mɨpaɨ nepɨxerahɨawe, xɨka yuri xete'erieka, xɨka xe'iyari kahutani, 'ikɨ xapa hepaɨtsita kenemɨtiuyuri mɨpaɨ xeikɨa xepɨkateyurieni, matsi xepɨyɨwaweni 'ikɨ hɨri mɨpaɨ xemɨte'utahɨawe: “Keneu'apata, haramaratsie keneukawetsi”, hikɨ mɨpaɨ pɨtiyɨni.

Teɨteri yumɨiretɨ memanuyetekai meta wa'utɨa memuhukai mekaniutihiwakaitɨni mɨpaɨ me'utiyuatɨ: —'Ari ketaneutawikweitsitɨa Rawiri Nu'aya. —'Aixɨa ke'itɨarieka kemɨ'ane 'umamie Ti'aitame hetsɨa miemetɨtɨ. —'Ari ketaneutawikweitsitɨa taheima pemakawe.

Mɨpaɨ katiniwarutahɨawe: «'Ipaɨ katine'uka: “Nekitsɨ mɨpaɨ katinitewakamɨkɨ nenewieri kiyari”. Peru xeme “tenawayamete waterɨ” xekanayeitɨani».

«Mɨpaɨ xeketenetahɨawi Tsiyuni mɨrakutewa kiekame: “Neuxei, mati'aitɨwame 'ahetsɨa kanamieni, tixaɨtɨ karayuyeitɨatɨ meta puxutsie 'anakaitɨ, puxu temaikɨ hetsie, ti'ikatɨariwame nu'ayatsie”».

Hikɨ Ketsutsi mɨpaɨ katiniwarutahɨawe: —¿Xekate'ekaterɨwawawe 'utɨarika xapayaritsie: »“Mɨkɨ teté memitixani'eri kii wewiwamete mɨkɨ teté 'itsikina mieme kanayani, Ti'aitame mɨya katiniuyurieni, meta kanimariweni ketemɨte'ixeiya”?

»'Ayumieme mɨpaɨ nepɨtixekɨhɨawe, xeme xepɨnawaiyarieni Kakaɨyari kemɨti'aita, hikɨ hipatɨ pɨta teɨteri mekaniyetuiriyariekuni 'ikwaxi memɨtixuawitɨani hetsiena mieme.